Allir geta leikið samkynhneigða

Leikkonan Reese Witherspoon segir að þeir leikarar sem neiti að leika samkynhneigða þurfi aðeins að endurskoða þá skoðun sína.

„Samkynhneigðir leikarar fara oft með hlutverk gagnkynhneigðra. Það sama ætti að gilda fyrir gagnkynhneigða sem ættu þá alveg eins að geta leikið samkynhneigða,“ segir leikkonan og bætir við: „Ef fólk skilur ekki að við þurfum að vera sveigjanleg í þessum efnum, þá þarf það aðeins að endurskoða viðhorf sín og fríska upp á þau.“

Hún segir það vera hlutverk leikara að umbreyta sér til þess að geta tekið að sér fjölbreytt hlutverk.