Lýsa þungum áhyggjum vegna stöðvunar línulagnar til Bakka Kristján Már Unnarsson skrifar 23. ágúst 2016 19:00 Áttatíu milljarða króna framkvæmdir í Þingeyjarsýslum eru í uppnámi eftir að Landsneti var með bráðabirgðaúrskurði gert að hætta framkvæmdum við háspennulínur að kröfu Landverndar. Sveitarfélagið Norðurþing lýsti síðdegis yfir þungum áhyggjum vegna málsins. Sú ótrúlega staða er komin upp, tveimur árum eftir að framkvæmdir hófust, að mögulegt er að bæði Þeistareykjavirkjun og kísilverinu á Bakka seinki um einhver ár og taki hugsanlega aldrei til starfa. Ástæðan virðist einkum vera ný náttúruverndarlög frá Alþingi, sem skerpa á verndun hrauna á Íslandi. Á Þeistareykjum er stöðvarhúsið þegar risið og byrjað að koma fyrir véla- og rafbúnaði enda stóð til að hefja raforkuframleiðslu haustið 2017, eftir rúmt ár. Á sama tíma er þýska félagið PCC að reisa kísilver á Bakka við Húsavík. Nú þegar framkvæmdir eru í hámarki fellir Úrskurðarnefnd umhverfis- og auðlindamála þann úrskurð að framkvæmdir við háspennulínur skuli stöðvaðar nú þegar.Stöðvarhús Þeistareykjavirkjunar á að verða tilbúið í nóvember á þessu ári.Stöð 2/Friðrik Þór Halldórsson.Þetta eru tvær háspennulínur sem átti að leggja í sumar til að tengja iðnaðarsvæðið á Bakka við orkuverin á Þeistareykjum og í Kröflu. „Stöðvun eins og þessi hefur mikil áhrif á framkvæmdirnar og mögulega stöndum við frammi fyrir því að geta ekki staðið við skuldbindingar okkar vegna Bakka og Þeistareykjavirkjunar," segir Guðmundur Ingi Ásmundsson, forstjóri Landsnets, í yfirlýsingu. Hann bætir við að það sé umhugsunarefni að svona staða skuli geta komið upp svo seint í ferlinu, þegar framkvæmdirnar hafa farið í gegnum alla lögbundna ferla er snúa að umhverfismati og skipulagi. Það sem gerðist hins vegar í millitíðinni er að Alþingi samþykkti ný náttúruverndarlög sem tóku gildi 15. nóvember í fyrra. Það virðist skipta máli að á þeim tímapunkti höfðu sveitarfélögin í Þingeyjarsýslum ekki lokið öllum leyfisveitingum fyrir háspennulínum. Í lögunum er nýtt ákvæði sem skerpir á verndun hrauna sem runnið hafa eftir ísöld en þar segir að jarðminjar njóti sérstakrar verndar, þar á meðal eldhraun, sem myndast hafa eftir að jökull hvarf af landinu á síðjökultíma. Segir í ákvæðinu að forðast beri að raska jarðminjum nema brýna nauðsyn beri til. Úrskurðarnefndin vísar meðal annars til þessa lagaákvæðis þegar hún rökstyður það hversvegna hún hefur nú stöðvað línulögnina með bráðabirgðaúrskurði, hún segist þurfa tíma til að meta það hvernig eigi að túlka nýju lögin. Menn spyrja hvort niðurstaðan geti orðið sú túlkun að kísilver á Húsavík teljist einfaldlega ekki nægilega brýn nauðsyn til að réttlæta röskun á hraunum, og það er væntanlega ekki skárra að rista þau upp með plógi til að koma fyrir jarðstreng.Frá framkvæmdunum á Bakka. Til vinstri rís stálgrind hráefnisgeymslu. Til hægri má sjá grunn ofnhúss kísilversins.Stöð 2/Friðrik Þór Halldórsson.Landvernd sendi í dag frá sér yfirlýsingu þar sem segir að nýtt umhverfismat sé grundvallarkrafa. Skoða þurfi bæði jarðstrengi og loftlínur og valkosti sem sneiða hjá verðmætum hraunum eins og Leirhnjúkshrauni og Þeistareykjahrauni. Oddvitar allra flokka í sveitarstjórn Norðurþings sendu síðdegis frá sér sameiginlega yfirlýsingu. Þar er lýst þungum áhyggjum yfir þeirri stöðu sem upp er komin varðandi framkvæmdir við Þeistareykjalínu. Mjög miklir samfélagslegir og fjárhagslegir hagsmunir séu undir í því að niðurstaða fáist í málið á allra næstu dögum. Öll hönnun svæðisins og uppbygging innviða hafi miðað að því að á næstu árum byggist þar upp iðnaðarsvæði með nokkrum fyrirtækjum sem nýta muni orku og línumannvirki svæðisins. Frá upphafi hafi verið litið á fyrri áfanga kísilvers PCC BakkiSilicon sem einungis fyrsta áfanga í þeirri uppbyggingu, segja oddvitarnir. Nú tekur við óvissutími. Afar ólíklegt verður að telja að niðurstaða fáist á næstu dögum því úrskurðarnefndin segist þurfa tíma til skoða áhrif nýju laganna en segir stefnt að niðurstöðu fyrir áramót. Sú töf gæti engu að síður reynst dýr fyrir verkefnið því menn ætluðu sér að klára línulögnina áður en vetur gengi í garð. Nú blasir við að þær framkvæmdir fara varla af stað fyrr en næsta vor. Úrskurðarnefndin gæti komist að þeirri niðurstöðu að það þyrfti nýtt umhverfismat og nýjar línuleiðir. Það gæti þýtt enn meiri töf með tilheyrandi kæruferlum. Þá vaknar sú spurning hvort þýska fyrirtækið teldi sig ekki þurfa skaðabætur ef Landsnet stendur ekki við sínar skuldbindingar um flutning orkunnar. Tugmilljarða verkefni er einfaldlega í algeru uppnámi og óvissu. Þá má spyrja hvaða áhrif ný lagaákvæði, sem styrkja vernd hrauna, hafi á aðrar framkvæmdir. Ætla má að hér eftir verði erfiðara að leggja nýja vegi um hraun, byggja sumarbústaði í hraunum og mannvirki eins Hvassahraunsflugvöll. Frá Húsavík. Þar ríkir nú óvissa um framhald framkvæmda.Stöð 2/Friðrik Þór Halldórsson. Tengdar fréttir Verksmiðjuhúsin rísa og Húsvíkingar brosa Mestu framkvæmdir í sögu Norðurlands eru komnar á fulla ferð á Húsavík. 28. júní 2016 19:45 Áætlað að íbúum Húsavíkur fjölgi um allt að 400 manns Ráðamenn Norðurþings sjá fram á að reisa þurfi 120 nýjar íbúðir á Húsavík á næstu árum. 9. júlí 2016 22:22 Landvernd fer fram á nýtt umhverfismat Landvernd ítrekar fyrri afstöðu sína um að umhverfismeta beri fleiri valkosti en loftlínu frá Kröflu að Bakka svo draga megi úr umhverfisáhrifum. 23. ágúst 2016 12:28 Framkvæmdir í rjómablíðu í hámarki á Þeistareykjum 240 manns vinna á Þeistareykjum að smíði 90 megavatta jarðvarmavirkjunar fyrir Landsvirkjun. 30. júní 2016 20:00 Mest lesið Starfsfólk truflað á tveggja mínútna fresti Atvinnulíf Kalifornía fjórða öflugasta efnahagsríki heims Viðskipti erlent Ísfélagið greiðir út tveggja milljarða arð Viðskipti innlent Gefur eftir í tollastríði við Kína Viðskipti erlent Frumkvöðlar í áratugi: „Launalaus sjálfboðavinna fyrstu árin“ Atvinnulíf Hámarkstími fullorðinna í símanum og góð ráð Atvinnulíf Notendur þurfi að bregðast við vilji þeir ekki að gögn verði notuð Viðskipti erlent Ummæli Trumps um „meiriháttar lúser“ leggjast illa í markaðinn Viðskipti erlent Kaupsamningur undirritaður um Grósku Viðskipti innlent Ætlar að einbeita sér að Tesla eftir slæmt uppgjör Viðskipti erlent Fleiri fréttir Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Sjá meira
