Djassinn vakir í kvöld Magnús Guðmundsson skrifar 5. júní 2015 11:30 Guðmundur Steingrímsson spilaði með Guðmundi Ingólfssyni um árabil og nutu tónleikar þeirra mikilla vinsælda. Visir/Vilhelm Guðmundur Ingólfsson djasspíanisti lést árið 1992 eftir einstaklega glæstan og farsælan feril en hann var ótvírætt á meðal helstu djasstónlistarmanna þjóðarinnar. Á síðasta ári efndu félagar Guðmundar í djassinum til minningartónleika undir yfirskriftinni Guðmundarvaka á Café Rosenberg sem þóttu takast ljómandi vel. Í framhaldinu var ákveðið að gera þetta að árlegum viðburði á afmælisdegi Guðmundar þann 5. júní. Það eru gamlir félagar Guðmundar Ingólfssonar sem munu leika á Guðmundarvöku 2015 í kvöld kl. 22 á Café Rosenberg en bandið skipa þeir Reynir Sigurðsson, Björn Thoroddsen, Gunnar Hrafnsson og Guðmundur „Papa-jazz“ Steingrímsson. Einnig syngur Janis Carol nokkur lög en hún söng með Guðmundi Ingólfssyni í upphafi ferils síns. Guðmundur Steingrímsson spilaði lengi með nafna sínum Ingólfssyni og hann minnist þess þegar djassvakningin var að komast á flug á Íslandi. „Við spiluðum mikið saman um þrettán ára skeið. Ég var líka að spila með Hauki Morthens og Ragga Bjarna en við nafni vorum saman í djassinum. Þegar Guðmundur Ingólfsson kom frá Noregi 1977 þá vildi þannig til að það var verið að rífa upp starfssemina í Stúdentakjallaranum og við spiluðum þar reglulega ásamt Pálma Gunnars, Þórði Högna og fleiri góðum. Við Guðmundur vorum bæði þarna og í Djúpinu en sá staður átti líka mikinn þátt í þessari vakningu. Við stofnuðum svo Jazzvakningu 1975 og þá var Venni Linnet kominn inn í starfið. Þetta var heilmikið djasslíf.“ Það má búast við þessari gömlu góðu djassstemningu og miklu stuði á Café Rosenberg í kvöld. Efnisskráin er sú sama og Tríó Guðmundar Ingólfssonar var með á sínum tíma í bland við standarda. Þar á meðal ætlar Janis Carol að syngja Vorblómin anga eftir Guðmund Ingólfsson og móður hans, Oddfríði Sæmundsdóttur. Menning Mest lesið Hætt saman en halda áfram samstarfi á OnlyFans Lífið Gylfi Sig og Alexandra tilkynna kynið Lífið „Vináttan sem þú hélst að væri harðari en grjót reyndist byggð á sandi“ Lífið Hart barist á hundruð milljóna jólamarkaði Lífið Þráhyggja og árátta: „Er ég barnaníðingur? Slökkti ég örugglega á eldavélinni?“ Áskorun Óþrjótandi og ríkuleg undraveröld Íslands Lífið „Fullkomið frá upphafi til enda, svo ekki sé minna sagt“ Lífið Tólf fermetra smáhúsið innréttað og tilbúið Lífið Fresta ákvörðun um þátttöku í Eurovision Lífið Barnastjarna úr Aðþrengdum eiginkonum ólétt Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Guðmundur Ingólfsson djasspíanisti lést árið 1992 eftir einstaklega glæstan og farsælan feril en hann var ótvírætt á meðal helstu djasstónlistarmanna þjóðarinnar. Á síðasta ári efndu félagar Guðmundar í djassinum til minningartónleika undir yfirskriftinni Guðmundarvaka á Café Rosenberg sem þóttu takast ljómandi vel. Í framhaldinu var ákveðið að gera þetta að árlegum viðburði á afmælisdegi Guðmundar þann 5. júní. Það eru gamlir félagar Guðmundar Ingólfssonar sem munu leika á Guðmundarvöku 2015 í kvöld kl. 22 á Café Rosenberg en bandið skipa þeir Reynir Sigurðsson, Björn Thoroddsen, Gunnar Hrafnsson og Guðmundur „Papa-jazz“ Steingrímsson. Einnig syngur Janis Carol nokkur lög en hún söng með Guðmundi Ingólfssyni í upphafi ferils síns. Guðmundur Steingrímsson spilaði lengi með nafna sínum Ingólfssyni og hann minnist þess þegar djassvakningin var að komast á flug á Íslandi. „Við spiluðum mikið saman um þrettán ára skeið. Ég var líka að spila með Hauki Morthens og Ragga Bjarna en við nafni vorum saman í djassinum. Þegar Guðmundur Ingólfsson kom frá Noregi 1977 þá vildi þannig til að það var verið að rífa upp starfssemina í Stúdentakjallaranum og við spiluðum þar reglulega ásamt Pálma Gunnars, Þórði Högna og fleiri góðum. Við Guðmundur vorum bæði þarna og í Djúpinu en sá staður átti líka mikinn þátt í þessari vakningu. Við stofnuðum svo Jazzvakningu 1975 og þá var Venni Linnet kominn inn í starfið. Þetta var heilmikið djasslíf.“ Það má búast við þessari gömlu góðu djassstemningu og miklu stuði á Café Rosenberg í kvöld. Efnisskráin er sú sama og Tríó Guðmundar Ingólfssonar var með á sínum tíma í bland við standarda. Þar á meðal ætlar Janis Carol að syngja Vorblómin anga eftir Guðmund Ingólfsson og móður hans, Oddfríði Sæmundsdóttur.
Menning Mest lesið Hætt saman en halda áfram samstarfi á OnlyFans Lífið Gylfi Sig og Alexandra tilkynna kynið Lífið „Vináttan sem þú hélst að væri harðari en grjót reyndist byggð á sandi“ Lífið Hart barist á hundruð milljóna jólamarkaði Lífið Þráhyggja og árátta: „Er ég barnaníðingur? Slökkti ég örugglega á eldavélinni?“ Áskorun Óþrjótandi og ríkuleg undraveröld Íslands Lífið „Fullkomið frá upphafi til enda, svo ekki sé minna sagt“ Lífið Tólf fermetra smáhúsið innréttað og tilbúið Lífið Fresta ákvörðun um þátttöku í Eurovision Lífið Barnastjarna úr Aðþrengdum eiginkonum ólétt Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira