Harðnandi samkeppni krefst samstarfs þjóða Svavar Hávarðsson skrifar 4. janúar 2017 06:00 Íslendingar seldu 10% af öllum hvítfiski í heiminum árið 1980 en nú nálgast það að vera eitt prósent. vísir/eyþór Allt bendir til þess sífellt harðnandi samkeppni bíði þeirra sem veiða og selja villtan Atlantshafsþorsk. Ekki þarf að leita langt aftur til að finna tíma þegar Íslendingar voru með tíu prósent af framboði hvítfisks í heiminum – á sama tíma er því jafnframt spáð að innan fjögurra ára verði það hlutfall einungis eitt prósent.Í nýrri greiningu Íslenska sjávarklasans er þeirri spurningu velt upp hvort efla ætti samstarf þjóða við Norður-Atlantshaf um markaðssetningu á villtum þorski – Íslands ásamt Norðmönnum, Færeyingum og Rússum. Lýtur það að kynningu Atlantshafsþorsksins á fjarlægum mörkuðum eins og til dæmis í Asíu. Í greiningu Sjávarklasans er bent á að hvítfiskeldi sækir mjög í sig veðrið um þessar mundir og hugsanlegt er að aukið framboð á eldisfiski muni hafa áhrif á markað með villta hvítfiskstofna. Er þar vitnað til erindis Gorjans Nikoliks, sérfræðings hjá Rabobank, á ráðstefnu Marels um efnið í Kaupmannahöfn nýverið. Með breyttri fiskveiðistjórnun hefur framboð á villtum hvítfiski haldist nokkuð stöðugt á undanförnum árum eða sem nemur tæpum sex milljónum tonna. Stærstu stofnarnir eru Alaskaufsinn, sem er þrjár milljónir tonna, og Atlantshafsþorskurinn, sem er um ein milljón tonna. Í greiningu Sjávarklasans er hins vegar gert ráð fyrir að hvítfiskeldi vaxi hratt á næstu árum. Það samsvarar nú yfir tíu milljónum tonna og stefnir í að það verði komið yfir tólf milljónir tonna árið 2020. Þær fisktegundir sem um ræðir eru einkum tilapía (beitifiskur eða hekluborri) og pangasius – eldisfiskur sem er upprunninn í Víetnam.Kaupendum fækkar Í greiningunni segir að Íslendingar geti ugglaust selt þorskinn áfram sem hágæðavöru og á góðu verði. Hættan sé hins vegar sú að áfram fækki kaupendum dýrrar matvöru í Evrópu þar sem efnahagslíf stærstu markaðssvæða Íslands hefur átt undir högg að sækja. Því þurfi bæði að treysta ímynd Íslandsþorskins á harðnandi markaði og um leið að sækja meira á ný markaðssvæði eins og Asíu þar sem hagvöxtur hefur verið meiri, millistéttin fer vaxandi og áhugi er til staðar á sjávarafurðum frá okkar heimshluta. Með tilliti til þessa þurfi Íslendingar að hyggja að samstarfi við önnur lönd sem veiða og vinna þorsk úr Atlantshafi.Þór Sigfússonvísir/vilhelmÞór Sigfússon, stjórnarformaður Sjávarklasans, telur að formlegt samstarf með stofnun sérstaks fyrirtækis um ímyndar- og markaðsmál Atlantshafsþorsksins væri líklega farsælasta leiðin til að fylgja svona verkefni eftir. „Ég tel að best væri að hefjast handa með markaðsverkefni á tilteknu svæði eða landi í Asíu. Svona samstarf þarf meðal annars að eiga sér stað í gegnum öflug fyrirtæki í greininni, bæði sjávarútvegsfyrirtæki og sölu- og markaðsfyrirtæki. Ég held að það samstarf sem hófst með Arctic Circle hérlendis og sú athygli sem sá vettvangur hefur fengið sýni að það liggi mörg tækifæri í fjölþjóðlegu samstarfi á Norðurslóðum eins