Sjáðu markið sem Jóhann Berg lagði upp og allt það helsta úr 10. umferðinni | Myndbönd

Jóhann Berg Guðmundsson lagði sigurmark Burnley í 1-0 sigri á Newcastle United í gær. Með sigrinum fór Burnley upp í 7. sæti ensku úrvalsdeildarinnar.

Þetta er annað markið sem Jóhann Berg leggur upp í síðustu þremur leikjum Burnley. Hann er nú þegar búinn að jafna stoðsendingafjölda sinn frá síðasta tímabili.

Burnley hefur komið skemmtilega á óvart í vetur og hefur aðeins tapað tveimur af 10 deildarleikjum sínum. Aðeins Manchester-liðin hafa tapað færri leikjum en Burnley.

Markið sem Jóhann Berg lagði upp má sjá í spilaranum hér fyrir ofan. Fyrir neðan má sjá allt það helsta úr leikjum 10. umferðar; mörkin, flottustu markvörslurnar o.s.frv.

Mörk umferðarinnar

Markvörslur umferðarinnar

Augnablik umferðarinnar

Uppgjör umferðarinnar