Óskar eftir ófrjóum einhleypum hojurum Guðrún Ansnes skrifar 11. maí 2015 08:30 Sigga Soffía segir alla finna eitthvað við sitt hæfi á sýningunni, en hún nær yfir öll möguleg listform. Gestir þurfa ekki að óttast fugladrit eða dúfnaslag, því þeim sé gaumgæfilega haldið á réttum stöðum á sviðinu. Vísir/Nanna Dís „Ég leita nú logandi ljósi að ófrjóum einhleypum hojurum sem eru til í að leika á móti Ingvari E. Sigurðssyni, Sögu Garðarsdóttur og Atla Rafni Sigurðarsyni á fjölum Þjóðleikhússins eftir helgi,“ segir Sigríður Soffía Níelsdóttir, höfundur dansleikhúsverksins Svartra fjaðra, sem mun marka upphaf 29. Listahátíðar í Reykjavík. Dúfurnar leika veigamikið hlutverk í sýningunni, en pattstaða kom aldeilis upp þegar í ljós kom að dúfurnar, sem hún hafði ætlað að nota í sýningunni, voru fjarri góðu gamni, nú liggjandi á eggjum. „Ég vann með þessum fuglum í fyrra og sá mér leik á borði að hafa þær með í þessari sýningu, nema hvað þær brugðu sér í fæðingarorlof á ögurstundu,“ segir Sigga Soffía og ber örlítið á geðshræringu í hlátrinum sem eftir fylgir. Má með sanni segja að allt sé í hers höndum, en verði staðgenglar fuglanna ekki komnir í hús á morgun er ólíklegt að leyfi fáist fyrir fiðurfénaðinum innan veggja Þjóðleikhússins. Kosturinn við þessa sérstöku fugla, er að þeir þykja þægilegir til meðferðar á sviði, eru þungir á sér og fremur latir til flugs, sem er gríðarlega hentugt í ljósi þess að fuglarnir hafa ekki heimild til að fljúga yfir áhorfendur í sal Þjóðleikhússins. „Þegar þeir upplifa ógn þenja þeir út bringuna og hreyfa sig eins og tangódansarar um sviðið sem er virkilega flott,“ segir Sigga en bætir þó við að hún sé búin að setja saman plan B ef illa gengur að fá fugla til samstarfs í tæka tíð, en þó voni hún innilega að svo fari ekki. Undirbúningsferli sýningarinnar hefur verið heldur skrautlegt en fyrir skemmstu tognaði Ingvar í baki er hann steig trylltan dans á æfingu. „Atli Rafn var sem betur fer afar úrræðagóður og braut af þúsund ára gömlum jökulís sem notaður er í sýningunni um Fjalla-Eyvind og Höllu, kældi bólgurnar niður hjá Ingvari og kom honum þannig stórkostlega til bjargar,“ útskýrir Sigga. Hún segir jafnframt frá öðrum dansara í sýningunni sem dansaði fram af sviðinu á föstudag og er nú óljóst hvort hún verði sjálf að bregða sér í hlutverkið. „Ég vona ekki, en sjáum hvað setur,“ segir hún að lokum, og viðurkennir fyrir blaðamanni að sér þyki leikhúsverkið mun erfiðara viðureignar en sjálft íslenska veðrið sem hún hefur þurft að kljást við þegar hún hefur sett upp flugeldasýnu Menningarnætur undanfarin tvö ár. Sigga Soffía biður þá sem mögulega geta séð af dúfum í sýninguna að hafa samband við fyrsta tækifæri og bendir áhugasömum á sigridursoffia@gmail.com. Listahátíð í Reykjavík Menning Mest lesið Ætlar í blómabað á Balí með manninum sínum Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Lakkrískóngurinn Bülow selur sveitasetrið Lífið „Siðlausi siðfræðingurinn“ hreyfir ekki við Stefáni Einari Lífið Húðrútína ekki síður fyrir karlmenn Lífið Skilnaður Step Up hjóna genginn í gegn Lífið Fleiri fréttir Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Ég leita nú logandi ljósi að ófrjóum einhleypum hojurum sem eru til í að leika á móti Ingvari E. Sigurðssyni, Sögu Garðarsdóttur og Atla Rafni Sigurðarsyni á fjölum Þjóðleikhússins eftir helgi,“ segir Sigríður Soffía Níelsdóttir, höfundur dansleikhúsverksins Svartra fjaðra, sem mun marka upphaf 29. Listahátíðar í Reykjavík. Dúfurnar leika veigamikið hlutverk í sýningunni, en pattstaða kom aldeilis upp þegar í ljós kom að dúfurnar, sem hún hafði ætlað að nota í sýningunni, voru fjarri góðu gamni, nú liggjandi á eggjum. „Ég vann með þessum fuglum í fyrra og sá mér leik á borði að hafa þær með í þessari sýningu, nema hvað þær brugðu sér í fæðingarorlof á ögurstundu,“ segir Sigga Soffía og ber örlítið á geðshræringu í hlátrinum sem eftir fylgir. Má með sanni segja að allt sé í hers höndum, en verði staðgenglar fuglanna ekki komnir í hús á morgun er ólíklegt að leyfi fáist fyrir fiðurfénaðinum innan veggja Þjóðleikhússins. Kosturinn við þessa sérstöku fugla, er að þeir þykja þægilegir til meðferðar á sviði, eru þungir á sér og fremur latir til flugs, sem er gríðarlega hentugt í ljósi þess að fuglarnir hafa ekki heimild til að fljúga yfir áhorfendur í sal Þjóðleikhússins. „Þegar þeir upplifa ógn þenja þeir út bringuna og hreyfa sig eins og tangódansarar um sviðið sem er virkilega flott,“ segir Sigga en bætir þó við að hún sé búin að setja saman plan B ef illa gengur að fá fugla til samstarfs í tæka tíð, en þó voni hún innilega að svo fari ekki. Undirbúningsferli sýningarinnar hefur verið heldur skrautlegt en fyrir skemmstu tognaði Ingvar í baki er hann steig trylltan dans á æfingu. „Atli Rafn var sem betur fer afar úrræðagóður og braut af þúsund ára gömlum jökulís sem notaður er í sýningunni um Fjalla-Eyvind og Höllu, kældi bólgurnar niður hjá Ingvari og kom honum þannig stórkostlega til bjargar,“ útskýrir Sigga. Hún segir jafnframt frá öðrum dansara í sýningunni sem dansaði fram af sviðinu á föstudag og er nú óljóst hvort hún verði sjálf að bregða sér í hlutverkið. „Ég vona ekki, en sjáum hvað setur,“ segir hún að lokum, og viðurkennir fyrir blaðamanni að sér þyki leikhúsverkið mun erfiðara viðureignar en sjálft íslenska veðrið sem hún hefur þurft að kljást við þegar hún hefur sett upp flugeldasýnu Menningarnætur undanfarin tvö ár. Sigga Soffía biður þá sem mögulega geta séð af dúfum í sýninguna að hafa samband við fyrsta tækifæri og bendir áhugasömum á sigridursoffia@gmail.com.
Listahátíð í Reykjavík Menning Mest lesið Ætlar í blómabað á Balí með manninum sínum Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Lakkrískóngurinn Bülow selur sveitasetrið Lífið „Siðlausi siðfræðingurinn“ hreyfir ekki við Stefáni Einari Lífið Húðrútína ekki síður fyrir karlmenn Lífið Skilnaður Step Up hjóna genginn í gegn Lífið Fleiri fréttir Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira