Gyðingar uggandi í Evrópu 21. mars 2015 12:00 Tveir gyðingar leita huggunar hvor hjá öðrum eftir árásina á bænahús gyðinga í Kaupmannahöfn í febrúar síðastliðnum. vísir/epa Síðustu misserin hafa gyðingar í Evrópu skynjað aukna fordóma í sinn garð. Þeir eru jafnvel sumir hverjir farnir að hugsa sér til hreyfings og velta því fyrir sér hvert réttast væri að flýja hreinlega til Ísraels. Ísraelskir ráðamenn hafa beinlínis hvatt þá til þess og bjóða þá hjartanlega velkomna. „Mig langar að segja þetta við alla gyðinga í Frakklandi, alla gyðinga í Evrópu, að Ísrael er ekki bara sá staður sem þið beinið bænum ykkar í áttina að. Ísraelsríki er heimili ykkar,“ sagði Benjamín Netanjahú, forsætisráðherra Ísraels, eftir árásina á matvörumarkaðinn í París í janúar. Netanjahú endurtók svo þetta tilboð sitt eftir árásina í Kaupmannahöfn mánuði síðar. Á undanförnum árum hafa nokkrar morðárásir verið gerðar á gyðinga í Evrópuríkjum, Frakklandi, Belgíu og víðar. Oftast hafa þar verið á ferðinni menn undir áhrifum af öfgahópum íslamista. Gyðingar hafa síðan einnig í vaxandi mæli kvartað undan því að gagnrýni á Ísraelsríki sé farin að bera keim af gyðingahatri. Berjast þurfi gegn slíkum hatursáróðri ekki síður en þeim fordómum sem múslimar í Evrópu hafa orðið fyrir undanfarið. Sumir taka svo djúpt í árinni að segja nánast alla gagnrýni á Ísraelsríki vera lítt dulbúið gyðingahatur.Óvæntur samherji Bandaríski blaðamaðurinn Jeffrey Goldberg skrifar efnismikla grein í nýjasta hefti tímaritsins The Atlantic, þar sem hann spyr hvort tími sé kominn fyrir Gyðinga til að forða sér frá Evrópu. Hann segist helst kominn á þá skoðun að svo sé. Athyglisvert er að Goldberg, sem sjálfur er gyðingur, ræðir meðal annars við Marine le Pen, leiðtoga frönsku Þjóðarfylkingarinnar, og finnur hjá henni harla óvænta samkennd með hlutskipti gyðinga. Þar ræður mestu sameiginlegur ótti hennar og margra gyðinga við fordómafulla múslima. Goldberg áttar sig vissulega á því að hún sjái þarna tækifæri fyrir flokkinn sinn og sjálfa sig í pólitíkinni: „Ef hún gæti drepið niður þá ímynd Þjóðarflokksins að þar sé á ferðinni fasistaflokkur, með því að fá vissa viðurkenningu frá gyðingum, þá gæti það hjálpað til við að auðvelda henni leiðina til forsetastólsins.“ Sjálfur sagðist Goldberg vera hneykslaður á því að í Frakklandi mætti finna gyðinga sem líta til Þjóðarfylkingarinnar eftir hjálpræði. Le Pen segist ekkert vera hissa á því: „Áratugum saman hafa þeir haldið áfram að berjast gegn gyðingahatri sem er ekki lengur til í Frakklandi,“ segir hún við Goldberg. „En á meðan þeir voru að þessu, að berjast gegn óvini sem ekki er lengur til, þá hefur gyðingahatri sem stafar einkum frá hugmyndaþróun meðal bókstafstrúaðra múslima vaxið ásmegin í Frakklandi.“Gamla og nýja hatrið Raphael Schutz, sem er nýtekinn við sem sendiherra Ísraels á Noregi og Íslandi, með aðsetur í Noregi, var í sinni fyrstu heimsókn hér á landi nú í vikunni. Í viðtali við Fréttablaðið bendir hann á að gyðingahatur sé af ýmsum toga. Þannig þurfi að gera greinarmun á gamla evrópska gyðingahatrinu, sem á rætur að rekja til 19. aldar, og svo gyðingahatrinu í arabaheiminum sem nú hefur einnig skotið rótum í Evrópu. „Í dag er það svo, myndi ég segja, að gamla klassíska gyðingahatrið sé enn fyrir hendi í Evrópu í einhverjum mæli en þegar gyðingahatur brýst út í ofbeldi þá sprettur það aðallega upp úr róttæku íslam. Þá er ég að tala um árásir eins og við höfum nýverið séð brjótast út í París, Toulouse og Brussel.