Umfjöllun og myndir: Ísland - Hvíta Rússland 38-39 | Varnarleysi í Katowice 17. janúar 2016 17:00 Ísland tapaði fyrir Hvít-Rússum, 38-39, í öðrum leik sínum í B-riðli á Evrópumótinu í Póllandi í dag.Valgarður Gíslason, ljósmyndari Vísis og Fréttablaðsins, var á leiknum og náði þessum myndum hér fyrir ofan. Eins og tölurnar gefa til kynna var sóknarleikur íslenska liðsins í leiknum frábær en varnarleikurinn var stórkostlega lélegur og markvarslan lítil sem engin. Til marks um það hefur íslenska liðið aldrei fengið á sig fleiri mörk í leik á Evrópumóti. Ísland náði fjögurra marka forystu, 24-20, snemma í seinni hálfleik og hefði þá átt að klára dæmið. Það tókst ekki, Hvít-Rússar voru eldsnöggir að jafna og voru svo með frumkvæðið á lokakaflanum og lönduðu að lokum eins marks sigri, 38-39. Ísland er því enn með tvö stig í B-riðli, jafnmörg og Hvít-Rússar og Króatar sem mæta Noregi á eftir. Alexander Petersson var markahæstur í íslenska liðinu með sex mörk. Róbert Gunnarsson, Guðjón Valur Sigurðsson og Arnór Þór Gunnarsson komu næstir með fimm mörk hver. Fyrri hálfleikurinn var mjög frábrugðinn leiknum gegn Noregi, miklu hraðari og mörkin fleiri. Snorri Steinn Guðjónsson kom inn í byrjunarliðið og byrjaði leikinn af krafti. Snorri var beittur og skoraði þrjú af fyrstu átta mörkum íslenska liðsins. Ásgeir Örn Hallgrímsson átti einnig góðan fyrri hálfleik og skoraði þrjú mörk úr fjórum skotum. Íslenski sóknarleikurinn gekk smurt þrátt fyrir að Aron Pálmarsson væri tekinn út en alls komust níu leikmenn Íslands á blað í fyrri hálfleik. Eina áhyggjuefnið voru tapaðir boltar sem voru sex í fyrri hálfleik. Varnarleikurinn var hins vegar hörmulegur, ólíkt því sem var gegn Noregi. Björgvin Páll Gústavsson byrjaði leikinn vel en varði aðeins tvö skot á síðustu 15 mínútum fyrri hálfleiks. Ísland var með frumkvæðið í fyrri hálfleiknum en tókst aldrei að slíta sig frá Hvít-Rússunum sem eru ólseigir. Íslensku strákarnir leiddu með einu marki í hálfleik, 18-17, og ljóst að þeir þyrfti að bæta varnarleikinn í seinni hálfleik. Sú varð þó ekki raunin. Íslenska liðið byrjaði seinni hálfleikinn af krafti og þegar sjö mínútur voru liðnar af honum var staðan orðin 24-20 og útlitið gott. Það forskot hvarf eins og dögg fyrir sólu. Hvít-Rússarnir jöfnuðu í 24-24 gegn varnarlausum Íslendingum. Lærisveinar Yuri Shetsov keyrðu grimmt í bakið á íslenska liðinu, skoruðu 10 mörk úr hraðaupphlaupum auk nokkurra marka eftir hraða miðju. Liðin skiptust á að skora næstu mínúturnar en smám saman náðu Hvít-Rússar yfirhöndinni. Sóknarleikur þeirra gekk smurt gegn skelfilega slakri íslenskri vörn. Það var sama hvað Hvít-Rússar gerðu, það gekk allt upp á meðan íslensku varnarmennirnir stóðu og horfðu á. Markvarslan var sömuleiðis engin. Hvít-Rússar voru sem áður sagði á undan að skora á lokakaflanum en alltaf jöfnuðu Íslendingar. Alexander fór á kostum í seinni hálfleik og skoraði að vild. Róbert var sömuleiðis öflugur inni á línunni en hann nýtti öll fimm skot sín í leiknum. Siarhei Shylovich kom Hvíta-Rússlandi í 38-37 þegar rúmar tvær mínútur voru eftir. Næsta sókn Íslands gekk erfiðlega og endaði með skoti Alexanders í hvít-rússnesku vörnina. Hvít-Rússar fóru í sókn og voru við það að fá dæmda á sig leiktöf þegar Shevtsov tók leikhlé. Að því loknu stilltu Hvít-Rússar upp í kerfi fyrir Uladzislau Kulesh sem þrumaði boltanum í netið og jók muninn í 39-37. Aron Kristjánsson tók leikhlé þegar 35 sekúndur voru eftir. Ísland þurfti mark sem fyrst og Arnór Þór fékk dauðafæri til að minnka muninn í eitt mark en Viachaslau Saldatsenka varði skot hans. Hvít-Rússar töpuðu boltanum strax aftur og Vignir Svavarsson minnkaði muninn í 38-39 en tíminn til að jafna metin var einfaldlega of lítill. Lokatölur 38-39, Hvíta-Rússlandi í vil. Ísland mætir Króatíu í lokaleik sínum í B-riðli á þriðjudaginn.vísir/valliAlexander Petersson, besti maður íslenska liðsins, svekktur í leikslok.Vísir/Valli EM 2016 karla í handbolta Mest lesið Jóhann lenti óvænt í flugi með formanninum og fer ekki fet Enski boltinn Íþróttahjón opna apótek saman: „Þetta var búið að blunda í okkur í einhvern tíma“ Sport Búast við gullregni með sölu á Stefáni til Englands Fótbolti Uppgjörið og viðtöl: Víkingur R. - Valur 0-2 | Ragnheiður heldur áfram að skora Íslenski boltinn Tækling Toni Kroos eyðilagði Evrópumótið fyrir Pedri Fótbolti Donny van de Beek snýr við blaðinu og fer til Spánar Enski boltinn Mótmælti sama brotinu tvisvar og var rekinn af velli Fótbolti Sjáðu fernu og dans Viktors, Valsara í stuði og tæpt jöfnunarmark KR Íslenski boltinn „Klikkaðir“ FH-ingar á grasi reyna að þyngja það með lóðum Íslenski boltinn „Líður eins og ég hafi svikið þjóð mína“ Fótbolti Fleiri fréttir Töpuðu rétt eftir risasigurinn „Fannst ég ekki bæta mig nægilega mikið á þessum tveimur árum“ Stelpurnar hans Þóris völtuðu yfir ólympíumeistarana Úlfurinn snýr aftur til Kiel „Miklar tilfinningasveiflur sem tóku við“ Íslendingar mættu stundum hugsa sinn gang Markvörðurinn Ísak til Drammen Hanna Guðrún næsti aðstoðarþjálfari Stjörnunnar „Geri mér alveg grein fyrir því að þetta sé á einhvern hátt umdeilt“ Elín Klara valin í lið mótsins á HM Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Íslensku stelpurnar mæta Ungverjum í átta liða úrslitum „Held að Guðmundur hafi gert afskaplega lítið gott fyrir íslenskan handbolta og HSÍ“ Kiel reyndi að fá Aron aftur „Fólk sem vissi ekkert hvað það var að tala um“ Öruggur sigur á Svartfjallalandi tryggði sæti í 8-liða úrslitum Gagnrýnir máttlausan stuðning ríkisins við afreksíþróttir Staða HSÍ grafalvarleg Sara Sif til Hauka Ísland í sextán liða úrslit Guðmundur hrærður eftir tíðindi morgunsins Guðmundur fer með Fredericia í Meistaradeildina Rakel og Arnar kynnt til leiks hjá Fram „Held ég sé að verða betri þjálfari með hverju árinu sem líður“ HSÍ tapaði rúmlega 85 milljónum króna Sjá meira