Áttatíu milljarða króna framkvæmdir í Þingeyjarsýslum eru í uppnámi eftir að Landsneti var með bráðabirgðaúrskurði gert að hætta framkvæmdum við háspennulínur að kröfu Landverndar. Sveitarfélagið Norðurþing lýsti síðdegis yfir þungum áhyggjum vegna málsins. Sú ótrúlega staða er komin upp, tveimur árum eftir að framkvæmdir hófust, að mögulegt er að bæði Þeistareykjavirkjun og kísilverinu á Bakka seinki um einhver ár og taki hugsanlega aldrei til starfa. Ástæðan virðist einkum vera ný náttúruverndarlög frá Alþingi, sem skerpa á verndun hrauna á Íslandi. Á Þeistareykjum er stöðvarhúsið þegar risið og byrjað að koma fyrir véla- og rafbúnaði enda stóð til að hefja raforkuframleiðslu haustið 2017, eftir rúmt ár. Á sama tíma er þýska félagið PCC að reisa kísilver á Bakka við Húsavík. Nú þegar framkvæmdir eru í hámarki fellir Úrskurðarnefnd umhverfis- og auðlindamála þann úrskurð að framkvæmdir við háspennulínur skuli stöðvaðar nú þegar.Stöðvarhús Þeistareykjavirkjunar á að verða tilbúið í nóvember á þessu ári.Stöð 2/Friðrik Þór Halldórsson.Þetta eru tvær háspennulínur sem átti að leggja í sumar til að tengja iðnaðarsvæðið á Bakka við orkuverin á Þeistareykjum og í Kröflu. „Stöðvun eins og þessi hefur mikil áhrif á framkvæmdirnar og mögulega stöndum við frammi fyrir því að geta ekki staðið við skuldbindingar okkar vegna Bakka og Þeistareykjavirkjunar," segir Guðmundur Ingi Ásmundsson, forstjóri Landsnets, í yfirlýsingu. Hann bætir við að það sé umhugsunarefni að svona staða skuli geta komið upp svo seint í ferlinu, þegar framkvæmdirnar hafa farið í gegnum alla lögbundna ferla er snúa að umhverfismati og skipulagi. Það sem gerðist hins vegar í millitíðinni er að Alþingi samþykkti ný náttúruverndarlög sem tóku gildi 15. nóvember í fyrra. Það virðist skipta máli að á þeim tímapunkti höfðu sveitarfélögin í Þingeyjarsýslum ekki lokið öllum leyfisveitingum fyrir háspennulínum. Í lögunum er nýtt ákvæði sem skerpir á verndun hrauna sem runnið hafa eftir ísöld en þar segir að jarðminjar njóti sérstakrar verndar, þar á meðal eldhraun, sem myndast hafa eftir að jökull hvarf af landinu á síðjökultíma. Segir í ákvæðinu að forðast beri að raska jarðminjum nema brýna nauðsyn beri til. Úrskurðarnefndin vísar meðal annars til þessa lagaákvæðis þegar hún rökstyður það hversvegna hún hefur nú stöðvað línulögnina með bráðabirgðaúrskurði, hún segist þurfa tíma til að meta það hvernig eigi að túlka nýju lögin. Menn spyrja hvort niðurstaðan geti orðið sú túlkun að kísilver á Húsavík teljist einfaldlega ekki nægilega brýn nauðsyn til að réttlæta röskun á hraunum, og það er væntanlega ekki skárra að rista þau upp með plógi til að koma fyrir jarðstreng.Frá framkvæmdunum á Bakka. Til vinstri rís stálgrind hráefnisgeymslu. Til hægri má sjá grunn ofnhúss kísilversins.Stöð 2/Friðrik Þór Halldórsson.Landvernd sendi í dag frá sér yfirlýsingu þar sem segir að nýtt umhverfismat sé grundvallarkrafa. Skoða þurfi bæði jarðstrengi og loftlínur og valkosti sem sneiða hjá verðmætum hraunum eins og Leirhnjúkshrauni og Þeistareykjahrauni. Oddvitar allra flokka í sveitarstjórn Norðurþings sendu síðdegis frá sér sameiginlega yfirlýsingu. Þar er lýst þungum áhyggjum yfir þeirri stöðu sem upp er komin varðandi framkvæmdir við Þeistareykjalínu. Mjög miklir samfélagslegir og fjárhagslegir hagsmunir séu undir í því að niðurstaða fáist í málið á allra næstu dögum. Öll hönnun svæðisins og uppbygging innviða hafi miðað að því að á næstu árum byggist þar upp iðnaðarsvæði með nokkrum fyrirtækjum sem nýta muni orku og línumannvirki svæðisins. Frá upphafi hafi