Leiðir gullgrafaraævintýri á Grænlandi Daníel Freyr Birkisson skrifar 10. desember 2017 10:00 Eldur Ólafsson. Baldur Kristjánsson Kanadíska gullleitarfélagið Alopex Gold birti á dögunum skýrslu sem sýnir niðurstöður borunar sem fram fór í Nalunaq-námunni í suðurhluta Grænlands í sumar. Forstjóri fyrirtækisins og einn stofnenda þess er Eldur Ólafsson, 32 ára jarðfræðingur sem búsettur er á Íslandi. Fyrirtækið hefur undir höndum leyfi fyrir þremur gullnámum á Grænlandi – Nalunaq, Vagar og Tartoq. Hann er með lítið skrifstofupláss í Reykjavík, en höfuðstöðvar fyrirtækisins eru í Toronto í Kanada. Mestum tíma ver hann erlendis í þágu fyrirtækisins, þá einkum í markaðsstörfum. Að loknu grunnnámi í jarðfræði við Háskóla Íslands hóf Eldur störf fyrir Geysi Green Energy árið 2008. Síðar meir kom hann að stofnun Orku Energy, en hlutverk hans var að stækka umsvif fyrirtækisins í Kína með því að færa út kvíarnar og fjölga veitum úr einni borg í þrjár þar í landi. Árið 2012 sagði hann skilið við Orku Energy og var hann búsettur í London þegar hann ákvað að skoða Grænland og auðlindir þess sem fjárfestingarmöguleika. „Það sem við gerðum var að fá til liðs við okkur „mining ráðgjafafyrirtæki“ sem heitir SRK Consulting og er mjög stórt á sínu sviði. Fljótlega eftir það ákváðum við að við vildum rannsaka gull og auðlindir sem væru með hátt hlutfall af því efni sem við vinnum á hvert tonn,“ segir Eldur.Hófu starfsemi í Nalunaq-námuAlopex fékk leyfi fyrir rannsóknum og framkvæmdum í Nalunaq-námu sem er í dag ein af lykileignum félagsins. Um er að ræða námu sem áður var í höndum annarra eigenda en fór í greiðslustöðvun árið 2013. Í þeirri eign var stór sjóður frá lánveitanda sem einnig hafði verið eigandi eigið fjárs. „Við sömdum við þá að taka á okkur ákveðnar rannsóknir gegn því að fá hlutafé með því að sýna fram á að það væri ennþá töluvert mikið af mögulegum auðlindum um og í kringum þessa námu.“ Náman er neðanjarðar og fór starfsemi sumarsins í að bora holur og komast að því hvort möguleiki væri á 1,2 milljóna únsa framhaldi á aðalgullæð sem þegar hafði verið fundin. Árin 2015 og 2016 fóru fram boranir til þess að finna aðalgullæðina, en hún er meter að þykkt og hallar um það bil 35 gráður upp í fjallið. Vinnan fór upphaflega fram ofarlega í fjallinu, í um það bil 700-1300 metra hæð en í sumar fór mest vinna fram í borun dalsbotnsins og kom það í ljós að æðin heldur í raun áfram undir dalinn. Niðurstöðurnar auka fyrir vissu möguleikann að 1,2 milljónir únsa af gulli séu til staðar en eins og staðan er í dag inniheldur náman 263 þúsund únsur af gulli. Um aldamótin fór í gegn löggjöf á Grænlandi um námurannsóknir sem gerði það að verkum að auðvelt var að sækja um leyfi og skýrt var hvar hvernig skyldi vinna í þeim geira. Umhverfislöggjöfin í tengslum við þessi lög er að sama skapi góð en einnig er tekið tillit til fólksins sem býr á námusvæðunum. Eftir þetta fór töluvert fjármagn í námugeirann og hafa rannsóknir aukist á síðustu tíu árum eða svo.Eldur á vettvangi á Nalunaq-námusvæðinu.Baldur KristjánssonNæstu skref eru Vagar og TartoqStór hluti framkvæmdanna á vegum Alopex sem fram fór í sumar var í Nalunaq en fyrirtækið er einnig með leyfi á námurannsóknarsvæðunum Vagar og Tartoq. „Við erum að sinna skrifborðsvinnu, ef svo má að orði komast, fyrir Vagar núna og erum í raun með tuttugu „target“ um það hvar við ætlum að bora og svo framvegis. Það sem er sameiginlegt með þessum þremur námum er að þær innihalda allar gullæðar sem koma upp á yfirborð og í þeim er oft á tíðum hátt hlutfall af gulli á hvert tonn sem við erum að rannsaka og er það öðruvísi en víðast hvar í heiminum.“ Fáar rannsóknir og lítil nýting gullauðlindarinnar felur í sér stór tækifæri segir Eldur. „Þarna hefur ekki verið rannsakað mikið. Við náum að kaupa þessi þrjú leyfi og skrá þau saman á markað. Við erum nú eina skráða gullfélagið á þessum markaði [á Grænlandi],“ en hann tekur einnig fram að til séu önnur félög sem sinna svipuðum rannsóknum á sviði annarra málmtegunda. Það störfuðu 4-5 íslenskir starfsmenn í framkvæmdunum hjá Alopex í Nalunaq í sumar og segir Eldur það koma sér vel því þeir starfi vel. Hann segir tímafrekt að þjálfa starfsfólk í greininni. Námuvinnsla sé mjög sérhæft verkefni. Hann segir hag fyrirtækisins liggja í því að ráða heimamenn, það er Grænlendinga, til þess að starfa í námunum. Það sé einkum vegna kostnaðar en einnig hjálpi það til við uppbyggingu greinarinnar þar í landi. Hann segir að rannsóknir og framkvæmdir Alopex hafi fengið góðar viðtökur. „Við höfum fengið jákvæðar viðtökur. Greiningarskýrslur koma vel út og það er töluverður áhugi,“ segir Eldur en bendir jafnframt á að fyrirtækið flýti sér hægt. „Við vinnum þetta bara eitt skref í einu. Það hefur gengið ágætlega og við vonum að þetta haldist þannig áfram.“ Hér að neðan má sjá myndband sem unnið er í Google Earth og sýnir á hvaða svæðum er unnið í Nalunaq. Mest lesið Kaupsamningur undirritaður um Grósku Viðskipti innlent Ísfélagið greiðir út tveggja milljarða arð Viðskipti innlent Frumkvöðlar í áratugi: „Launalaus sjálfboðavinna fyrstu árin“ Atvinnulíf Gefur eftir í tollastríði við Kína Viðskipti erlent Breyta Kaffi Kjós í íbúðarhús Viðskipti innlent Nova eignast tuttugu prósenta hlut í Dineout Viðskipti innlent Munu opna tvö Starbucks-kaffihús í miðborginni Viðskipti innlent Nýjar íbúðir seljast verr en aðrar vegna stærðar Viðskipti innlent Reynst betur að kaupa fasteign en hlutabréf Viðskipti innlent Fyrsta íslenska grænkera ostagerðin í hættu Viðskipti innlent Fleiri fréttir Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Sjá meira
Kanadíska gullleitarfélagið Alopex Gold birti á dögunum skýrslu sem sýnir niðurstöður borunar sem fram fór í Nalunaq-námunni í suðurhluta Grænlands í sumar. Forstjóri fyrirtækisins og einn stofnenda þess er Eldur Ólafsson, 32 ára jarðfræðingur sem búsettur er á Íslandi. Fyrirtækið hefur undir höndum leyfi fyrir þremur gullnámum á Grænlandi – Nalunaq, Vagar og Tartoq. Hann er með lítið skrifstofupláss í Reykjavík, en höfuðstöðvar fyrirtækisins eru í Toronto í Kanada. Mestum tíma ver hann erlendis í þágu fyrirtækisins, þá einkum í markaðsstörfum. Að loknu grunnnámi í jarðfræði við Háskóla Íslands hóf Eldur störf fyrir Geysi Green Energy árið 2008. Síðar meir kom hann að stofnun Orku Energy, en hlutverk hans var að stækka umsvif fyrirtækisins í Kína með því að færa út kvíarnar og fjölga veitum úr einni borg í þrjár þar í landi. Árið 2012 sagði hann skilið við Orku Energy og var hann búsettur í London þegar hann ákvað að skoða Grænland og auðlindir þess sem fjárfestingarmöguleika. „Það sem við gerðum var að fá til liðs við okkur „mining ráðgjafafyrirtæki“ sem heitir SRK Consulting og er mjög stórt á sínu sviði. Fljótlega eftir það ákváðum við að við vildum rannsaka gull og auðlindir sem væru með hátt hlutfall af því efni sem við vinnum á hvert tonn,“ segir Eldur.Hófu starfsemi í Nalunaq-námuAlopex fékk leyfi fyrir rannsóknum og framkvæmdum í Nalunaq-námu sem er í dag ein af lykileignum félagsins. Um er að ræða námu sem áður var í höndum annarra eigenda en fór í greiðslustöðvun árið 2013. Í þeirri eign var stór sjóður frá lánveitanda sem einnig hafði verið eigandi eigið fjárs. „Við sömdum við þá að taka á okkur ákveðnar rannsóknir gegn því að fá hlutafé með því að sýna fram á að það væri ennþá töluvert mikið af mögulegum auðlindum um og í kringum þessa námu.