Ísland tapaði fyrir Hvít-Rússum, 38-39, í öðrum leik sínum í B-riðli á Evrópumótinu í Póllandi í dag.Valgarður Gíslason, ljósmyndari Vísis og Fréttablaðsins, var á leiknum og náði þessum myndum hér fyrir ofan. Eins og tölurnar gefa til kynna var sóknarleikur íslenska liðsins í leiknum frábær en varnarleikurinn var stórkostlega lélegur og markvarslan lítil sem engin. Til marks um það hefur íslenska liðið aldrei fengið á sig fleiri mörk í leik á Evrópumóti. Ísland náði fjögurra marka forystu, 24-20, snemma í seinni hálfleik og hefði þá átt að klára dæmið. Það tókst ekki, Hvít-Rússar voru eldsnöggir að jafna og voru svo með frumkvæðið á lokakaflanum og lönduðu að lokum eins marks sigri, 38-39. Ísland er því enn með tvö stig í B-riðli, jafnmörg og Hvít-Rússar og Króatar sem mæta Noregi á eftir. Alexander Petersson var markahæstur í íslenska liðinu með sex mörk. Róbert Gunnarsson, Guðjón Valur Sigurðsson og Arnór Þór Gunnarsson komu næstir með fimm mörk hver. Fyrri hálfleikurinn var mjög frábrugðinn leiknum gegn Noregi, miklu hraðari og mörkin fleiri. Snorri Steinn Guðjónsson kom inn í byrjunarliðið og byrjaði leikinn af krafti. Snorri var beittur og skoraði þrjú af fyrstu átta mörkum íslenska liðsins. Ásgeir Örn Hallgrímsson átti einnig góðan fyrri hálfleik og skoraði þrjú mörk úr fjórum skotum. Íslenski sóknarleikurinn gekk smurt þrátt fyrir að Aron Pálmarsson væri tekinn út en alls komust níu leikmenn Íslands á blað í fyrri hálfleik. Eina áhyggjuefnið voru tapaðir boltar sem voru sex í fyrri hálfleik. Varnarleikurinn var hins vegar hörmulegur, ólíkt því sem var gegn Noregi. Björgvin Páll Gústavsson byrjaði leikinn vel en varði aðeins tvö skot á síðustu 15 mínútum fyrri hálfleiks. Ísland var með frumkvæðið í fyrri hálfleiknum en tókst aldrei að slíta sig frá Hvít-Rússunum sem eru ólseigir. Íslensku strákarnir leiddu með einu marki í hálfleik, 18-17, og ljóst að þeir þyrfti að bæta varnarleikinn í seinni hálfleik. Sú varð þó ekki raunin. Íslenska liðið byrjaði seinni hálfleikinn af krafti og þegar sjö mínútur voru liðnar af honum var staðan orðin 24-20 og útlitið gott. Það forskot hvarf eins og dögg fyrir sólu. Hvít-Rússarnir jöfnuðu í 24-24 gegn varnarlausum Íslendingum. Lærisveinar Yuri Shetsov keyrðu grimmt í bakið á íslenska liðinu, skoruðu 10 mörk úr hraðaupphlaupum auk nokkurra marka eftir hraða miðju. Liðin skiptust á að skora næstu mínúturnar en smám saman náðu Hvít-Rússar yfirhöndinni. Sóknarleikur þeirra gekk smurt gegn skelfilega slakri íslenskri vörn. Það var sama hvað Hvít-Rússar gerðu, það gekk allt upp á meðan íslensku varnarmennirnir stóðu og horfðu á. Markvarslan var sömuleiðis engin. Hvít-Rússar voru sem áður sagði á undan að skora á lokakaflanum en alltaf jöfnuðu Íslendingar. Alexander fór á kostum í seinni hálfleik og skoraði að vild. Róbert var sömuleiðis öflugur inni á