og samstarfi um ímyndar- og markaðssetningu matvæla frá þessum svæðum,“ segir Þór. Í greiningunni segir að í slíku samstarfi gæti reynsla íslenskra fisksölufyrirtækja reynst vel, og reynsla Norðmanna í sölu á hvítfiski og laxi á þessum slóðum gæti reynst happadrjúg í samstarfi. Aðalatriðið sé að aðstæður á mörkuðum eru að breytast og ástæða er til að ræða hvernig bregðast eigi við því.Lítil þekking Allnokkur munur er á hvíta eldisfiskinum og villta Atlantshafsþorskinum með tilliti til gæða, næringarinnihalds, uppruna og sjálfbærnisjónarmiða. Í greiningu Sjávarklasans segir að á það beri þó að líta að þekking neytenda á gæðum fisks sé í mörgum tilfellum verulega takmörkuð og stórir aðilar á neytendavörumarkaði, þeir sem ráða yfir söluborðum matvörumarkaða, séu að auka fjárfestingar í hvítfiskeldi. „Þessir aðilar, sem eru oft ráðandi á stórum parti neytendavörumarkaðar, sjá fyrir sér að eldishvítfiskur verði næsta „kjúklingabylting“, þar eð hægt verði að útvega neytendum ódýrt fiskiprótein úr eldisfiski á komandi árum og áratugum.“Fréttin birtist fyrst í Fréttablaðinu. Birtist í Fréttablaðinu Mest lesið Fundurinn virðist ekki hafa aukið trú fjárfesta Viðskipti innlent Land Cruiser 250: Frumsýning á laugardag Samstarf Kosningaspenna á vinnustöðum og rifrildi um pólitík Atvinnulíf Furðulegt að gjaldtaka taki ekki mið af styrkleika Viðskipti innlent Fjögur erlend fyrirtæki keppa um rekstur Fríhafnarinnar Viðskipti innlent Sif Jakobs: „Ekta demantar eru nú einfaldlega ræktaðir“ Atvinnulíf Bein útsending: Kynna afkomuna og fara nánar yfir breytingarnar Viðskipti innlent Hagnaður dróst saman um þriðjung og skoða hlutafjáraukningu Viðskipti innlent Fjögur félög Bergvins gjaldþrota Viðskipti innlent Framkvæmdir hafnar við Búrfellslund Viðskipti innlent Fleiri fréttir Fundurinn virðist ekki hafa aukið trú fjárfesta Furðulegt að gjaldtaka taki ekki mið af styrkleika Fjögur erlend fyrirtæki keppa um rekstur Fríhafnarinnar Hagnaður dróst saman um þriðjung og skoða hlutafjáraukningu Bein útsending: Kynna afkomuna og fara nánar yfir breytingarnar Breki áfram formaður Bjarmi sest í stjórnina og Trausti tekur við Tekur við formennsku í hugverkaráði Samtaka iðnaðarins Framkvæmdir hafnar við Búrfellslund Nikótínpúðar gætu hækkað um 300 kall með nýju gjaldi Ætla að sækja einn og hálfan milljarð frá skemmtiferðaskipum Vaxtatekjur Íslandsbanka drógust saman milli ára Fjögur félög Bergvins gjaldþrota Gera langtímasamning við eitt stærsta fyrirtæki Noregs Guðjón og Kristinn Þór nýir sviðsstjórar hjá VSB Fimm milljarðar í tekjur af vöxtum á mánuði Skerða líka raforku fyrir norðan og austan Miklu fleiri vilja hlutdeildarlán en fá Ólöf til liðs við Athygli Atvinnuleysi tvöfaldaðist í september Lög um Bankasýsluna verði afnumin Tekjur jukust um sjö prósent milli ára Hagnaður dregst saman um tæpa tvo milljarða króna Carbfix hlaut Nýsköpunarverðlaunin Bein útsending: Markaðsmál í brennidepli á nýsköpunarþingi Bein útsending: Umhverfisdagur atvinnulífsins – Atvinnulífið leiðir Oculis rauk upp eftir tilkynningu Nýr framkvæmdastjóri á Oche Skilríki afhent í Hagkaupum í Skeifunni Frestun sölu Íslandsbanka jákvæð fyrir markaðinn Sjá meira