“ Náman er neðanjarðar og fór starfsemi sumarsins í að bora holur og komast að því hvort möguleiki væri á 1,2 milljóna únsa framhaldi á aðalgullæð sem þegar hafði verið fundin. Árin 2015 og 2016 fóru fram boranir til þess að finna aðalgullæðina, en hún er meter að þykkt og hallar um það bil 35 gráður upp í fjallið. Vinnan fór upphaflega fram ofarlega í fjallinu, í um það bil 700-1300 metra hæð en í sumar fór mest vinna fram í borun dalsbotnsins og kom það í ljós að æðin heldur í raun áfram undir dalinn. Niðurstöðurnar auka fyrir vissu möguleikann að 1,2 milljónir únsa af gulli séu til staðar en eins og staðan er í dag inniheldur náman 263 þúsund únsur af gulli. Um aldamótin fór í gegn löggjöf á Grænlandi um námurannsóknir sem gerði það að verkum að auðvelt var að sækja um leyfi og skýrt var hvar hvernig skyldi vinna í þeim geira. Umhverfislöggjöfin í tengslum við þessi lög er að sama skapi góð en einnig er tekið tillit til fólksins sem býr á námusvæðunum. Eftir þetta fór töluvert fjármagn í námugeirann og hafa rannsóknir aukist á síðustu tíu árum eða svo.Eldur á vettvangi á Nalunaq-námusvæðinu.Baldur KristjánssonNæstu skref eru Vagar og TartoqStór hluti framkvæmdanna á vegum Alopex sem fram fór í sumar var í Nalunaq en fyrirtækið er einnig með leyfi á námurannsóknarsvæðunum Vagar og Tartoq. „Við erum að sinna skrifborðsvinnu, ef svo má að orði komast, fyrir Vagar núna og erum í raun með tuttugu „target“ um það hvar við ætlum að bora og svo framvegis. Það sem er sameiginlegt með þessum þremur námum er að þær innihalda allar gullæðar sem koma upp á yfirborð og í þeim er oft á tíðum hátt hlutfall af gulli á hvert tonn sem við erum að rannsaka og er það öðruvísi en víðast hvar í heiminum.“ Fáar rannsóknir og lítil nýting gullauðlindarinnar felur í sér stór tækifæri segir Eldur. „Þarna hefur ekki verið rannsakað mikið. Við náum að kaupa þessi þrjú leyfi og skrá þau saman á markað. Við erum nú eina skráða gullfélagið á þessum markaði [á Grænlandi],“ en hann tekur einnig fram að til séu önnur félög sem sinna svipuðum rannsóknum á sviði annarra málmtegunda. Það störfuðu 4-5 íslenskir starfsmenn í framkvæmdunum hjá Alopex í Nalunaq í sumar og segir Eldur það koma sér vel því þeir starfi vel. Hann segir tímafrekt að þjálfa starfsfólk í greininni. Námuvinnsla sé mjög sérhæft verkefni. Hann segir hag fyrirtækisins liggja í því að ráða heimamenn, það er Grænlendinga, til þess að starfa í námunum. Það sé einkum vegna kostnaðar en einnig hjálpi það til við uppbyggingu greinarinnar þar í landi. Hann segir að rannsóknir og framkvæmdir Alopex hafi fengið góðar viðtökur. „Við höfum fengið jákvæðar viðtökur. Greiningarskýrslur koma vel út og það er töluverður áhugi,“ segir Eldur en bendir jafnframt á að fyrirtækið flýti sér hægt. „Við vinnum þetta bara eitt skref í einu. Það hefur gengið ágætlega og við vonum að þetta haldist þannig áfram.“ Hér að neðan má sjá myndband sem unnið er í Google Earth og sýnir á hvaða svæðum er unnið í Nalunaq.
Mest lesið Kaupsamningur undirritaður um Grósku Viðskipti innlent Ísfélagið greiðir út tveggja milljarða arð Viðskipti innlent Frumkvöðlar í áratugi: „Launalaus sjálfboðavinna fyrstu árin“ Atvinnulíf Gefur eftir í tollastríði við Kína Viðskipti erlent Breyta Kaffi Kjós í íbúðarhús Viðskipti innlent Nova eignast tuttugu prósenta hlut í Dineout Viðskipti innlent Munu opna tvö Starbucks-kaffihús í miðborginni Viðskipti innlent Nýjar íbúðir seljast verr en aðrar vegna stærðar Viðskipti innlent Reynst betur að kaupa fasteign en hlutabréf Viðskipti innlent Fyrsta íslenska grænkera ostagerðin í hættu Viðskipti innlent Fleiri fréttir Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Sjá meira