Þingvallanefnd upprætir greni við Valhallarreit Garðar Örn Úlfarsson skrifar 6. febrúar 2017 08:00 Greni er ekki íslensk planta og skemmir útsýnið segir Þingvallanefnd sem ætlar að uppræta allan lundinn sem hér sést að hluta og umlykur gamlan sumarbústað. Nordicphotos/Getty Ríkissjóður hefur keypt sumarbústað við Vallhallarreit að ósk Þingvallanefndar sem hyggst rífa húsið og „uppræta og fjarlægja greniskóginn“, eins og segir í bréfi Ólafs Arnar Haraldssonar þjóðgarðsvarðar í bréfi til forsætisráðuneytisins. „Opnun lóðarinnar fyrir almenning og uppræting greniskógarins myndi bæta til muna ásýnd þjóðgarðsins, bæði fyrir gangandi gesti sem og þá sem njóta útsýnis frá Hakinu,“ segir Ólafur Örn Haraldsson í bréfi þar sem óskað er eftir heimild og aðstoð forsætisráðuneytisins við kaup á húsinu.Ólafur Örn Haraldsson þjóðgarðsvörður. Fréttablaðið/GVA„Fyrirsjáanlegt er að núverandi sumarbústaður og greniskógur stendur í vegi fyrir tengingu sem nú er rætt um að verði milli aðalaðstöðu ferðamanna á Hakinu og svæðisins við Valhallarreitinn og umhverfisins við Öxará,“ skrifar þjóðgarðsvörður og bætir við að svigrúm þurfi vegna stórviðburða, meðal annars árin 2018 og 2030. Húsið sem um ræðir er ríflega 70 ára, byggt 1945, og er 49 fermetrar. Bústaðurinn, sem var í eigu tíu einstaklinga úr sömu fjölskyldunni, var endurbyggður fyrir um aldarfjórðungi að því er fram kemur í verðmati sem fasteignasalan Eignamiðlun vann fyrir Þingvallanefnd. Eignamiðlun sagði húsið virðast vera í mjög góðu ástandi. „Staðsetning er einstök eða nánar tiltekið næsta lóð vestan við lóðina þar sem áður stóð Hótel Valhöll. Lóðin er skógi vaxin,“ segir Eignamiðlun um sjálfan staðinn sem er leigulóð í eigu ríkisins.Tré austan Þingvallabæjarins voru felld 2007. Fréttablaðið/AntonEignamiðlun mat verðmæti bústaðarins 35 milljónir króna. Í bréfi til fjármálaráðuneytisins í ágúst síðastliðnum tók forsætisráðuneytið undir ósk Þingvallanefndar um kaup á húsinu. „Þingvallanefnd telur mikilvægt af skipulagsástæðum að fá umráð yfir lóðinni sem er 5.600 fermetrar, uppræta greniskóg sem er á lóðinni og hefur slæm sjónræn áhrif og opna aðgang að henni fyrir almenning,“ segir í bréfi forsætisráðuneytisins. Kaupin voru síðan gerð í september 2016 fyrir áðurnefnda upphæð. Samkomulag er í gildi milli Skógræktar ríkisins og þjóðgarðsins á Þingvöllum um að erlend tré innan þinghelginnar skuli felld þótt Skógræktin standi vörð um lundi utan þinghelginnar. „Trén sem voru í kring um Valhöll voru felld á grundvelli þess samkomulags,“ segir Þröstur Eysteinsson skógræktarstjóri og vísar til þess að talsvert var fellt af gömlum og háum grenitrjám milli Valhallarreitsins og umræddrar sumarbústaðarlóðar á árinu 2006. Fréttin birtist fyrst í Fréttablaðinu Mest lesið Engu um að kenna nema „handónýtu kerfi“ Innlent Sprautan umdeilda sem fólk er tilbúið að borga fyrir út ævina Innlent „Ekki næstum því allir íbúar með þetta app“ Innlent Banaslysið aftur til héraðssaksóknara Innlent Drottningin baðst afsökunar á því að geta ekki boðið betra veður Innlent Koma siglandi og sótt á hestvagni