Skotárás á háskólasvæði í Louisiana

Tveir eru látnir eftir skotárás í garði heimavistar háskóla í Louisiana-ríki í Bandaríkjunum.

BBC greinir hefur eftir Will Sutton, talsmanni Grambling State University (GSU), að árásin hafi átt sér stað á háskólasvæðinu eftir deilur í herbergi á heimavistinni.

Lögregla greinir frá því að árásarmaðurinn hafi flúið af vettvangi og stendur rannsókn á málinu enn yfir.

Annar hinna látnu, Earl Andrews, stundaði nám við skólann, en hinn, Monquiarious Caldwell, var ekki nemandi við skólann. Báðir voru þeir 23 ára gamlir.