Íslandsmeistari sakar forseta um háreisti og drykkjulæti á hóteli Jakob Bjarnar skrifar 25. maí 2016 09:55 Hér afhendir Gunnar Héðni sjálfan Íslandsmeistaratitilinn. Forsetinn sætir nú harðri gagnrýni Íslandsmeistarans. Héðinn Steingrímsson, Íslandsmeistari í skák, gagnrýnir framgöngu forseta Skáksambands Íslands, Gunnar Björnsson og svo þá Björn Þorfinnsson og Hannes Hlífar Stefánsson harðlega. Segir þá hafa verið með drykkjulæti og háreisti á hóteli þar sem þeir dvöldu, sem hugsanlega kostaði Héðinn möguleikann á að tefla um að verða næsti áskorandi heimsmeistarans í skák. Ágreiningurinn er í tengslum við nýafstaðið Evrópumeistaramót einstaklinga sem fram fór í Kósovo. Hróp og köll við hótelherbergiðHéðinn er afar ósáttur og birtir ákúrur sínar í Facebookhópi sem heitir einfaldlega Íslenskir skákmenn. Óhætt er að segja að skákheimurinn logi. „Sælir félagar, Ég er ósáttur við framkomu Gunnars Björnssonar nóttina fyrir síðustu umferðina á Evrópumóti einstaklinga. Með sigri í þeirri skák hafði ég möguleika á að vinna sæti í World Cup og tefla um það að verða næsti áskorandi heimsmeistarans í skák,“ segir Héðinn og heldur svo ótrauður áfram: „Gunnar, Bjössi Þorfinns og Hannes sátu að sumbli framá nótt á bar hótelsins þar sem við gistum kvöldin fyrir tvær síðustu umferðirnar. Ég fór snemma að sofa fyrir síðustu skákina, enda mikilvægasta skák sem ég hef hingað til teflt morguninn eftir. Ég er síðan vakinn við það að Gunnar er að hrópa eða kalla til Bjössa rétt við herbergishurðina mína. Að vera vakinn svona hafði augljóslega ekki jákvæð áhrif á gæði taflmennskunnar morguninn eftir. Bjössa fannst þetta leitt og baðst afsökunar, en Gunnari fannst ekki ástæða til að biðjast afsökunar á þessu.“ Skákheimurinn nötrar Skákmönnum og áhugamönnum sem þarna tjá sig er eðlilega brugðið enda viðkvæmir margir. Einn reynir að slá á gagnrýnina með því að segja að árinni kenni illur ræðari en honum er þá bent á að Héðinn hafi orðið Íslandsmeistari í skák árið 1990 þá 15 ára og mér skilst að mótið hafi verið nokkuð sterkt. „Svo varð hann Íslandsmeistari í fyrra og mér skilst að það hafi jafnvel verið sterkasta mótið hingað til, þannig að tæplega er hann slæmur ræðari!?“ Héðinn er allt annað en ánægður með framgöngu félaga sinna á EM, segir þá hafa verið með drykkjulæti og háreisti á hótelinu. Þetta er hins vegar ekki í fyrsta skipti sem nokkurt uppnám verður í kringum Héðinn. Vísir fjallaði um kvartanir Héðins vegna breiddar borða á síðasta Reykjavíkurskákmóti; sem hann sagði ástæðuna fyrir því að hann tók ekki þátt. Sérgáfa skákmanna virðist leiða þá til nokkurrar nákvæmni sem fæstum er gefin – jafnvel í þá átt að tala má um það að vera sérlundaður. Ósmekkleg árás Héðins En, Björn Þorfinnsson skákmeistari hefur engan hug á því að sitja undir þessum ásökunum og hann kemur fram á sjónarsviðið og telur umkvartanir Héðins af öðrum rótum sprottnar: „Ég get nú varla orða bundist, svo ósmekkleg er þessi árás frá Héðni, sem fyrst og fremst beinist gegn því að Gunnar hefur verið í forsvari fyrir þá ákvörðun Skáksambands Íslands að borga ekki að fullu ferðakostnað Héðins til Houston í Bandaríkjunum. Þetta mál var Héðinn beinlínis með á heilanum úti í Kosovo og bað meðal annars undirritaðan aðstoðar í þeim efnum,“ segir Björn. Hann bætir því við að hann þekki málið ekkert hann hafi rætt það lítillega við Gunnar Björnsson. „[E]nda hef ég iðulega lagt ýmislegt á mig fyrir eiginhagsmunasegginn Héðinn Steingrímsson sem hugsar aðeins um eigin rass en lyftir ekki litla fingri fyrir aðra skákmenn. Að Héðinn skuli velja þennan vettvang til þess að básúna þessu án þess að ræða við t.d. Gunnar sjálfan eða stjórn Skáksambandsins lýsir innræti hans vel.“ Hljóðbært hótel, dollum skellt og bænakall að nóttu Og það má ljst vera að eftir því sem Björn hamrar lengur á lyklaborðið, þeim mun gramara verður hans geð. Og rifjar upp það sem hann segir rangfærslur Héðins: „Að reyna að klína tapskák sinni á GB og okkur hina er svo ótrúlega ósvífið að ég held að ég hafi sjaldan orðið jafn reiður við nokkurn lestur. Sjálfur reyndi ég allt til þess að láta Héðni líða vel þarna úti, til að mynda með því að ræða við Gunnar um þetta flugmiðabull þó að það komi mér ekki rassgat við, leiða kvöldgöngutúra kvöldsins sem HS var afar ánægður með og reyna að halda uppi samræðum, bröndurum og léttu andrúmslofti. Það að ætla að skella lélegri taflmennsku sinni á einhverju kvöldkveðju á hótelgangi er algjörlega fáránlegt.“ Björn Þorfinns. Reyndi að létta stemmninguna með bröndurum og kvöldgöngutúrum en allt kom fyrir ekki. Björn bendir á að það heyrist í gangandi vegfarendum mest allar nætur, til klukkan tvö til þrjú öll kvöld. Og allar nætur kl.4.30 stundvíslega hófst bænakall úr nærliggjandi turni. „Og nokkuð reglulega heyrði ég í spænska stórmeistaranum Pons Vallejo skella sér á dolluna um miðja nótt sem og öðrum gestum í nærliggjandi herbergjum. Það var einfaldlega afar hljóðbært á þessu hóteli. En nóg um það, ég skal glaður ræða við aganefnd.“ Góð stemmning í hópnum Héðinn leggur aftur orð í belg segir vissulega margt jákvætt, góð stemmning í hópnum og eigi þeir „Bjössi“ og „Gummi“ eiga þakkir skyldar fyrir sitt framlag þar. En, Héðinn gefur ekkert eftir með það sem er mikilvægasta atriðið í máli þessu: „Það breytir því ekki að mér finnst ekki í lagi að vera að hrópa við herbergið manns nóttina fyrir mjög mikilvæga skák. Herbergi Gunnars var ekki einu sinni á sama stigagangi. Var nauðsynlegt að gera svona? Bjössi er mikill vinur Gunnars. Það er erfitt að sjá hvaða rangfærslur er um að ræða? Finnst sumir fara um víðan völl og tína til alls konar hluti, en á endanum er spurningin sú: er eðlilegt og í lagi að vera vakinn við svona lagað nóttina fyrir síðustu umferð? Er það eitthvað sem fólk má ekki einu sinni nefna án þess að farið sé í manninn og ekki í boltann?“ Skák Íslendingar erlendis Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent „Það er komið að skuldadögum“ Innlent Trump gerði lítið úr æðstu heiðursorðu bandarískra hermanna Erlent Sérsveitin kölluð til í Urriðaholti Innlent Óttast að tapa bestu flúðum landsins í virkjun Innlent Pétur Jökull hljóti að vera einstaklega óheppinn Innlent Katrín gerir upp framboðið og safnar heitum Innlent Þriggja daga heitavatnsleysi í næstu viku Innlent Segir verkfræðinga á villigötum Innlent Fleiri fréttir Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Keyrði á 110 á gangstétt og klessti á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Hlé vegna gagna frá ChatGPT Sérsveitin kölluð til í Urriðaholti „Mér að mæta“ ef krossar yrðu fjarlægðir Segir verkfræðinga á villigötum Landsvirkjun gerir 725 milljón króna tilboð í Toppstöðina Skjálfti í Bárðarbunguöskjunni Óttast að tapa bestu flúðum landsins í virkjun Sjá meira
Héðinn Steingrímsson, Íslandsmeistari í skák, gagnrýnir framgöngu forseta Skáksambands Íslands, Gunnar Björnsson og svo þá Björn Þorfinnsson og Hannes Hlífar Stefánsson harðlega. Segir þá hafa verið með drykkjulæti og háreisti á hóteli þar sem þeir dvöldu, sem hugsanlega kostaði Héðinn möguleikann á að tefla um að verða næsti áskorandi heimsmeistarans í skák. Ágreiningurinn er í tengslum við nýafstaðið Evrópumeistaramót einstaklinga sem fram fór í Kósovo. Hróp og köll við hótelherbergiðHéðinn er afar ósáttur og birtir ákúrur sínar í Facebookhópi sem heitir einfaldlega Íslenskir skákmenn. Óhætt er að segja að skákheimurinn logi. „Sælir félagar, Ég er ósáttur við framkomu Gunnars Björnssonar nóttina fyrir síðustu umferðina á Evrópumóti einstaklinga. Með sigri í þeirri skák hafði ég möguleika á að vinna sæti í World Cup og tefla um það að verða næsti áskorandi heimsmeistarans í skák,“ segir Héðinn og heldur svo ótrauður áfram: „Gunnar, Bjössi Þorfinns og Hannes sátu að sumbli framá nótt á bar hótelsins þar sem við gistum kvöldin fyrir tvær síðustu umferðirnar. Ég fór snemma að sofa fyrir síðustu skákina, enda mikilvægasta skák sem ég hef hingað til teflt morguninn eftir. Ég er síðan vakinn við það að Gunnar er að hrópa eða kalla til Bjössa rétt við herbergishurðina mína. Að vera vakinn svona hafði augljóslega ekki jákvæð áhrif á gæði taflmennskunnar morguninn eftir. Bjössa fannst þetta leitt og baðst afsökunar, en Gunnari fannst ekki ástæða til að biðjast afsökunar á þessu.“ Skákheimurinn nötrar Skákmönnum og áhugamönnum sem þarna tjá sig er eðlilega brugðið enda viðkvæmir margir. Einn reynir að slá á gagnrýnina með því að segja að árinni kenni illur ræðari en honum er þá bent á að Héðinn hafi orðið Íslandsmeistari í skák árið 1990 þá 15 ára og mér skilst að mótið hafi verið nokkuð sterkt. „Svo varð hann Íslandsmeistari í fyrra og mér skilst að það hafi jafnvel verið sterkasta mótið hingað til, þannig að tæplega er hann slæmur ræðari!?“ Héðinn er allt annað en ánægður með framgöngu félaga sinna á EM, segir þá hafa verið með drykkjulæti og háreisti á hótelinu. Þetta er hins vegar ekki í fyrsta skipti sem nokkurt uppnám verður í kringum Héðinn. Vísir fjallaði um kvartanir Héðins vegna breiddar borða á síðasta Reykjavíkurskákmóti; sem hann sagði ástæðuna fyrir því að hann tók ekki þátt. Sérgáfa skákmanna virðist leiða þá til nokkurrar nákvæmni sem fæstum er gefin – jafnvel í þá átt að tala má um það að vera sérlundaður. Ósmekkleg árás Héðins En, Björn Þorfinnsson skákmeistari hefur engan hug á því að sitja undir þessum ásökunum og hann kemur fram á sjónarsviðið og telur umkvartanir Héðins af öðrum rótum sprottnar: „Ég get nú varla orða bundist, svo ósmekkleg er þessi árás frá Héðni, sem fyrst og fremst beinist gegn því að Gunnar hefur verið í forsvari fyrir þá ákvörðun Skáksambands Íslands að borga ekki að fullu ferðakostnað Héðins til Houston í Bandaríkjunum. Þetta mál var Héðinn beinlínis með á heilanum úti í Kosovo og bað meðal annars undirritaðan aðstoðar í þeim efnum,“ segir Björn. Hann bætir því við að hann þekki málið ekkert hann hafi rætt það lítillega við Gunnar Björnsson. „[E]nda hef ég iðulega lagt ýmislegt á mig fyrir eiginhagsmunasegginn Héðinn Steingrímsson sem hugsar aðeins um eigin rass en lyftir ekki litla fingri fyrir aðra skákmenn. Að Héðinn skuli velja þennan vettvang til þess að básúna þessu án þess að ræða við t.d. Gunnar sjálfan eða stjórn Skáksambandsins lýsir innræti hans vel.