Sigurður Ingi: Þingfundir hugsanlega út september Jóhann Óli Eiðsson og Stefán Rafn Sigurbjörnsson skrifa 25. ágúst 2016 14:01 Umræður um fjarveru þingmanna, skort á málum og óvissu um starfsáætlun þingsins einkenndu þingfund dagsins. Meðal þess sem var á dagskrá var óundirbúinn fyrirspurnartími auk sérstakrar umræðu um uppboð á aflaheimildum. Annan daginn í röð var fátt um þingmenn stjórnarinnar í þingsal. Þar mátti finna fjóra ráðherra ríkisstjórnarinnar auk þriggja þingmanna úr stjórnarflokkunum. Aðrir voru fjarverandi, ýmist erlendis eða uppteknir á fundum í kjördæmum sínum. Þingfundurinn hófst á óundirbúnum fyrirspurnartíma eftir að nokkrir þingmenn höfðu lagt orð í belg um fundarstjórn forseta. Forsætisráðherra, félags- og húsnæðismálaráðherra og heilbrigðisráðherra voru til andsvara. Flestum fyrirspurnunum var beint til forsætisráðherra.Grundvallarsýn Framsóknar gæti glatt Katrín Jakobsdóttir, formaður Vinstri grænna, var fyrst upp í pontu og spurði um afstöðu Framsóknarflokksins til frekari einkavæðingar, meðal annars grunnheilbrigðisþjónustu og samgöngukerfi landsins. „Það sem ég er að spyrja um er grundvallarsýn Framsóknarflokksins í þessu máli, hvað sá flokkur telur um grunnþjónustu á borð við heilsugæsluna, hver eigi að vera grunnstefnan í þeim málum, ekki einhver sérstök undantekningartilvik, hver eigi að vera grunnstefnan í samgöngumálum landsmanna, ekki afmarkaðar framkvæmdir þar sem aðrar leiðir eru í boði svo dæmi sé tekið,“ sagði Katrín. „Grundvallarsýn Framsóknarmanna er sú að við viljum markaðskerfi á Íslandi, blandað hagkerfi þar sem einkarekstur einstaklinga blómstrar en líka í samstarfi við aðra, í samvinnurekstri, í félagsrekstri,“ sagði forsætisráðherrann meðal annars. „Grundvallarsýn framsóknarmanna er alveg skýr og ég gæti glaður komið hér upp og lesið upp úr henni daginn út og daginn inn. Ég held að það mundi bara gleðja þingmenn og vera gagnlegt fyrir þá að hlusta á.“Ljóst að fundir gætu staðið út september Næstu fyrirspurnir snerust um starfsáætlun þingsins og hvort ekki væri von á fleiri málum inn á gólf þingsins. Óttarr Proppé, formaður Bjartrar framtíðar, vék meðal annars máli að því að þingmenn væru hálfverklausir og Birgitta Jónsdóttir, Pírati, kvartaði yfir því að ekki myndi liggja fyrir áætlun um það hvenær mál myndu rata til þingsins. Í svari við fyrirspurn Óttarrs sagði Sigurður Ingi að það kæmi honum á óvart að Óttarr talaði aðeins um þriggja vikna þing. Það hefði legið ljóst fyrir að fundað yrði „fram í september, hugsanlega út september og lengur ef þurfa þykir með þeirri niðurstöðu að kjósa í lok október“. Það hefði alltaf verið vitað.Stærstur hluti þingstarfa fer fram í nefndum Eftir að óundirbúnum fyrirspurnum lauk stóð til að hefja sérstaka umræðu um uppboð á aflaheimildum. Það dróst um hálftíma eftir að þingmenn kváðu sér hljóðs um fundarstjórn forseta. „Það hafa engar forsendur breyst, forseti. Hér hefur verið unnið vel en á sama tíma gerist það núna í óundirbúnum fyrirspurnatíma að hæstvirtur forsætisráðherra, sem er forustumaður framkvæmdarvaldsins, lætur eins og starfsáætlun Alþingis sé einskis virði, sé ekki pappírsins virði. Hann kemur hingað inn og tilkynnir Alþingi það og forseta þar á meðal að til standi að funda hér einhverjum vikum saman eftir að starfsáætlun Alþingis er lokið,“ sagði Svandís Svavarsdóttir, þingmaður Vinstri grænna, meðal annars. „Ég verð að lýsa mjög mikilli furðu á þeim málflutningi sem haldið hefur verið á lofti í þinginu undanfarna daga, að það sé ekkert að gerast í þinginu. Það vita allir að stærsti hluti þingstarfanna fer fram í nefndum. Það eru margir tugir mála í nefndum. Þar á meðal afnám gjaldeyrishafta og þau nýju mál sem við höfum lagt inn og varða húsnæðismarkaðinn á Íslandi. Málin eru í umsagnarferli og önnur stór mál eru þar. Sum eru nýkomin aftur inn í þingið. Það að ekki sé stífur þingfundur á hverjum einasta degi er ekkert vandamál,“ sagði Bjarni Benediktsson fjármála- og efnahagsráðherra. Þingfundi lauk tæpum tveimur tímum eftir að hann hófst. Alþingi Tengdar fréttir Breytingar á stjórnarskránni lagðar fram Forsætisráðherra hefur lagt fram á Alþingi frumvarp til laga um breytingar á stjórnarskránni. 