Heimir Hallgrímsson, annar landsliðsþjálfara Íslands, segir að allir leikmenn séu heilir heilsu og að það séu engar sérstakar áhyggjur af meiðslum fyrir leikinn gegn Englandi á mánudag.
Ísland spilaði síðast gegn Austurríki á miðvikudag og fékk síðasta leikinn í 16-liða úrslitunum, sem hefjast í dag. Strákarnir hafa yfirleitt spilað á fjögurra daga fresti en fengu nú aukadag í hvíld.
„Byrjunarliðsmenn hafa ekki æft í tvo daga, í sannleika sagt,“ sagði Heimir á blaðamannafundi íslenska liðsins í dag en Ísland hefur teflt fram sama byrjunarliðinu í öllum þremur leikjum sínum til þessa á mótinu.
Sjá einnig: Eiður Smári fór á kostum á blaðamannafundi Íslands | Myndband
„Þeir hafa verið í ísbaði og einhverjir hafa synt. En þeir eru allir „fit og fresh“ fyrir æfinguna í dag. Það eru engin meiðsli og allir eru tilbúnir.“
Hann segir það hafi verið ótrúlega mikilvægt að fá aukadaginn í hvíld. „Þetta hafa allt verið erfiðir leikir og við höfum bara fengið þrjá daga á milli þeirra. Orkubirgðirnar eru að minnka. En ég vona að þeir séu nú fullhlaðnar á ný og að menn verði fullir orku þegar við förum í þennan stóra leik á mánudag.“
Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur á Facebook, Twitter og Snapchat (sport365).
Heimir: Byrjunarliðsmenn ekki æft í tvo daga
Tengdar fréttir
Eiður Smári: Lars og Heimir ofarlega á mínum lista fyrir það sem þeir hafa gert
Eiður Smári Guðjohnsen talaði vel um landsliðsþjálfarana á blaðamannafundi í dag.
Góður að sitja á bekknum og horfa á leikinn en er ekki ánægður með það
Eiður Smári Guðjohnsen reynir að finna veikleika á mótherjanum sem hann getur nýtt sér.
Eiður Smári gæti komið inn í þjálfarateymi Íslands
Heimir og Eiður Smári hafa rætt um að hann komi inn í teymið eftir að Evrópumótinu lýkur.
Eiður fékk skilaboð frá Lampard
„Ég veit ekki hver merkingin var nákvæmlega.“