Allt bendir til þess sífellt harðnandi samkeppni bíði þeirra sem veiða og selja villtan Atlantshafsþorsk. Ekki þarf að leita langt aftur til að finna tíma þegar Íslendingar voru með tíu prósent af framboði hvítfisks í heiminum – á sama tíma er því jafnframt spáð að innan fjögurra ára verði það hlutfall einungis eitt prósent.Í nýrri greiningu Íslenska sjávarklasans er þeirri spurningu velt upp hvort efla ætti samstarf þjóða við Norður-Atlantshaf um markaðssetningu á villtum þorski – Íslands ásamt Norðmönnum, Færeyingum og Rússum. Lýtur það að kynningu Atlantshafsþorsksins á fjarlægum mörkuðum eins og til dæmis í Asíu. Í greiningu Sjávarklasans er bent á að hvítfiskeldi sækir mjög í sig veðrið um þessar mundir og hugsanlegt er að aukið framboð á eldisfiski muni hafa áhrif á markað með villta hvítfiskstofna. Er þar vitnað til erindis Gorjans Nikoliks, sérfræðings hjá Rabobank, á ráðstefnu Marels um efnið í Kaupmannahöfn nýverið. Með breyttri fiskveiðistjórnun hefur framboð á villtum hvítfiski haldist nokkuð stöðugt á undanförnum árum eða sem nemur tæpum sex milljónum tonna. Stærstu stofnarnir eru Alaskaufsinn, sem er þrjár milljónir tonna, og Atlantshafsþorskurinn, sem er um ein milljón tonna. Í greiningu Sjávarklasans er hins vegar gert ráð fyrir að hvítfiskeldi vaxi hratt á næstu árum. Það samsvarar nú yfir tíu milljónum tonna og stefnir í að það verði komið yfir tólf milljónir tonna árið 2020. Þær fisktegundir sem um ræðir eru einkum tilapía (beitifiskur eða hekluborri) og pangasius – eldisfiskur sem er upprunninn í Víetnam.Kaupendum fækkar Í greiningunni segir að Íslendingar geti ugglaust selt þorskinn áfram sem hágæðavöru og á góðu verði. Hættan sé hins vegar sú að áfram fækki kaupendum dýrrar matvöru í Evrópu þar sem efnahagslíf stærstu markaðssvæða Íslands hefur átt undir högg að sækja. Því þurfi bæði að treysta ímynd Íslandsþorskins á harðnandi markaði og um leið að sækja meira á ný markaðssvæði eins og Asíu þar sem hagvöxtur hefur verið meiri, millistéttin fer vaxandi og áhugi er til staðar á sjávarafurðum frá okkar heimshluta. Með tilliti til þessa þurfi Íslendingar að hyggja að samstarfi við önnur lönd sem veiða og vinna þorsk úr Atlantshafi.Þór Sigfússonvísir/vilhelmÞór Sigfússon, stjórnarformaður Sjávarklasans, telur að formlegt samstarf með stofnun sérstaks fyrirtækis um ímyndar- og markaðsmál Atlantshafsþorsksins væri líklega farsælasta leiðin til að fylgja svona verkefni eftir. „Ég tel að best væri að hefjast handa með markaðsverkefni á tilteknu svæði eða landi í Asíu. Svona samstarf þarf meðal annars að eiga sér stað í gegnum öflug fyrirtæki í greininni, bæði sjávarútvegsfyrirtæki og sölu- og markaðsfyrirtæki. Ég held að það samstarf sem hófst með Arctic Circle hérlendis og sú athygli sem sá vettvangur hefur fengið sýni að það liggi mörg tækifæri í fjölþjóðlegu samstarfi á Norðurslóðum eins og samstarfi um ímyndar- og markaðssetningu matvæla frá þessum svæðum,“ segir Þór. Í greiningunni