“ Þessa tegund gyðingahaturs segir hann nýtilkomna í Evrópu. „Hún hefur í raun verið innflutt til Evrópu og kom þangað með þeim stóru samfélögum múslima sem hafa sest þar að. Hún hefur svo magnast með uppgangi hreyfinga á borð við Íslamska ríkið í Mið-Austurlöndum. Og hún styrkist með innrætingu.“Gagnrýni eða hatursáróður Schutz tekur síðan fram að gagnrýni á stefnu Ísraelsstjórnar geti vissulega átt fullan rétt á sér. „Þið ættuð hins vegar að spyrja ykkur að því hvernig á því stendur að réttmæt gagnrýni skuli svo oft snúast upp í hatursáróður. Stundum er hægt að læra mikið á að sjá hvernig hin klassísku mótív gyðingahaturs birtast í nýjum búningi þegar Ísrael er annars vegar.“ Hann nefnir tvö dæmi. „Gyðingar áttu að vera að eitra brunna í Evrópu og koma þannig af stað sjúkdómum. Þetta er klassískt gyðingahatur sem enginn telur lengur eiga rétt á sér. En svo er talað um að Ísrael sé að stela vatni frá Palestínumönnum. Þetta þykir réttmætt. Þarna er samt sama orðræðan á ferðinni. Hún var röng þá og er röng í dag. Ekki þykir lengur rétt að tala svona um gyðinga, en þegar talið beinist að Ísrael þá er það í lagi.“Hinn nýi gyðingur „Á miðöldum voru gyðingar líka sakaðir um að myrða börn í þeim tilgangi að nota blóðið úr þeim við trúarathafnir. Þetta er klassískt gyðingahatur sem ekki þykir lengur viðeigandi. En nú er talað um að Ísrael sé að drepa palestínsk börn vísvitandi. Þarna er nákvæmlega sama orðræðan á ferðinni, nema þetta klassíska gyðingahatur beinist nú gegn Ísraelsríki. Þannig að Ísraelsríki er í vissum skilningi orðið hinn nýi gyðingur.“ Í framhaldi af þessu fer hann að tala um pólitíska misnotkun mannréttinda. „Þið þurfið ekki að vera sammála okkur í einu og öllu. Þið getið gagnrýnt hvað sem þið viljið. En þegar allt kemur til alls eru þessar ýkjur og þessi herferð gegn Ísrael þar sem mannréttindi eru notuð í pólitískum tilgangi skýr vísbending um að hér sé eitthvað meira á ferðinni en bara gagnrýni á Ísrael.“ Mest lesið „Nauðsynlegt að bregðast við“ en aðgerðum fækkar Innlent Fall Sinwar „upphafið að endinum“ Erlent Ítrekuð brot gegn grunnskólastúlku nauðgun eftir allt saman Innlent Mál umdeilda skákborðsins ætlar engan endi að taka Innlent Stillt upp á alla lista Viðreisnar Innlent „Af hverju á ekki að bjarga börnunum?“ Innlent Kosningavaktin: Íslendingar ganga að kjörborðinu Innlent „Fullt út úr dyrum“ á öllum fundum Samfylkingarinnar Innlent Sendur í leyfi Innlent Alma Möller skellir sér í pólitíkina Innlent Fleiri fréttir „Nauðsynlegt að bregðast við“ en aðgerðum fækkar „Fullt út úr dyrum“ á öllum fundum Samfylkingarinnar Mál umdeilda skákborðsins ætlar engan endi að taka Stillt upp á alla lista Viðreisnar „Af hverju á ekki að bjarga börnunum?“ Starfsstjórn tekin við stjórnartaumunum Sögulegur fundur á Bessastöðum og átakanleg saga af Stuðlum Alma hættir sér ekki í oddvitabaráttuna Ítrekuð brot gegn grunnskólastúlku nauðgun eftir allt saman Sá elsti vonar að draumur um ráðherrasæti rætist Ekkert bendi til þess að kvikusöfnun sé að hætta Vilhjálmur blandar sér í baráttuna í Kraganum Sara sækist eftir fyrsta sæti í Reykjavík hjá Pírötum Líneik Anna lætur af þingmennsku Kosningavaktin: Íslendingar ganga að kjörborðinu Skrifar sundurlyndið ekki bara á Vinstri græn G. Sigríður vill annað sætið í Norðvestur Lárus leiðir uppstillingarnefnd Framsóknar í Reykjavík Bjarni hættur í Vinstri grænum Hætt hjá SFS og til liðs við Miðflokkinn Örn í sex ára fangelsi fyrir tilraun til manndráps Kennarar í MR samþykkja verkfall Forsetaframbjóðandi vill leiða lista Pírata Alma Möller skellir sér í pólitíkina Píratar halda prófkjör Rósa sækist eftir þriðja sætinu Sigurður Ingi mætir í Samtalið á ólgutímum Starfsstjórn með minnihluta á Alþingi tekur við síðdegis „Kennarar eru ekki eyland í kjarabaráttunni“ Jón Magnús gefur kost á sér Sjá meira
Síðustu misserin hafa gyðingar í Evrópu skynjað aukna fordóma í sinn garð. Þeir eru jafnvel sumir hverjir farnir að hugsa sér til hreyfings og velta því fyrir sér hvert réttast væri að flýja hreinlega til Ísraels. Ísraelskir ráðamenn hafa beinlínis hvatt þá til þess og bjóða þá hjartanlega velkomna. „Mig langar að segja þetta við alla gyðinga í Frakklandi, alla gyðinga í Evrópu, að Ísrael er ekki bara sá staður sem þið beinið bænum ykkar í áttina að. Ísraelsríki er heimili ykkar,“ sagði Benjamín Netanjahú, forsætisráðherra Ísraels, eftir árásina á matvörumarkaðinn í París í janúar. Netanjahú endurtók svo þetta tilboð sitt eftir árásina í Kaupmannahöfn mánuði síðar. Á undanförnum árum hafa nokkrar morðárásir verið gerðar á gyðinga í Evrópuríkjum, Frakklandi, Belgíu og víðar. Oftast hafa þar verið á ferðinni menn undir áhrifum af öfgahópum íslamista. Gyðingar hafa síðan einnig í vaxandi mæli kvartað undan því að gagnrýni á Ísraelsríki sé farin að bera keim af gyðingahatri. Berjast þurfi gegn slíkum hatursáróðri ekki síður en þeim fordómum sem múslimar í Evrópu hafa orðið fyrir undanfarið. Sumir taka svo djúpt í árinni að segja nánast alla gagnrýni á Ísraelsríki vera lítt dulbúið gyðingahatur.Óvæntur samherji Bandaríski blaðamaðurinn Jeffrey Goldberg skrifar efnismikla grein í nýjasta hefti tímaritsins The Atlantic, þar sem hann spyr hvort tími sé kominn fyrir Gyðinga til að forða sér frá Evrópu. Hann segist helst kominn á þá skoðun að svo sé. Athyglisvert er að Goldberg, sem sjálfur er gyðingur, ræðir meðal annars við Marine le Pen, leiðtoga frönsku Þjóðarfylkingarinnar, og finnur hjá henni harla óvænta samkennd með hlutskipti gyðinga. Þar ræður mestu sameiginlegur ótti hennar og margra gyðinga við fordómafulla múslima. Goldberg áttar sig vissulega á því að hún sjái þarna tækifæri fyrir flokkinn sinn og sjálfa sig í pólitíkinni: „Ef hún gæti drepið niður þá ímynd Þjóðarflokksins að þar sé á ferðinni fasistaflokkur, með því að fá vissa viðurkenningu frá gyðingum, þá gæti það hjálpað til við að auðvelda henni leiðina til forsetastólsins.“ Sjálfur sagðist Goldberg vera hneykslaður á því að í Frakklandi mætti finna gyðinga sem líta til Þjóðarfylkingarinnar eftir hjálpræði. Le Pen segist ekkert vera hissa á því: „Áratugum saman hafa þeir haldið áfram að berjast gegn gyðingahatri sem er ekki lengur til í Frakklandi,“ segir hún við Goldberg. „En á meðan þeir voru að þessu, að berjast gegn óvini sem ekki er lengur til, þá hefur gyðingahatri sem stafar einkum frá hugmyndaþróun meðal bókstafstrúaðra múslima vaxið ásmegin í Frakklandi.“Gamla og nýja hatrið Raphael Schutz, sem er nýtekinn við sem sendiherra Ísraels á Noregi og Íslandi, með aðsetur í Noregi, var í sinni fyrstu heimsókn hér á landi nú í vikunni. Í viðtali við Fréttablaðið bendir hann á að gyðingahatur sé af ýmsum toga. Þannig þurfi að gera greinarmun á gamla evrópska gyðingahatrinu, sem á rætur að rekja til 19. aldar, og svo gyðingahatrinu í arabaheiminum sem nú hefur einnig skotið rótum í Evrópu. „Í dag er það svo, myndi ég segja, að gamla klassíska gyðingahatrið sé enn fyrir hendi í Evrópu í einhverjum mæli en þegar gyðingahatur brýst út í ofbeldi þá sprettur það aðallega upp úr róttæku íslam. Þá er ég að tala um árásir eins og við höfum nýverið séð brjótast út í París, Toulouse og Brussel.“ Þessa tegund gyðingahaturs segir hann nýtilkomna í Evrópu. „Hún hefur í raun verið innflutt til Evrópu og kom þangað með þeim stóru samfélögum múslima sem hafa sest þar að. Hún hefur svo magnast með uppgangi hreyfinga á borð við Íslamska ríkið í Mið-Austurlöndum. Og hún styrkist með innrætingu.