Bayern sigraði toppslaginn

Bayern Munich er komið með sex stiga forystu á Borussia Dortmund í þýsku Bundesligunni, en liðin mættust í lokaleik dagsins.

Arjen Robben kom Bayern yfir á 17. mínútu og Robert Lewandowski tvöfaldaði forystuna á þeirri 37.

David Alaba kláraði svo leikinn fyrir þýsku meistarana á 67. mínútu.

Marc Bartra náði að klóra í bakkann fyrir Dortmund, en það kom ekki að sök. Lokatölur 1-3.

Með tapinu missti Dortmund Leipzig upp fyrir sig í annað sætið, en Leipzig vann Hannover 2-1 fyrr í dag.