segir að í slíku samstarfi gæti reynsla íslenskra fisksölufyrirtækja reynst vel, og reynsla Norðmanna í sölu á hvítfiski og laxi á þessum slóðum gæti reynst happadrjúg í samstarfi. Aðalatriðið sé að aðstæður á mörkuðum eru að breytast og ástæða er til að ræða hvernig bregðast eigi við því.Lítil þekking Allnokkur munur er á hvíta eldisfiskinum og villta Atlantshafsþorskinum með tilliti til gæða, næringarinnihalds, uppruna og sjálfbærnisjónarmiða. Í greiningu Sjávarklasans segir að á það beri þó að líta að þekking neytenda á gæðum fisks sé í mörgum tilfellum verulega takmörkuð og stórir aðilar á neytendavörumarkaði, þeir sem ráða yfir söluborðum matvörumarkaða, séu að auka fjárfestingar í hvítfiskeldi. „Þessir aðilar, sem eru oft ráðandi á stórum parti neytendavörumarkaðar, sjá fyrir sér að eldishvítfiskur verði næsta „kjúklingabylting“, þar eð hægt verði að útvega neytendum ódýrt fiskiprótein úr eldisfiski á komandi árum og áratugum.“Fréttin birtist fyrst í Fréttablaðinu.
Birtist í Fréttablaðinu Mest lesið Fundurinn virðist ekki hafa aukið trú fjárfesta Viðskipti innlent Land Cruiser 250: Frumsýning á laugardag Samstarf Kosningaspenna á vinnustöðum og rifrildi um pólitík Atvinnulíf Furðulegt að gjaldtaka taki ekki mið af styrkleika Viðskipti innlent Fjögur erlend fyrirtæki keppa um rekstur Fríhafnarinnar Viðskipti innlent Sif Jakobs: „Ekta demantar eru nú einfaldlega ræktaðir“ Atvinnulíf Bein útsending: Kynna afkomuna og fara nánar yfir breytingarnar Viðskipti innlent Hagnaður dróst saman um þriðjung og skoða hlutafjáraukningu Viðskipti innlent Fjögur félög Bergvins gjaldþrota Viðskipti innlent Framkvæmdir hafnar við Búrfellslund Viðskipti innlent Fleiri fréttir Fundurinn virðist ekki hafa aukið trú fjárfesta Furðulegt að gjaldtaka taki ekki mið af styrkleika Fjögur erlend fyrirtæki keppa um rekstur Fríhafnarinnar Hagnaður dróst saman um þriðjung og skoða hlutafjáraukningu Bein útsending: Kynna afkomuna og fara nánar yfir breytingarnar Breki áfram formaður Bjarmi sest í stjórnina og Trausti tekur við Tekur við formennsku í hugverkaráði Samtaka iðnaðarins Framkvæmdir hafnar við Búrfellslund Nikótínpúðar gætu hækkað um 300 kall með nýju gjaldi Ætla að sækja einn og hálfan milljarð frá skemmtiferðaskipum Vaxtatekjur Íslandsbanka drógust saman milli ára Fjögur félög Bergvins gjaldþrota Gera langtímasamning við eitt stærsta fyrirtæki Noregs Guðjón og Kristinn Þór nýir sviðsstjórar hjá VSB Fimm milljarðar í tekjur af vöxtum á mánuði Skerða líka raforku fyrir norðan og austan Miklu fleiri vilja hlutdeildarlán en fá Ólöf til liðs við Athygli Atvinnuleysi tvöfaldaðist í september Lög um Bankasýsluna verði afnumin Tekjur jukust um sjö prósent milli ára Hagnaður dregst saman um tæpa tvo milljarða króna Carbfix hlaut Nýsköpunarverðlaunin Bein útsending: Markaðsmál í brennidepli á nýsköpunarþingi Bein útsending: Umhverfisdagur atvinnulífsins – Atvinnulífið leiðir Oculis rauk upp eftir tilkynningu Nýr framkvæmdastjóri á Oche Skilríki afhent í Hagkaupum í Skeifunni Frestun sölu Íslandsbanka jákvæð fyrir markaðinn Sjá meira