Fimm menn grunaðir um hópnauðgun í Svíþjóð

Lögreglan í Svíþjóð hefur handtekið fimm karlmenn sem grunaðir eru um að hafa nauðgað skólasystur sinni í skemmtiferðarsiglingu á vegum skólans í vikunni.

Mennirnir sem grunaðir eru um verknaðinn eru allir í kringum tvítugt. Fjórir þeirra voru handteknir þegar þeir fóru frá borði en sá fimmti var handtekinn í gærkvöldi, að sögn lögreglu.

Siglingin var skipulögð af nemendafélagi skólans en alls voru um 1700 nemendur um borð í skipinu.

Málið er í rannsókn lögreglu, að því er segir í sænskum fjölmiðlum.