Beint frá vinnustofu Gyða Lóa Ólafsdóttir skrifar 14. júlí 2015 10:30 Brynjar og Veronika stefna á að vinna áfram hugmyndir og hluti á vinnustofunni og með þeim er grafíski hönnuðurinn Frosti Gnarr. Vísir/Ernir Vöruhönnuðurinn Brynjar Sigurðarson, ásamt innanhússarkitektinum og hönnuðinum Veroniku Sedlmair og grafíska hönnuðinum Frosta Gnarr, hefur opnað tímabundna vinnustofu og sýningarrými í húsnæði Crymogeu í júlímánuði sem ber nafnið Góðir vinir / Good Friends en nafnið er dregið af því hversu góðir vinir Brynjar, Veronika og Frosti eru. Brynjar og Veronika eru búsett í Berlín þar sem þau eru með stúdíó og á dögunum hlaut Brynjar svissnesku hönnunarverðlaunin Swiss Design Awards í flokki vöru- og hlutahönnunar fyrstur Íslendinga. „Við höfum verið að byggja upp stúdíó í Berlín og í kringum verðlaunin og nokkrar sýningar sem við tókum þátt í var stúdíóið að breytast í nokkurs konar skrifstofustarf og mér finnst það voðalega óspennandi,“ segir Brynjar. Hann segir þau Veroniku oft hafa hugleitt að koma til Íslands og bralla eitthvað skemmtilegt og stefnir þríeykið á að vinna áfram hugmyndir og hluti auk þess að skapa eitthvað spánnýtt. „Okkur langaði að skoða það hvort við gætum ekki verið að framleiða sjálf einhverja hluti og selt þá beint frá vinnustofunni. Þetta eru mestmegnis hlutir sem eru ekki framleiddir í einhverju upplagi heldur bara gerðir óþvingað af okkur sjálfum,“ segir Brynjar glaður í bragði og bætir við: „Við höfum verið að gera ullarteppi sem við handprjónum og okkur langaði svo mikið að gera eitthvað úr íslenskri ull. Svo erum við eitthvað að leira og langar að gera tilraunir með að gera gler úr íslenskum sandi.“ Góðir vinir / Good Friends er opið öllum og verður eitthvað af mununum til sölu auk þess sem hægt verður að spjalla við hönnuðina, tylla sér niður og fá sér kaffibolla og segir Brynjar hugmyndina að einhverju leyti líkjast hugmyndafræðinni um beint frá býli nema hér sé um að ræða beint frá vinnustofu. Það er nóg um að vera hjá Brynjari og Veroniku því í sumarlok fara þau í listamannaíbúð í París þar sem þau munu vinna að leikritatengdu verkefni. „Við munum vinna með leikurum og skapa einhvers konar heim af hlutum sem hægt verður að skapa leikrit út frá. Það er svona hliðaráhugi meðfram vöruhönnuninni að gera vídeóverk og jafnvel eitthvað leikritatengt.“ Góðir vinir / Good Friends, sem staðsett er á Barónsstíg 27, verður opið frá ellefu til fimm virka daga í júlí. Skoða má Instagram-síðu vinnustofunnar hér. Menning Mest lesið „Þegar menn vaða svona í fjölskylduna mína þá tek ég boxhanskana af“ Lífið Eva flutt inn í verðlaunahús Kára Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Gaf langömmu tattú í afmælisgjöf Lífið Heldur ekki vatni yfir konunni sinni Lífið Fréttatía vikunnar: Þingframboð, þýfi og brúarframkvæmdir Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Kolbrún ber laxerolíu á andlitið Lífið Íris Ósk selur tryllt hönnunarhús Lífið Fleiri fréttir Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Vöruhönnuðurinn Brynjar Sigurðarson, ásamt innanhússarkitektinum og hönnuðinum Veroniku Sedlmair og grafíska hönnuðinum Frosta Gnarr, hefur opnað tímabundna vinnustofu og sýningarrými í húsnæði Crymogeu í júlímánuði sem ber nafnið Góðir vinir / Good Friends en nafnið er dregið af því hversu góðir vinir Brynjar, Veronika og Frosti eru. Brynjar og Veronika eru búsett í Berlín þar sem þau eru með stúdíó og á dögunum hlaut Brynjar svissnesku hönnunarverðlaunin Swiss Design Awards í flokki vöru- og hlutahönnunar fyrstur Íslendinga. „Við höfum verið að byggja upp stúdíó í Berlín og í kringum verðlaunin og nokkrar sýningar sem við tókum þátt í var stúdíóið að breytast í nokkurs konar skrifstofustarf og mér finnst það voðalega óspennandi,“ segir Brynjar. Hann segir þau Veroniku oft hafa hugleitt að koma til Íslands og bralla eitthvað skemmtilegt og stefnir þríeykið á að vinna áfram hugmyndir og hluti auk þess að skapa eitthvað spánnýtt. „Okkur langaði að skoða það hvort við gætum ekki verið að framleiða sjálf einhverja hluti og selt þá beint frá vinnustofunni. Þetta eru mestmegnis hlutir sem eru ekki framleiddir í einhverju upplagi heldur bara gerðir óþvingað af okkur sjálfum,“ segir Brynjar glaður í bragði og bætir við: „Við höfum verið að gera ullarteppi sem við handprjónum og okkur langaði svo mikið að gera eitthvað úr íslenskri ull. Svo erum við eitthvað að leira og langar að gera tilraunir með að gera gler úr íslenskum sandi.“ Góðir vinir / Good Friends er opið öllum og verður eitthvað af mununum til sölu auk þess sem hægt verður að spjalla við hönnuðina, tylla sér niður og fá sér kaffibolla og segir Brynjar hugmyndina að einhverju leyti líkjast hugmyndafræðinni um beint frá býli nema hér sé um að ræða beint frá vinnustofu. Það er nóg um að vera hjá Brynjari og Veroniku því í sumarlok fara þau í listamannaíbúð í París þar sem þau munu vinna að leikritatengdu verkefni. „Við munum vinna með leikurum og skapa einhvers konar heim af hlutum sem hægt verður að skapa leikrit út frá. Það er svona hliðaráhugi meðfram vöruhönnuninni að gera vídeóverk og jafnvel eitthvað leikritatengt.“ Góðir vinir / Good Friends, sem staðsett er á Barónsstíg 27, verður opið frá ellefu til fimm virka daga í júlí. Skoða má Instagram-síðu vinnustofunnar hér.
Menning Mest lesið „Þegar menn vaða svona í fjölskylduna mína þá tek ég boxhanskana af“ Lífið Eva flutt inn í verðlaunahús Kára Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Gaf langömmu tattú í afmælisgjöf Lífið Heldur ekki vatni yfir konunni sinni Lífið Fréttatía vikunnar: Þingframboð, þýfi og brúarframkvæmdir Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Kolbrún ber laxerolíu á andlitið Lífið Íris Ósk selur tryllt hönnunarhús Lífið Fleiri fréttir Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira