„Það er enginn sem segir að þurfi að fara nákvæmlega í einu og öllu eftir uppskriftum. Það er stórskemmtilegt að leika sér með bragðefnin til að prófa eitthvað nýtt,“ segir Carola Ida Köhler, tannsmiður, en hún sigraði smákökusamkeppni Kornax 2018 með gulli drifnum sítrónukökum sem hún kallar Hvít jól. Kökurnar urðu til eftir talsverðar tilraunir í eldhúsinu.
„Ég fann mér grunn og prófaði mig áfram, bætti við og tók út, varð glöð og fúl og loks sátt. Samt vantaði eitthvað svo ég ákvað að búa til fyllingu í kökurnar. Þá urðu þær hrikaleg góðar en ekki nógu fallegar. Ég hellti því yfir þær hvítu súkkulaði og stráði loks gullflögum yfir, þá vissi ég að þetta var komið!“
Lesendum gefst nú tækifæri á að spreyta sig í eldhúsinu en hér eru allar þrjár vinningsuppskriftirnar:
1 ¾ bolli KORNAX hveiti
½ tsk lyftiduft
¼ tsk salt
115 gr smjör (mjúkt)
½ bolli púðursykur
½ bolli sykur
1 egg
1 tsk vanilludropar
Rifið hýði af einni sítrónu
2 msk sítrónusafi
1 ½ bolli kókosflögur (muldar gróft)
100 gr hvítir súkkulaðidropar frá NÓA SIRÍUS
Fylling:
2 dl lemon curd
3 dl sætar kókosflögur (muldar gróft)
Súkkulaðihjúpur:
200 gr hvítir súkkulaðidropar frá NÓA SIRIUS
Aðferð:
Hitið ofninn í 180 °C, setjið kókosflögur á bökunarpappír í ofnskúffu og ristið í ofni í um.þ.b.. 5 mín. (Passið að brenna ekki, á að vera gullið á lit).
Hrærið mjúku smjöri og sykri saman, bætið við eggi, vanilludropum, rifnum sítrónuberki og sítrónusafa við deigið, hrærið þar til það hefur blandast vel saman. Þá er hveiti, lyftidufti og salti bætt við. Blandið að lokum kókosflögum og hvítu súkkulaði saman við.
Setjið inn í ísskáp í um.þ.b. 30 mín, búið til kúlur og setjið á bökunarpappír.
Þrýstið þumli í miðja kökuna til að búa til góða holu.
Hrærið saman lemon curd og kókosflögum í skál. Setjið þá góða teskeið af fyllingu í hverja köku og bakið í um.þ.b. 12 mín við 180°C. Kælið kökurnar.
Bræðið 200 gr af hvítum súkkulaðidropum frá NÓA SIRÍUS yfir vatnsbaði og setjið yfir hverja köku með teskeið. Skreytið að vild.
250 gr smjör við stofuhita
250 gr sykur
350 gr KORNAX hveiti
1 egg
Rifinn appelsínubörkur af tveimur appelsínum
Safi úr einni appelsínu
Ofan á kökurnar:
150 gr Konsum Orange frá NÓA SIRÍUS.
Rifinn appelsínubörkur af þremur appelsínum og möndluflögur.
Aðferð:
Hrærið smjör og sykur vel saman og bætið appelsínusafanum við, hveiti er þá bætt út í í smá skömmtum ásamt rifna berkinum.
Hnoðið vel saman. Rúllið í lengjur og kælið í um.þ.b. 2 klst.
Skerið í 1 cm þykkar sneiðar, bakið við 190°C í ca. 15 mínútur.
Kælið kökurnar.
Ofan á kökur:
Bræðið súkkulaði í örbylgjuofni í um.þ.b. eina mínútu.
Hitið ½ dl af vatni og 4 msk af sykri þar til það fer að þykkna.
Bætið þá rifna appelsínuberkinum saman við sykurblönduna og látið bíða um stund.
Samsetning:
Súkkulaði er sett á kökuna með teskeið, möndluflögum stráð yfir og örlítið af berkinum.
Kælið og njótið.
300 gr KORNAX hveiti
150 gr smjör
100 gr flórsykur
1 egg
Súkkulaði yfir köku:
100 gr Pralin frá NÓA SIRÍUS
Aðferð:
Setjið öll hráefnin saman í hrærivélaskál og hrærið þar til að deigið er næstum alveg hrært saman.
Hellið því á borðið og klárið að hnoða það saman með höndum.
Kælið í 30 mín.
Takið það úr kæli og fletjið út og skerið eins og þið vilji hafa það.
Setjið kökurnar á pappírsklædda ofnskúffu og bakið við 200°C í 6-8 mínútur.
Krem uppskrift:
250 gr flórsykur
250 gr smjör
100 gr Konsum Orange frá Nóa Siríus
Safi úr einni appelsínu
Aðferð:
Þeytið smjör þar til létt og ljóst.
Bætið flórsykri við og þeytið aðeins lengur.
Á meðan smjörkremið þeytist þá er gott að bræða súkkulaðið.
Þegar kremið og súkkulaðið er tilbúið kælið þá hvort tveggja í um.þ.b. 15 mínútur.
Hellið þá kældu súkkulaði út í kremið og hrærið, bætið þá safanum út í og hrærið örlítið lengur.
Sprautið kreminu á smákökuna og setjið inn í ísskáp.
Súkkulaði yfir köku:
Bræðið Pralin súkkulaði frá NÓA SIRÍUS yfir vatnsbaði og setjið yfir kökurnar.