Innlent Grunaði í máli Madeleine McCann sýknaður af öðrum brotum Erlent Svikahrappurinn bjó í íbúð hinnar látnu í níu ár Innlent „Þú hugsar bara: Hver var skotinn?” Erlent „Mikið af slæmum genum í landinu okkar“ Erlent Fleiri fréttir Verður kominn í rafrænt eftirlit þremur árum eftir manndrápið Þingflokkurinn hafi ekki brotið persónuverndarlög Innan við helmingur nú hlynntur flugvelli í Vatnsmýri „Eins og við höfum verið að hitta gamla vini” Flugfreyjurnar segjast eiga sinn þátt í flugævintýrinu Söguleg heimsókn konungshjónanna í Jónshús Skrifstofustjóri með tuttugu ára reynslu nýr ráðuneytisstjóri Þorbjörg ætlar sér fyrsta sætið Drottningin baðst afsökunar á því að geta ekki boðið betra veður Engu um að kenna nema „handónýtu kerfi“ „Ekki næstum því allir íbúar með þetta app“ Sprautan umdeilda sem fólk er tilbúið að borga fyrir út ævina Banaslysið aftur til héraðssaksóknara Koma siglandi og sótt á hestvagni Íbúakosning verður haldin í Hafnarfirði Segir að verjast þurfi árásum á flugvöllinn með fullum hnefa Búið að byrgja brunninn Lopabuxur og geitavesti á tískusýningu í sveitinni Nýir aðilar ráðast í uppbyggingu Vesturbugtar Formenn stjórnarflokkanna hljóti að ræða framhaldið Orðinn „kokhraustur kvenhatari“ og tækifærissinni Stjórnlaus ásókn í megrunarlyf og „árás“ á flugvöll Svikahrappurinn bjó í íbúð hinnar látnu í níu ár Dómur yfir Alberti kveðinn upp á fimmtudag Með ófullnægjandi hjálm þegar banaslys varð „Það er af og frá að ég hafi brotið lög“ Fjölmenntu í Aðalbyggingu HÍ og vilja svör frá rektor „Þingflokkur Pírata braut á mér“ Áfram lokuð þar sem viðgerðirnar undu upp á sig Spurð hvort hún ætli sér ekkert meira en kennarastarf Sjá meira
Ríkissjóður hefur keypt sumarbústað við Vallhallarreit að ósk Þingvallanefndar sem hyggst rífa húsið og „uppræta og fjarlægja greniskóginn“, eins og segir í bréfi Ólafs Arnar Haraldssonar þjóðgarðsvarðar í bréfi til forsætisráðuneytisins. „Opnun lóðarinnar fyrir almenning og uppræting greniskógarins myndi bæta til muna ásýnd þjóðgarðsins, bæði fyrir gangandi gesti sem og þá sem njóta útsýnis frá Hakinu,“ segir Ólafur Örn Haraldsson í bréfi þar sem óskað er eftir heimild og aðstoð forsætisráðuneytisins við kaup á húsinu.Ólafur Örn Haraldsson þjóðgarðsvörður. Fréttablaðið/GVA„Fyrirsjáanlegt er að núverandi sumarbústaður og greniskógur stendur í vegi fyrir tengingu sem nú er rætt um að verði milli aðalaðstöðu ferðamanna á Hakinu og svæðisins við Valhallarreitinn og umhverfisins við Öxará,“ skrifar þjóðgarðsvörður og bætir við að svigrúm þurfi vegna stórviðburða, meðal annars árin 2018 og 2030. Húsið sem um ræðir er ríflega 70 ára, byggt 1945, og er 49 fermetrar. Bústaðurinn, sem var í eigu tíu einstaklinga úr sömu fjölskyldunni, var endurbyggður fyrir um aldarfjórðungi að því er fram kemur í verðmati sem fasteignasalan Eignamiðlun vann fyrir Þingvallanefnd. Eignamiðlun sagði húsið virðast vera í mjög góðu ástandi. „Staðsetning er einstök eða nánar tiltekið næsta lóð vestan við lóðina þar sem áður stóð Hótel Valhöll. Lóðin er skógi vaxin,“ segir Eignamiðlun um sjálfan staðinn