Breytingar í stjórn VÍS snerust um völd en ekki stefnu félagsins Þorbjörn Þórðarson skrifar 26. október 2018 12:15 Helga Hlín Hákonardóttir og Jón Sigurðsson (til vinstri) sögðu sig úr stjórn VÍS í gær vegna trúnaðarbrests. Svanhildur Nanna Vigfúsdóttir hafði áhuga á því að verða stjórnarformaður í félaginu að nýju en rannsókn á máli hennar hjá embætti héraðssaksóknara, vegna viðskipta með hlutabréf í Skeljungi hf., er ekki lokið. Vísir/Samsett mynd Enginn efnislegur ágreiningur var innan stjórnar VÍS um stefnu félagsins áður en tveir stjórnarmenn sögðu sig úr stjórn í gær og virðast breytingar innan stjórnar eingöngu snúast um völd. Lögmennirnir Helga Hlín Hákonardóttir og Jón Sigurðsson sögðu sig úr stjórn félagsins í gærkvöldi vegna trúnaðarbrests og ágreinings um verkaskiptingu innan stjórnar. Tilkynning um úrsögn þeirra barst í kjölfar stjórnarfundar í VÍS í gær en þar var lögð fram tillaga að breyttri verkaskiptingu innan stjórnar sem fól sér að Helga Hlín yrði að nýju varaformaður í stjórn en í hennar stað yrði Valdimar Svavarsson kjörinn formaður. Það var Morgunblaðið sem greindi fyrst frá þessu. Helga Hlín tók við formennsku í stjórn VÍS síðasta sumar þegar Svanhildur Nanna Vigfúsdóttir sagði sig frá stjórnarformennsku. Samkvæmt upplýsingum fréttastofu átti ágreiningur innan stjórnar VÍS rætur sínar í því að Svanhildur Nanna vildi verða stjórnarformaður að nýju í félaginu. Ljóst var að slík tillaga myndi ekki njóta stuðnings meirihluta stjórnar.Til rannsóknar hjá embætti héraðssaksóknara Svanhildur Nanna steig til hliðar sem stjórnarformaður hinn 1. júní síðastliðinn og var þá sagt í tilkynningu VÍS til Kauphallar Íslands að það væri vegna persónulegra ástæðna. Síðar kom í ljós að raunveruleg ástæða var sú staðreynd að viðskipti Svanhildar Nönnu og eiginmanns hennar, Guðmundar Arnar Þórðarsonar, með hlutabréf í Skeljungi og færeyska olíufélaginu P/F Magn eru til rannsóknar hjá embætti héraðssaksóknara og er þeirri rannsókn ekki lokið. Í yfirlýsingu þeirra hjóna frá 5. júní síðastliðnum kemur fram að Svanhildur Nanna ætli sér ekki að gegna stjórnarformennsku í VÍS á meðan rannsókn héraðssaksóknara stendur yfir. Ákvörðun um að taka aftur við stjórnarformennsku í félaginu á meðan rannsókn er ólokið hefði því gengið í berhögg við þessa yfirlýsingu. Valdimar Svavarsson, nýr stjórnarformaður VÍS, segir að eftir umræður í stjórn VÍS í gær hafi verið ljóst að Svanhildur Nanna yrði ekki formaður að nýju en hins vegar hafi meirihluta stjórnar þótt rétt að stjórn skipti með sér verkum og að Helga Hlín myndi hætta sem formaður. Valdimar Svavarsson, nýr stjórnarformaður VÍS, segir að enginn ágreiningur hafi verið innan stjórnar um stefnu félagsins.Vísir/VÍSVildu stilla upp réttu liðiHvers vegna þurfti að gera breytinar? Hvers vegna vilduð þið að Helga Hlín yrði ekki lengur stjórnarformaður? „Helga Hlín hafði fullan stuðning til að gegna embætti varaformanns og hún var kosin sem slíkur. Stjórn þótti rétt að stilla upp liði sem menn töldu að myndi virka best. Það var skoðun manna og einlæg ósk að Helga Hlín myndi áfram gegn embætti varaformanns en ég kæmi inn sem formaður í staðinn,“ segir Valdimar. En hvers vegna þurfti að gera breytingar? „Það er nú þannig í starfsreglum að stjórn þarf að vera skipuð bæði formanni og varaformanni. Undir þessum kringumstæðum var í raun enginn kosinn formaður af því Svanhildur ætlaði ekki að stíga inn aftur sem formaður og þá þurfti að fara í þessar breytingar.“Er samt ekki rétt að það var ekki stuðningur innan stjórnarinnar við það að Svanhildur Nanna yrði stjórnarformaður að nýju því rannsókn á máli hennar hjá embætti héraðssaksóknara er ekki lokið? „Það er fullur stuðningur við Svanhildi til setu í stjórn. Það var engin afstaða tekin til þess hvort hún ætti að koma inn sem stjórnarformaður eða ekki. Það var hennar ákvörðun að hún vildi ekki gera það með hagsmuni félagsins og síns sjálfs að leiðarljósi.“Var einhver ágreiningur á milli ykkar og Helgu Hlínar um stefnuna sem gerði það að verkum að það þurfti að breyta verkaskiptingu innan stjórnar? „Nei, það var enginn ágreiningur um þessi meginmál sem við höfum verið að vinna að síðustu ár og hefur skilað sér, til dæmis, í mjög góðu uppgjöri félagsins í fyrradag. Það er góður gangur í félaginu. Félagið er að ganga í gegnum miklar breytingar og það hefur verið full samstaða og einhugur um þær. Þetta snýst bara um skiptingu verka og ekkert annað. Það er ekkert persónulegt í því. Þetta snýst bara, eins og ég sagði áðan, um það þegar stillt er upp liði þá stillir fólk upp því liði sem það telur vænlegast til árangurs,“ segir Valdimar Svavarsson, nýr stjórnarformaður VÍS. Samkvæmt upplýsingum fréttastofu hafði enginn ágreiningur komið upp innan stjórnar VÍS um stefnu félagsins eða ákvarðanir. Þá ríkti samstaða og einhugur innan stjórnar um stjórnendur félagsins. Virðist ákvörðun um verkaskiptingu aðallega snúast um völd. Meirihluti stjórnar vildi ekki að óháður stjórnarmaður eins og Helga Hlín gegndi embætti stjórnarformennsku í félaginu. Tengdar fréttir Félag Svanhildar hagnast um 464 milljónir Félag Svanhildar Nönnu Vigfúsdóttur fjárfestis skilaði ríflega 464 milljóna króna hagnaði í fyrra, samkvæmt nýbirtum ársreikningi félagsins, K2B fjárfestinga ehf 17. október 2018 08:30 Helga Hlín og Jón segja sig úr stjórn VÍS eftir deilur Þetta kemur fram í yfirlýsingu frá stjórnarformanni VÍS. 26. október 2018 06:43 Mest lesið Verðfall á Wall Street Viðskipti erlent Leiðtogar ESB íhuga háa sekt á X og Musk Viðskipti erlent Talaði gegn eigin ráðgjöfum um tollana Viðskipti erlent Guðmundur í Brimi nýr formaður Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Eldrauð Kauphöll: Bandaríkjamenn horfi fram á lakari lífskjör Viðskipti innlent Sættast við Fjármálaeftirlitið og greiða fimmtán milljóna sekt Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Kristjana til ÍSÍ Viðskipti innlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Fleiri fréttir Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Sjá meira
Enginn efnislegur ágreiningur var innan stjórnar VÍS um stefnu félagsins áður en tveir stjórnarmenn sögðu sig úr stjórn í gær og virðast breytingar innan stjórnar eingöngu snúast um völd. Lögmennirnir Helga Hlín Hákonardóttir og Jón Sigurðsson sögðu sig úr stjórn félagsins í gærkvöldi vegna trúnaðarbrests og ágreinings um verkaskiptingu innan stjórnar. Tilkynning um úrsögn þeirra barst í kjölfar stjórnarfundar í VÍS í gær en þar var lögð fram tillaga að breyttri verkaskiptingu innan stjórnar sem fól sér að Helga Hlín yrði að nýju varaformaður í stjórn en í hennar stað yrði Valdimar Svavarsson kjörinn formaður. Það var Morgunblaðið sem greindi fyrst frá þessu. Helga Hlín tók við formennsku í stjórn VÍS síðasta sumar þegar Svanhildur Nanna Vigfúsdóttir sagði sig frá stjórnarformennsku. Samkvæmt upplýsingum fréttastofu átti ágreiningur innan stjórnar VÍS rætur sínar í því að Svanhildur Nanna vildi verða stjórnarformaður að nýju í félaginu. Ljóst var að slík tillaga myndi ekki njóta stuðnings meirihluta stjórnar.Til rannsóknar hjá embætti héraðssaksóknara Svanhildur Nanna steig til hliðar sem stjórnarformaður hinn 1. júní síðastliðinn og var þá sagt í tilkynningu VÍS til Kauphallar Íslands að það væri vegna persónulegra ástæðna. Síðar kom í ljós að raunveruleg ástæða var sú staðreynd að viðskipti Svanhildar Nönnu og eiginmanns hennar, Guðmundar Arnar Þórðarsonar, með hlutabréf í Skeljungi og færeyska olíufélaginu P/F Magn eru til rannsóknar hjá embætti héraðssaksóknara og er þeirri rannsókn ekki lokið. Í yfirlýsingu þeirra hjóna frá 5. júní síðastliðnum kemur fram að Svanhildur Nanna ætli sér ekki að gegna stjórnarformennsku í VÍS á meðan rannsókn héraðssaksóknara stendur yfir. Ákvörðun um að taka aftur við stjórnarformennsku í félaginu á meðan rannsókn er ólokið hefði því gengið í berhögg við þessa yfirlýsingu. Valdimar Svavarsson, nýr stjórnarformaður VÍS, segir að eftir umræður í stjórn VÍS í gær hafi verið ljóst að Svanhildur Nanna yrði ekki formaður að nýju en hins vegar hafi meirihluta stjórnar þótt rétt að stjórn skipti með sér verkum og að Helga Hlín myndi hætta sem formaður. Valdimar Svavarsson, nýr stjórnarformaður VÍS, segir að enginn ágreiningur hafi verið innan stjórnar um stefnu félagsins.Vísir/VÍSVildu stilla upp réttu liðiHvers vegna þurfti að gera breytinar? Hvers vegna vilduð þið að Helga Hlín yrði ekki lengur stjórnarformaður? „Helga Hlín hafði fullan stuðning til að gegna embætti varaformanns og hún var kosin sem slíkur. Stjórn þótti rétt að stilla upp liði sem menn töldu að myndi virka best. Það var skoðun manna og einlæg ósk að Helga Hlín myndi áfram gegn embætti varaformanns en ég kæmi inn sem formaður í staðinn,“ segir Valdimar. En hvers vegna þurfti að gera breytingar? „Það er nú þannig í starfsreglum að stjórn þarf að vera skipuð bæði formanni og varaformanni. Undir þessum kringumstæðum var í raun enginn kosinn formaður af því Svanhildur ætlaði ekki að stíga inn aftur sem formaður og þá þurfti að fara í þessar breytingar.“Er samt ekki rétt að það var ekki stuðningur innan stjórnarinnar við það að Svanhildur Nanna yrði stjórnarformaður að nýju því rannsókn á máli hennar hjá embætti héraðssaksóknara er ekki lokið? „Það er fullur stuðningur við Svanhildi til setu í stjórn. Það var engin afstaða tekin til þess hvort hún ætti að koma inn sem stjórnarformaður eða ekki. Það var hennar ákvörðun að hún vildi ekki gera það með hagsmuni félagsins og síns sjálfs að leiðarljósi.“Var einhver ágreiningur á milli ykkar og Helgu Hlínar um stefnuna sem gerði það að verkum að það þurfti að breyta verkaskiptingu innan stjórnar? „Nei, það var enginn ágreiningur um þessi meginmál sem við höfum verið að vinna að síðustu ár og hefur skilað sér, til dæmis, í mjög góðu uppgjöri félagsins í fyrradag. Það er góður gangur í félaginu. Félagið er að ganga í gegnum miklar breytingar og það hefur verið full samstaða og einhugur um þær. Þetta snýst bara um skiptingu verka og ekkert annað. Það er ekkert persónulegt í því. Þetta snýst bara, eins og ég sagði áðan, um það þegar stillt er upp liði þá stillir fólk upp því liði sem það telur vænlegast til árangurs,“ segir Valdimar Svavarsson, nýr stjórnarformaður VÍS. Samkvæmt upplýsingum fréttastofu hafði enginn ágreiningur komið upp innan stjórnar VÍS um stefnu félagsins eða ákvarðanir. Þá ríkti samstaða og einhugur innan stjórnar um stjórnendur félagsins. Virðist ákvörðun um verkaskiptingu aðallega snúast um völd. Meirihluti stjórnar vildi ekki að óháður stjórnarmaður eins og Helga Hlín gegndi embætti stjórnarformennsku í félaginu.
Tengdar fréttir Félag Svanhildar hagnast um 464 milljónir Félag Svanhildar Nönnu Vigfúsdóttur fjárfestis skilaði ríflega 464 milljóna króna hagnaði í fyrra, samkvæmt nýbirtum ársreikningi félagsins, K2B fjárfestinga ehf 17. október 2018 08:30 Helga Hlín og Jón segja sig úr stjórn VÍS eftir deilur Þetta kemur fram í yfirlýsingu frá stjórnarformanni VÍS. 26. október 2018 06:43 Mest lesið Verðfall á Wall Street Viðskipti erlent Leiðtogar ESB íhuga háa sekt á X og Musk Viðskipti erlent Talaði gegn eigin ráðgjöfum um tollana Viðskipti erlent Guðmundur í Brimi nýr formaður Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Eldrauð Kauphöll: Bandaríkjamenn horfi fram á lakari lífskjör Viðskipti innlent Sættast við Fjármálaeftirlitið og greiða fimmtán milljóna sekt Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Kristjana til ÍSÍ Viðskipti innlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Fleiri fréttir Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Sjá meira
Félag Svanhildar hagnast um 464 milljónir Félag Svanhildar Nönnu Vigfúsdóttur fjárfestis skilaði ríflega 464 milljóna króna hagnaði í fyrra, samkvæmt nýbirtum ársreikningi félagsins, K2B fjárfestinga ehf 17. október 2018 08:30
Helga Hlín og Jón segja sig úr stjórn VÍS eftir deilur Þetta kemur fram í yfirlýsingu frá stjórnarformanni VÍS. 26. október 2018 06:43