25. ágúst 2016 11:07 Fyrirspurnaflóð yngsta þingmannsins á lokadögum þingsins Yngsti kjörni þingmaður Íslandssögunnar, Jóhanna María Sigmundsdóttir, situr ekki auðum höndum síðustu daga sína sem þingmaður. 24. ágúst 2016 21:00 Mest lesið „Þetta má aldrei gerast aftur“ Innlent Segir ákvörðun um kæru fyrir nauðgun tekna fyrir andlát flugmanns Innlent Hefur þrisvar komið að 13 ára syni sínum meðvitundarlausum Innlent Sjö Rúmenar gefa ekkert uppi um tugmilljóna króna þýfi Innlent Sextán ára dómur fyrir manndráp í Drangahrauni stendur Innlent Pilturinn áfram bak við lás og slá Innlent Jón Gnarr skráður í Viðreisn og ætlar á Alþingi Innlent Áfrýjaði engu nema ákvörðun um launin og málið fellt niður Innlent Rannsókn á byrlunar- og símamáli Páls skipstjóra úr sögunni Innlent Kristín Benediktsdóttir nýr umboðsmaður Alþingis Innlent Fleiri fréttir Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Áfrýjaði engu nema ákvörðun um launin og málið fellt niður Þrjú vilja stýra Minjastofnun Varla komist í kast við lögin fyrr en hann flutti kókaín til landsins Bein útsending: Framtíð menntunar á tímum gervigreindar Bein útsending: Sátt um betra menntakerfi Rannsókn á byrlunar- og símamáli Páls skipstjóra úr sögunni Nýr umboðsmaður og SI svara seðlabankastjóra Sjö Rúmenar gefa ekkert uppi um tugmilljóna króna þýfi Vilja að takmarkanir á starfsmannaleigur verði skoðaðar Kristín Benediktsdóttir nýr umboðsmaður Alþingis Tuttugu lyklar í Árbæjarlaug horfnir Inga segir landið að sökkva í sæ vargaldar Jón Gnarr skráður í Viðreisn og ætlar á Alþingi Svandís Svavarsdóttir mætir í Samtalið Pilturinn áfram bak við lás og slá Sjá meira
Umræður um fjarveru þingmanna, skort á málum og óvissu um starfsáætlun þingsins einkenndu þingfund dagsins. Meðal þess sem var á dagskrá var óundirbúinn fyrirspurnartími auk sérstakrar umræðu um uppboð á aflaheimildum. Annan daginn í röð var fátt um þingmenn stjórnarinnar í þingsal. Þar mátti finna fjóra ráðherra ríkisstjórnarinnar auk þriggja þingmanna úr stjórnarflokkunum. Aðrir voru fjarverandi, ýmist erlendis eða uppteknir á fundum í kjördæmum sínum. Þingfundurinn hófst á óundirbúnum fyrirspurnartíma eftir að nokkrir þingmenn höfðu lagt orð í belg um fundarstjórn forseta. Forsætisráðherra, félags- og húsnæðismálaráðherra og heilbrigðisráðherra voru til andsvara. Flestum fyrirspurnunum var beint til forsætisráðherra.Grundvallarsýn Framsóknar gæti glatt Katrín Jakobsdóttir, formaður Vinstri grænna, var fyrst upp í pontu og spurði um afstöðu Framsóknarflokksins til frekari einkavæðingar, meðal annars grunnheilbrigðisþjónustu og samgöngukerfi landsins. „Það sem ég er að spyrja um er grundvallarsýn Framsóknarflokksins í þessu máli, hvað sá flokkur telur um grunnþjónustu á borð við heilsugæsluna, hver eigi að vera grunnstefnan í þeim málum, ekki einhver sérstök undantekningartilvik, hver eigi að vera grunnstefnan í samgöngumálum landsmanna, ekki afmarkaðar framkvæmdir þar sem aðrar leiðir eru í boði svo dæmi sé tekið,“ sagði Katrín. „Grundvallarsýn Framsóknarmanna er sú að við viljum markaðskerfi á Íslandi, blandað hagkerfi þar sem einkarekstur einstaklinga blómstrar en líka í samstarfi við aðra, í samvinnurekstri, í félagsrekstri,“ sagði forsætisráðherrann meðal annars. „Grundvallarsýn framsóknarmanna er alveg skýr og ég gæti glaður komið hér upp og lesið upp úr henni daginn út og daginn inn. Ég held að það mundi bara gleðja þingmenn og vera gagnlegt fyrir þá að hlusta á.