“Gagnrýni eða hatursáróður Schutz tekur síðan fram að gagnrýni á stefnu Ísraelsstjórnar geti vissulega átt fullan rétt á sér. „Þið ættuð hins vegar að spyrja ykkur að því hvernig á því stendur að réttmæt gagnrýni skuli svo oft snúast upp í hatursáróður. Stundum er hægt að læra mikið á að sjá hvernig hin klassísku mótív gyðingahaturs birtast í nýjum búningi þegar Ísrael er annars vegar.“ Hann nefnir tvö dæmi. „Gyðingar áttu að vera að eitra brunna í Evrópu og koma þannig af stað sjúkdómum. Þetta er klassískt gyðingahatur sem enginn telur lengur eiga rétt á sér. En svo er talað um að Ísrael sé að stela vatni frá Palestínumönnum. Þetta þykir réttmætt. Þarna er samt sama orðræðan á ferðinni. Hún var röng þá og er röng í dag. Ekki þykir lengur rétt að tala svona um gyðinga, en þegar talið beinist að Ísrael þá er það í lagi.“Hinn nýi gyðingur „Á miðöldum voru gyðingar líka sakaðir um að myrða börn í þeim tilgangi að nota blóðið úr þeim við trúarathafnir. Þetta er klassískt gyðingahatur sem ekki þykir lengur viðeigandi. En nú er talað um að Ísrael sé að drepa palestínsk börn vísvitandi. Þarna er nákvæmlega sama orðræðan á ferðinni, nema þetta klassíska gyðingahatur beinist nú gegn Ísraelsríki. Þannig að Ísraelsríki er í vissum skilningi orðið hinn nýi gyðingur.“ Í framhaldi af þessu fer hann að tala um pólitíska misnotkun mannréttinda. „Þið þurfið ekki að vera sammála okkur í einu og öllu. Þið getið gagnrýnt hvað sem þið viljið. En þegar allt kemur til alls eru þessar ýkjur og þessi herferð gegn Ísrael þar sem mannréttindi eru notuð í pólitískum tilgangi skýr vísbending um að hér sé eitthvað meira á ferðinni en bara gagnrýni á Ísrael.“
Mest lesið „Nauðsynlegt að bregðast við“ en aðgerðum fækkar Innlent Fall Sinwar „upphafið að endinum“ Erlent Ítrekuð brot gegn grunnskólastúlku nauðgun eftir allt saman Innlent Mál umdeilda skákborðsins ætlar engan endi að taka Innlent Stillt upp á alla lista Viðreisnar Innlent „Af hverju á ekki að bjarga börnunum?“ Innlent Kosningavaktin: Íslendingar ganga að kjörborðinu Innlent „Fullt út úr dyrum“ á öllum fundum Samfylkingarinnar Innlent Sendur í leyfi Innlent Alma Möller skellir sér í pólitíkina Innlent Fleiri fréttir „Nauðsynlegt að bregðast við“ en aðgerðum fækkar „Fullt út úr dyrum“ á öllum fundum Samfylkingarinnar Mál umdeilda skákborðsins ætlar engan endi að taka Stillt upp á alla lista Viðreisnar „Af hverju á ekki að bjarga börnunum?“ Starfsstjórn tekin við stjórnartaumunum Sögulegur fundur á Bessastöðum og átakanleg saga af Stuðlum Alma hættir sér ekki í oddvitabaráttuna Ítrekuð brot gegn grunnskólastúlku nauðgun eftir allt saman Sá elsti vonar að draumur um ráðherrasæti rætist Ekkert bendi til þess að kvikusöfnun sé að hætta Vilhjálmur blandar sér í baráttuna í Kraganum Sara sækist eftir fyrsta sæti í Reykjavík hjá Pírötum Líneik Anna lætur af þingmennsku Kosningavaktin: Íslendingar ganga að kjörborðinu Skrifar sundurlyndið ekki bara á Vinstri græn G. Sigríður vill annað sætið í Norðvestur Lárus leiðir uppstillingarnefnd Framsóknar í Reykjavík Bjarni hættur í Vinstri grænum Hætt hjá SFS og til liðs við Miðflokkinn Örn í sex ára fangelsi fyrir tilraun til manndráps Kennarar í MR samþykkja verkfall Forsetaframbjóðandi vill leiða lista Pírata Alma Möller skellir sér í pólitíkina Píratar halda prófkjör Rósa sækist eftir þriðja sætinu Sigurður Ingi mætir í Samtalið á ólgutímum Starfsstjórn með minnihluta á Alþingi tekur við síðdegis „Kennarar eru ekki eyland í kjarabaráttunni“ Jón Magnús gefur kost á sér Sjá meira