Íslenski landsliðsþjálfarinn dáist að spilamennsku Hollands Kristinn Páll Teitsson skrifar 5. mars 2018 08:30 Vísir/Getty Íslenska kvennalandsliðið í knattspyrnu leikur síðasta leik sinn í riðlakeppninni á Algarve-mótinu í fótbolta í kvöld þegar þær mæta Evrópumeisturum Hollands í Parchal á Portúgal. Íslenska liðið er með eitt stig að tveimur umferðum loknum, eftir jafntefli í fyrstu umferð gegn Danmörku fylgdi svekkjandi 1-2 tap fyrir Japan þar sem klaufalegt sigurmark skildi liðin að á 85. mínútu. Stutt er síðan Ísland mætti Hollandi síðast en íslenska liðið fékk 0-4 skell þegar liðin mættust í vináttuleik ytra fyrir tæpu ári. Það var aðeins annar sigur Hollands gegn Íslandi í níundu tilraun.Allar klárar í slaginn Freyr Alexandersson, þjálfari íslenska landsliðsins, hefur vonandi úr öllum leikmannahópnum að velja í dag en Fanndís Friðriksdóttir er enn tæp vegna meiðsla og óvíst er með hana. Hann á von á því að setja leikinn upp á svipaðan hátt og gegn Danmörku, agaðan varnarleik og reyna að nýta færin þegar þau gefast. „Uppleggið verður svipað og gegn Dönum, sitja aðeins aftar og reyna að loka á sóknarleik þeirra þótt að þær séu í raun allt öðruvísi en Danir og Japanir sem við mættum í fyrstu tveimur leikjunum. Þær eru með tvo vængmenn í heimsklassa í þeim Shanice van de Sanden og Martens og við ætlum að prófa aðferðir til að reyna að loka á þær,“ sagði Freyr sem sagði það ekki eftirsóknarvert fyrir varnarmenn að mæta þeim einsamlir. „Þær eru svakalega hættulegar þegar þær fara á staka varnarmenn en við ætlum að reyna að koma í veg fyrir það og fá alltaf hjálparvörn strax til þess að engin sé skilin eftir ein á eina.“ Sagðist hann vera búinn að ákveða byrjunarliðið en eina spurningarmerkið væri Fanndís. „Ég geri ráð fyrir að gera 7-8 breytingar á liðinu sem byrjaði gegn Japan, ég tilkynnti liðinu áðan hvernig við ætlum að spila en það er ennþá smá óvissa með þátttöku Fanndísar. Hún er að ná sér en ég vill ekki taka neina óþarfa áhættu, við sjáum hvernig hún verður á morgun eftir góðan nætursvefn.“Ótrúlegur uppgangur Hollenska landsliðið er í fremstu röð eftir ótrúlegan uppgang undanfarin ár með Lieke Martens, leikmann Barcelona, í fararbroddi en hún var á dögunum valin besta knattspyrnukona heims, sú fyrsta frá Hollandi. Liðinu mistókst að komast á EM í fyrstu níu skiptin sem mótið var haldið en aðeins einu sinni hefur liðinu tekist að vinna sér inn þátttökurétt á HM (2015) þar sem það féll úr leik í 16-liða úrslitum. Á heimavelli var hins vegar komin liðsheild og lið sem gat farið alla leið en liðið skoraði 13 mörk í sex leikjum og fékk aðeins þrjú á sig á leiðinni að gullinu. Var þetta aðeins annað stórmótið sem þessi frábæra fótboltaþjóð vinnur í fótbolta, 29 árum eftir sigur karlaliðsins á EM í Vestur-Þýskalandi. Freyr hreifst af spilamennsku liðsins síðasta sumar og uppgangi landsliðsins á stuttum tíma. „Þær áttu fyllilega skilið að vinna þetta mót, það hjálpaði þeim auðvitað að vera á heimavelli en það getur líka unnið gegn liðinu. Þær náðu að skapa sterka liðsheild og eru góðar á báðum endum vallarins. Við