“ Hljóðbært hótel, dollum skellt og bænakall að nóttu Og það má ljst vera að eftir því sem Björn hamrar lengur á lyklaborðið, þeim mun gramara verður hans geð. Og rifjar upp það sem hann segir rangfærslur Héðins: „Að reyna að klína tapskák sinni á GB og okkur hina er svo ótrúlega ósvífið að ég held að ég hafi sjaldan orðið jafn reiður við nokkurn lestur. Sjálfur reyndi ég allt til þess að láta Héðni líða vel þarna úti, til að mynda með því að ræða við Gunnar um þetta flugmiðabull þó að það komi mér ekki rassgat við, leiða kvöldgöngutúra kvöldsins sem HS var afar ánægður með og reyna að halda uppi samræðum, bröndurum og léttu andrúmslofti. Það að ætla að skella lélegri taflmennsku sinni á einhverju kvöldkveðju á hótelgangi er algjörlega fáránlegt.“ Björn Þorfinns. Reyndi að létta stemmninguna með bröndurum og kvöldgöngutúrum en allt kom fyrir ekki. Björn bendir á að það heyrist í gangandi vegfarendum mest allar nætur, til klukkan tvö til þrjú öll kvöld. Og allar nætur kl.4.30 stundvíslega hófst bænakall úr nærliggjandi turni. „Og nokkuð reglulega heyrði ég í spænska stórmeistaranum Pons Vallejo skella sér á dolluna um miðja nótt sem og öðrum gestum í nærliggjandi herbergjum. Það var einfaldlega afar hljóðbært á þessu hóteli. En nóg um það, ég skal glaður ræða við aganefnd.“ Góð stemmning í hópnum Héðinn leggur aftur orð í belg segir vissulega margt jákvætt, góð stemmning í hópnum og eigi þeir „Bjössi“ og „Gummi“ eiga þakkir skyldar fyrir sitt framlag þar. En, Héðinn gefur ekkert eftir með það sem er mikilvægasta atriðið í máli þessu: „Það breytir því ekki að mér finnst ekki í lagi að vera að hrópa við herbergið manns nóttina fyrir mjög mikilvæga skák. Herbergi Gunnars var ekki einu sinni á sama stigagangi. Var nauðsynlegt að gera svona? Bjössi er mikill vinur Gunnars. Það er erfitt að sjá hvaða rangfærslur er um að ræða? Finnst sumir fara um víðan völl og tína til alls konar hluti, en á endanum er spurningin sú: er eðlilegt og í lagi að vera vakinn við svona lagað nóttina fyrir síðustu umferð? Er það eitthvað sem fólk má ekki einu sinni nefna án þess að farið sé í manninn og ekki í boltann?“
Skák Íslendingar erlendis Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent „Það er komið að skuldadögum“ Innlent Trump gerði lítið úr æðstu heiðursorðu bandarískra hermanna Erlent Sérsveitin kölluð til í Urriðaholti Innlent Óttast að tapa bestu flúðum landsins í virkjun Innlent Pétur Jökull hljóti að vera einstaklega óheppinn Innlent Katrín gerir upp framboðið og safnar heitum Innlent Þriggja daga heitavatnsleysi í næstu viku Innlent Segir verkfræðinga á villigötum Innlent Fleiri fréttir Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Keyrði á 110 á gangstétt og klessti á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Hlé vegna gagna frá ChatGPT Sérsveitin kölluð til í Urriðaholti „Mér að mæta“ ef krossar yrðu fjarlægðir Segir verkfræðinga á villigötum Landsvirkjun gerir 725 milljón króna tilboð í Toppstöðina Skjálfti í Bárðarbunguöskjunni Óttast að tapa bestu flúðum landsins í virkjun Sjá meira