sem er leigulóð í eigu ríkisins.Tré austan Þingvallabæjarins voru felld 2007. Fréttablaðið/AntonEignamiðlun mat verðmæti bústaðarins 35 milljónir króna. Í bréfi til fjármálaráðuneytisins í ágúst síðastliðnum tók forsætisráðuneytið undir ósk Þingvallanefndar um kaup á húsinu. „Þingvallanefnd telur mikilvægt af skipulagsástæðum að fá umráð yfir lóðinni sem er 5.600 fermetrar, uppræta greniskóg sem er á lóðinni og hefur slæm sjónræn áhrif og opna aðgang að henni fyrir almenning,“ segir í bréfi forsætisráðuneytisins. Kaupin voru síðan gerð í september 2016 fyrir áðurnefnda upphæð. Samkomulag er í gildi milli Skógræktar ríkisins og þjóðgarðsins á Þingvöllum um að erlend tré innan þinghelginnar skuli felld þótt Skógræktin standi vörð um lundi utan þinghelginnar. „Trén sem voru í kring um Valhöll voru felld á grundvelli þess samkomulags,“ segir Þröstur Eysteinsson skógræktarstjóri og vísar til þess að talsvert var fellt af gömlum og háum grenitrjám milli Valhallarreitsins og umræddrar sumarbústaðarlóðar á árinu 2006. Fréttin birtist fyrst í Fréttablaðinu
Mest lesið Engu um að kenna nema „handónýtu kerfi“ Innlent Sprautan umdeilda sem fólk er tilbúið að borga fyrir út ævina Innlent „Ekki næstum því allir íbúar með þetta app“ Innlent Banaslysið aftur til héraðssaksóknara Innlent Drottningin baðst afsökunar á því að geta ekki boðið betra veður Innlent Koma siglandi og sótt á hestvagni Innlent Grunaði í máli Madeleine McCann sýknaður af öðrum brotum Erlent Svikahrappurinn bjó í íbúð hinnar látnu í níu ár Innlent „Þú hugsar bara: Hver var skotinn?” Erlent „Mikið af slæmum genum í landinu okkar“ Erlent Fleiri fréttir Verður kominn í rafrænt eftirlit þremur árum eftir manndrápið Þingflokkurinn hafi ekki brotið persónuverndarlög Innan við helmingur nú hlynntur flugvelli í Vatnsmýri „Eins og við höfum verið að hitta gamla vini” Flugfreyjurnar segjast eiga sinn þátt í flugævintýrinu Söguleg heimsókn konungshjónanna í Jónshús Skrifstofustjóri með tuttugu ára reynslu nýr ráðuneytisstjóri Þorbjörg ætlar sér fyrsta sætið Drottningin baðst afsökunar á því að geta ekki boðið betra veður Engu um að kenna nema „handónýtu kerfi“ „Ekki næstum því allir íbúar með þetta app“ Sprautan umdeilda sem fólk er tilbúið að borga fyrir út ævina Banaslysið aftur til héraðssaksóknara Koma siglandi og sótt á hestvagni Íbúakosning verður haldin í Hafnarfirði Segir að verjast þurfi árásum á flugvöllinn með fullum hnefa Búið að byrgja brunninn Lopabuxur og geitavesti á tískusýningu í sveitinni Nýir aðilar ráðast í uppbyggingu Vesturbugtar Formenn stjórnarflokkanna hljóti að ræða framhaldið Orðinn „kokhraustur kvenhatari“ og tækifærissinni Stjórnlaus ásókn í megrunarlyf og „árás“ á flugvöll Svikahrappurinn bjó í íbúð hinnar látnu í níu ár Dómur yfir Alberti kveðinn upp á fimmtudag Með ófullnægjandi hjálm þegar banaslys varð „Það er af og frá að ég hafi brotið lög“ Fjölmenntu í Aðalbyggingu HÍ og vilja svör frá rektor „Þingflokkur Pírata braut á mér“ Áfram lokuð þar sem viðgerðirnar undu upp á sig Spurð hvort hún ætli sér ekkert meira en kennarastarf Sjá meira