“Ljóst að fundir gætu staðið út september Næstu fyrirspurnir snerust um starfsáætlun þingsins og hvort ekki væri von á fleiri málum inn á gólf þingsins. Óttarr Proppé, formaður Bjartrar framtíðar, vék meðal annars máli að því að þingmenn væru hálfverklausir og Birgitta Jónsdóttir, Pírati, kvartaði yfir því að ekki myndi liggja fyrir áætlun um það hvenær mál myndu rata til þingsins. Í svari við fyrirspurn Óttarrs sagði Sigurður Ingi að það kæmi honum á óvart að Óttarr talaði aðeins um þriggja vikna þing. Það hefði legið ljóst fyrir að fundað yrði „fram í september, hugsanlega út september og lengur ef þurfa þykir með þeirri niðurstöðu að kjósa í lok október“. Það hefði alltaf verið vitað.Stærstur hluti þingstarfa fer fram í nefndum Eftir að óundirbúnum fyrirspurnum lauk stóð til að hefja sérstaka umræðu um uppboð á aflaheimildum. Það dróst um hálftíma eftir að þingmenn kváðu sér hljóðs um fundarstjórn forseta. „Það hafa engar forsendur breyst, forseti. Hér hefur verið unnið vel en á sama tíma gerist það núna í óundirbúnum fyrirspurnatíma að hæstvirtur forsætisráðherra, sem er forustumaður framkvæmdarvaldsins, lætur eins og starfsáætlun Alþingis sé einskis virði, sé ekki pappírsins virði. Hann kemur hingað inn og tilkynnir Alþingi það og forseta þar á meðal að til standi að funda hér einhverjum vikum saman eftir að starfsáætlun Alþingis er lokið,“ sagði Svandís Svavarsdóttir, þingmaður Vinstri grænna, meðal annars. „Ég verð að lýsa mjög mikilli furðu á þeim málflutningi sem haldið hefur verið á lofti í þinginu undanfarna daga, að það sé ekkert að gerast í þinginu. Það vita allir að stærsti hluti þingstarfanna fer fram í nefndum. Það eru margir tugir mála í nefndum. Þar á meðal afnám gjaldeyrishafta og þau nýju mál sem við höfum lagt inn og varða húsnæðismarkaðinn á Íslandi. Málin eru í umsagnarferli og önnur stór mál eru þar. Sum eru nýkomin aftur inn í þingið. Það að ekki sé stífur þingfundur á hverjum einasta degi er ekkert vandamál,“ sagði Bjarni Benediktsson fjármála- og efnahagsráðherra. Þingfundi lauk tæpum tveimur tímum eftir að hann hófst.
Alþingi Tengdar fréttir Breytingar á stjórnarskránni lagðar fram Forsætisráðherra hefur lagt fram á Alþingi frumvarp til laga um breytingar á stjórnarskránni. 25. ágúst 2016 11:07 Fyrirspurnaflóð yngsta þingmannsins á lokadögum þingsins Yngsti kjörni þingmaður Íslandssögunnar, Jóhanna María Sigmundsdóttir, situr ekki auðum höndum síðustu daga sína sem þingmaður. 24. ágúst 2016 21:00 Mest lesið „Þetta má aldrei gerast aftur“ Innlent Segir ákvörðun um kæru fyrir nauðgun tekna fyrir andlát flugmanns Innlent Hefur þrisvar komið að 13 ára syni sínum meðvitundarlausum Innlent Sjö Rúmenar gefa ekkert uppi um tugmilljóna króna þýfi Innlent Sextán ára dómur fyrir manndráp í Drangahrauni stendur Innlent Pilturinn áfram bak við lás og slá Innlent Jón Gnarr skráður í Viðreisn og ætlar á Alþingi Innlent Áfrýjaði engu nema ákvörðun um launin og málið fellt niður Innlent Rannsókn á byrlunar- og símamáli Páls skipstjóra úr sögunni Innlent Kristín Benediktsdóttir nýr umboðsmaður Alþingis Innlent Fleiri fréttir Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Áfrýjaði engu nema ákvörðun um launin og málið fellt niður Þrjú vilja stýra Minjastofnun Varla komist í kast við lögin fyrr en hann flutti kókaín til landsins Bein útsending: Framtíð menntunar á tímum gervigreindar Bein útsending: Sátt um betra menntakerfi Rannsókn á byrlunar- og símamáli Páls skipstjóra úr sögunni Nýr umboðsmaður og SI svara seðlabankastjóra Sjö Rúmenar gefa ekkert uppi um tugmilljóna króna þýfi Vilja að takmarkanir á starfsmannaleigur verði skoðaðar Kristín Benediktsdóttir nýr umboðsmaður Alþingis Tuttugu lyklar í Árbæjarlaug horfnir Inga segir landið að sökkva í sæ vargaldar Jón Gnarr skráður í Viðreisn og ætlar á Alþingi Svandís Svavarsdóttir mætir í Samtalið Pilturinn áfram bak við lás og slá Sjá meira
Breytingar á stjórnarskránni lagðar fram Forsætisráðherra hefur lagt fram á Alþingi frumvarp til laga um breytingar á stjórnarskránni. 25. ágúst 2016 11:07
Fyrirspurnaflóð yngsta þingmannsins á lokadögum þingsins Yngsti kjörni þingmaður Íslandssögunnar, Jóhanna María Sigmundsdóttir, situr ekki auðum höndum síðustu daga sína sem þingmaður. 24. ágúst 2016 21:00