línunni en hann nýtti öll fimm skot sín í leiknum. Siarhei Shylovich kom Hvíta-Rússlandi í 38-37 þegar rúmar tvær mínútur voru eftir. Næsta sókn Íslands gekk erfiðlega og endaði með skoti Alexanders í hvít-rússnesku vörnina. Hvít-Rússar fóru í sókn og voru við það að fá dæmda á sig leiktöf þegar Shevtsov tók leikhlé. Að því loknu stilltu Hvít-Rússar upp í kerfi fyrir Uladzislau Kulesh sem þrumaði boltanum í netið og jók muninn í 39-37. Aron Kristjánsson tók leikhlé þegar 35 sekúndur voru eftir. Ísland þurfti mark sem fyrst og Arnór Þór fékk dauðafæri til að minnka muninn í eitt mark en Viachaslau Saldatsenka varði skot hans. Hvít-Rússar töpuðu boltanum strax aftur og Vignir Svavarsson minnkaði muninn í 38-39 en tíminn til að jafna metin var einfaldlega of lítill. Lokatölur 38-39, Hvíta-Rússlandi í vil. Ísland mætir Króatíu í lokaleik sínum í B-riðli á þriðjudaginn.vísir/valliAlexander Petersson, besti maður íslenska liðsins, svekktur í leikslok.Vísir/Valli
EM 2016 karla í handbolta Mest lesið Jóhann lenti óvænt í flugi með formanninum og fer ekki fet Enski boltinn Íþróttahjón opna apótek saman: „Þetta var búið að blunda í okkur í einhvern tíma“ Sport Búast við gullregni með sölu á Stefáni til Englands Fótbolti Uppgjörið og viðtöl: Víkingur R. - Valur 0-2 | Ragnheiður heldur áfram að skora Íslenski boltinn Tækling Toni Kroos eyðilagði Evrópumótið fyrir Pedri Fótbolti Donny van de Beek snýr við blaðinu og fer til Spánar Enski boltinn Mótmælti sama brotinu tvisvar og var rekinn af velli Fótbolti Sjáðu fernu og dans Viktors, Valsara í stuði og tæpt jöfnunarmark KR Íslenski boltinn „Klikkaðir“ FH-ingar á grasi reyna að þyngja það með lóðum Íslenski boltinn „Líður eins og ég hafi svikið þjóð mína“ Fótbolti Fleiri fréttir Töpuðu rétt eftir risasigurinn „Fannst ég ekki bæta mig nægilega mikið á þessum tveimur árum“ Stelpurnar hans Þóris völtuðu yfir ólympíumeistarana Úlfurinn snýr aftur til Kiel „Miklar tilfinningasveiflur sem tóku við“ Íslendingar mættu stundum hugsa sinn gang Markvörðurinn Ísak til Drammen Hanna Guðrún næsti aðstoðarþjálfari Stjörnunnar „Geri mér alveg grein fyrir því að þetta sé á einhvern hátt umdeilt“ Elín Klara valin í lið mótsins á HM Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Íslensku stelpurnar mæta Ungverjum í átta liða úrslitum „Held að Guðmundur hafi gert afskaplega lítið gott fyrir íslenskan handbolta og HSÍ“ Kiel reyndi að fá Aron aftur „Fólk sem vissi ekkert hvað það var að tala um“ Öruggur sigur á Svartfjallalandi tryggði sæti í 8-liða úrslitum Gagnrýnir máttlausan stuðning ríkisins við afreksíþróttir Staða HSÍ grafalvarleg Sara Sif til Hauka Ísland í sextán liða úrslit Guðmundur hrærður eftir tíðindi morgunsins Guðmundur fer með Fredericia í Meistaradeildina Rakel og Arnar kynnt til leiks hjá Fram „Held ég sé að verða betri þjálfari með hverju árinu sem líður“ HSÍ tapaði rúmlega 85 milljónum króna Sjá meira