erum algjörlega meðvituð um þeirra styrkleika en við erum að fara í þetta til að reyna að taka sem mest úr þessu og reyna að læra og þroskast,“ sagði Freyr og bætti við: „Uppgangurinn í kvennaknattspyrnu hjá þeim á stuttum tíma hefur verið hreint út sagt ótrúlegur, ég hef reynt að velta þessu fyrir mér, hvað þær gerðu til að verða svona ótrúlega góðar á svona stuttum tíma. Ég dáist líka að spilamennsku þeirra, þær þurfa ekkert endilega að klappa boltanum endalaust. Þær eru skilvirkar, vilja ekkert endilega halda bolta heldur spila áhrifaríkar sóknir. Þetta er að verða algengara í kvennaknattspyrnu og ég hrífst af þessari stefnu.“ Íslenski boltinn Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Ísland aldrei ofar á heimslistanum Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn „Var kominn með hausverk á hliðarlínunni“ Fótbolti Ólétt af Ólympíumeistara þegar hún stóð sjálf á verðlaunapallinum Sport Albert kynntur til leiks í Flórens Fótbolti Hótuðu sjónvarpskonu og ófæddu barni hennar Sport Finnst mjög óréttlátt að bronsið sé tekið af henni Sport Íslenska fánanum flaggað í Flórens til að fagna komu Alberts Fótbolti Fleiri fréttir Í beinni: Mallorca - Real Madrid | Fyrsti leikur Mbappé á Spáni Spánverji til Vestra þremur dögum eftir að glugginn lokaði Í beinni: Valur - Breiðalik | Bikarúrslitaleikur á Laugardalsvelli Í beinni: Manchester United - Fulham | Opnunarleikur ensku úrvalsdeildarinnar „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni Ótrúleg 34 skota vítakeppni í slag Íslendingaliða „Vorum ekki tilbúnar og það skrifast á þjálfarann“ Sjá meira
Íslenska kvennalandsliðið í knattspyrnu leikur síðasta leik sinn í riðlakeppninni á Algarve-mótinu í fótbolta í kvöld þegar þær mæta Evrópumeisturum Hollands í Parchal á Portúgal. Íslenska liðið er með eitt stig að tveimur umferðum loknum, eftir jafntefli í fyrstu umferð gegn Danmörku fylgdi svekkjandi 1-2 tap fyrir Japan þar sem klaufalegt sigurmark skildi liðin að á 85. mínútu. Stutt er síðan Ísland mætti Hollandi síðast en íslenska liðið fékk 0-4 skell þegar liðin mættust í vináttuleik ytra fyrir tæpu ári. Það var aðeins annar sigur Hollands gegn Íslandi í níundu tilraun.Allar klárar í slaginn Freyr Alexandersson, þjálfari íslenska landsliðsins, hefur vonandi úr öllum leikmannahópnum að velja í dag en Fanndís Friðriksdóttir er enn tæp vegna meiðsla og óvíst er með hana. Hann á von á því að setja leikinn upp á svipaðan hátt og gegn Danmörku, agaðan varnarleik og reyna að nýta færin þegar þau gefast. „Uppleggið verður svipað og gegn Dönum, sitja aðeins aftar og reyna að loka á sóknarleik þeirra þótt að þær séu í raun allt öðruvísi en Danir og Japanir sem við mættum í fyrstu tveimur leikjunum. Þær eru með tvo vængmenn í heimsklassa í þeim Shanice van de Sanden og Martens og við ætlum að prófa aðferðir til að reyna að loka á þær,“ sagði Freyr sem sagði það ekki eftirsóknarvert fyrir varnarmenn að mæta þeim einsamlir. „Þær eru svakalega hættulegar þegar þær fara á staka varnarmenn en við ætlum að reyna að koma í veg fyrir það og fá alltaf hjálparvörn strax til þess að engin sé skilin eftir ein á eina.“ Sagðist hann vera búinn að ákveða byrjunarliðið en eina spurningarmerkið væri Fanndís. „Ég geri ráð fyrir að gera 7-8 breytingar á liðinu sem byrjaði gegn Japan, ég tilkynnti liðinu áðan hvernig við ætlum að spila en það er ennþá smá óvissa með þátttöku Fanndísar. Hún er að ná sér en ég vill ekki taka neina óþarfa áhættu, við sjáum hvernig hún verður á morgun eftir góðan nætursvefn.“Ótrúlegur uppgangur Hollenska landsliðið er í fremstu röð eftir ótrúlegan uppgang undanfarin ár með Lieke Martens, leikmann Barcelona, í fararbroddi en hún var á dögunum valin besta knattspyrnukona heims, sú fyrsta frá Hollandi. Liðinu mistókst að komast á EM í fyrstu níu skiptin sem mótið var haldið en aðeins einu sinni hefur liðinu tekist að vinna sér inn þátttökurétt á HM (2015) þar sem það féll úr leik í 16-liða úrslitum. Á heimavelli var hins vegar komin liðsheild og lið sem gat farið alla leið en liðið skoraði 13 mörk í sex leikjum og fékk aðeins þrjú á sig á leiðinni að gullinu. Var þetta aðeins annað stórmótið sem þessi frábæra fótboltaþjóð vinnur í fótbolta, 29 árum eftir sigur karlaliðsins á EM í Vestur-Þýskalandi. Freyr hreifst af spilamennsku liðsins síðasta sumar og uppgangi landsliðsins á stuttum tíma. „Þær áttu fyllilega skilið að vinna þetta mót, það hjálpaði þeim auðvitað að vera á heimavelli en það getur líka unnið gegn liðinu. Þær náðu að skapa sterka liðsheild og eru góðar á báðum endum vallarins. Við erum algjörlega meðvituð um þeirra styrkleika en við erum að fara í þetta til að reyna að taka sem mest úr þessu og reyna að læra og þroskast,“ sagði Freyr og bætti við: „Uppgangurinn í kvennaknattspyrnu hjá þeim á stuttum tíma hefur verið hreint út sagt ótrúlegur, ég hef reynt að velta þessu fyrir mér, hvað þær gerðu til að verða svona ótrúlega góðar á svona stuttum tíma. Ég dáist líka að spilamennsku þeirra, þær þurfa ekkert endilega að klappa boltanum endalaust. Þær eru skilvirkar, vilja ekkert endilega halda bolta heldur spila áhrifaríkar sóknir. Þetta er að verða algengara í kvennaknattspyrnu og ég hrífst af þessari stefnu.“
Íslenski boltinn Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Ísland aldrei ofar á heimslistanum Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn „Var kominn með hausverk á hliðarlínunni“ Fótbolti Ólétt af Ólympíumeistara þegar hún stóð sjálf á verðlaunapallinum Sport Albert kynntur til leiks í Flórens Fótbolti Hótuðu sjónvarpskonu og ófæddu barni hennar Sport Finnst mjög óréttlátt að bronsið sé tekið af henni Sport Íslenska fánanum flaggað í Flórens til að fagna komu Alberts Fótbolti Fleiri fréttir Í beinni: Mallorca - Real Madrid | Fyrsti leikur Mbappé á Spáni Spánverji til Vestra þremur dögum eftir að glugginn lokaði Í beinni: Valur - Breiðalik | Bikarúrslitaleikur á Laugardalsvelli Í beinni: Manchester United - Fulham | Opnunarleikur ensku úrvalsdeildarinnar „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni Ótrúleg 34 skota vítakeppni í slag Íslendingaliða „Vorum ekki tilbúnar og það skrifast á þjálfarann“ Sjá meira