verið litið á fyrri áfanga kísilvers PCC BakkiSilicon sem einungis fyrsta áfanga í þeirri uppbyggingu, segja oddvitarnir. Nú tekur við óvissutími. Afar ólíklegt verður að telja að niðurstaða fáist á næstu dögum því úrskurðarnefndin segist þurfa tíma til skoða áhrif nýju laganna en segir stefnt að niðurstöðu fyrir áramót. Sú töf gæti engu að síður reynst dýr fyrir verkefnið því menn ætluðu sér að klára línulögnina áður en vetur gengi í garð. Nú blasir við að þær framkvæmdir fara varla af stað fyrr en næsta vor. Úrskurðarnefndin gæti komist að þeirri niðurstöðu að það þyrfti nýtt umhverfismat og nýjar línuleiðir. Það gæti þýtt enn meiri töf með tilheyrandi kæruferlum. Þá vaknar sú spurning hvort þýska fyrirtækið teldi sig ekki þurfa skaðabætur ef Landsnet stendur ekki við sínar skuldbindingar um flutning orkunnar. Tugmilljarða verkefni er einfaldlega í algeru uppnámi og óvissu. Þá má spyrja hvaða áhrif ný lagaákvæði, sem styrkja vernd hrauna, hafi á aðrar framkvæmdir. Ætla má að hér eftir verði erfiðara að leggja nýja vegi um hraun, byggja sumarbústaði í hraunum og mannvirki eins Hvassahraunsflugvöll. Frá Húsavík. Þar ríkir nú óvissa um framhald framkvæmda.Stöð 2/Friðrik Þór Halldórsson.
Tengdar fréttir Verksmiðjuhúsin rísa og Húsvíkingar brosa Mestu framkvæmdir í sögu Norðurlands eru komnar á fulla ferð á Húsavík. 28. júní 2016 19:45 Áætlað að íbúum Húsavíkur fjölgi um allt að 400 manns Ráðamenn Norðurþings sjá fram á að reisa þurfi 120 nýjar íbúðir á Húsavík á næstu árum. 9. júlí 2016 22:22 Landvernd fer fram á nýtt umhverfismat Landvernd ítrekar fyrri afstöðu sína um að umhverfismeta beri fleiri valkosti en loftlínu frá Kröflu að Bakka svo draga megi úr umhverfisáhrifum. 23. ágúst 2016 12:28 Framkvæmdir í rjómablíðu í hámarki á Þeistareykjum 240 manns vinna á Þeistareykjum að smíði 90 megavatta jarðvarmavirkjunar fyrir Landsvirkjun. 30. júní 2016 20:00 Mest lesið Starfsfólk truflað á tveggja mínútna fresti Atvinnulíf Kalifornía fjórða öflugasta efnahagsríki heims Viðskipti erlent Ísfélagið greiðir út tveggja milljarða arð Viðskipti innlent Gefur eftir í tollastríði við Kína Viðskipti erlent Frumkvöðlar í áratugi: „Launalaus sjálfboðavinna fyrstu árin“ Atvinnulíf Hámarkstími fullorðinna í símanum og góð ráð Atvinnulíf Notendur þurfi að bregðast við vilji þeir ekki að gögn verði notuð Viðskipti erlent Ummæli Trumps um „meiriháttar lúser“ leggjast illa í markaðinn Viðskipti erlent Kaupsamningur undirritaður um Grósku Viðskipti innlent Ætlar að einbeita sér að Tesla eftir slæmt uppgjör Viðskipti erlent Fleiri fréttir Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Sjá meira
Verksmiðjuhúsin rísa og Húsvíkingar brosa Mestu framkvæmdir í sögu Norðurlands eru komnar á fulla ferð á Húsavík. 28. júní 2016 19:45
Áætlað að íbúum Húsavíkur fjölgi um allt að 400 manns Ráðamenn Norðurþings sjá fram á að reisa þurfi 120 nýjar íbúðir á Húsavík á næstu árum. 9. júlí 2016 22:22
Landvernd fer fram á nýtt umhverfismat Landvernd ítrekar fyrri afstöðu sína um að umhverfismeta beri fleiri valkosti en loftlínu frá Kröflu að Bakka svo draga megi úr umhverfisáhrifum. 23. ágúst 2016 12:28
Framkvæmdir í rjómablíðu í hámarki á Þeistareykjum 240 manns vinna á Þeistareykjum að smíði 90 megavatta jarðvarmavirkjunar fyrir Landsvirkjun. 30. júní 2016 20:00