Það er mín ástríða að taka þátt í uppbyggingarstarfi Kolbrún Bergþórsdóttir skrifar 14. ágúst 2019 07:00 Ég kann gríðarlega vel við mig í starfinu, sem er bæði skemmtilegt og gefandi, segir Marta. Fréttablaðið/Sigtryggur Ari Nýtt leikár er um það bil að hefjast hjá Leikfélagi Akureyrar. Vel tókst til á síðasta ári en tvær af þremur sýningum leikfélagsins fengu tilnefningar til Grímunnar, söngleikurinn Kabarett og íslenski barnasöngleikurinn Gallsteinar afa Gissa. „Við tókum stór skref og fengum mikinn meðbyr og góðar viðtökur. Við sviðsettum líka í samstarfi við Listaháskólann útskriftarverkefni leikarabrautar, leikritið Mutter Courage eftir Bertolt Brecht. Þannig að við vorum mjög stórhuga,“ segir Marta Nordal leikhússtjóri. Hún segir æskuna og unga fólkið vera þema næsta leikárs. „Við erum ýmist með verk sem ungt fólk leikur í, er fyrir ungt fólk eða um ungt fólk. Okkur langar til að fá ungu kynslóðina í leikhús og tala til hennar sérstaklega, hún er okkar framtíð. Við erum nýbúin að stofna unglingaleikhús sem er afrakstur leiklistarskóla sem við starfrækjum. Þetta er spennandi verkefni sem er þróað í samvinnu við leikhópinn sem er skipaður sjö ungum stúlkum. Í verkinu, sem frumsýnt verður núna í ágúst, er fjallað um þær áskoranir sem felast í því að vera unglingur í dag; samfélagsmiðla, kvíða, líkamsvitund, kynhneigð og svo framvegis. Við höfum háleitar hugmyndir um þetta verkefni, okkur langar til að það fari víða og tali til sem flestra. Síðan erum við með verkefni sem heitir Þjóðsögur og er stórt samstarfsverkefni við leikhópinn Umskiptinga. Þetta er leikverk fyrir krakka um þjóðsagnaarfinn okkar, litríkt og fjörugt. Það verður frumflutt í lok september.“Unga fólkið fórnarlömbin Stærsta sýning leikársins er Vorið vaknar, söngleikur fyrir unglinga sem er byggður á leikriti eftir Frank Wedekind frá árinu 1891. „Ég lék í þessu verki í Borgarleikhúsinu á sínum tíma en þar er fjallað um unglinga á 19. öld í afturhaldssömu og stöðnuðu þjóðfélagi. Þetta er söngleikur, sem gerður er eftir verkinu, sló í gegn og vann Tony-verðlaun árið 2007 sem besti söngleikurinn. Hópur nýútskrifaðra leikara tekur þátt í sýningunni. Við héldum opnar prufur fyrir söngleikinn í vor bæði á Akureyri og í Reykjavík og fengum margt hæfileikaríkt ungt fólk til okkar sem hefur haft fá tækifæri til að sýna sig hingað til þar sem opnar prufur eru ekki algengar í Reykjavík. Ég er því mjög stolt af þessu framtaki,“ segir Marta. Unga fólkið verður sem sagt í forgrunni hjá Leikfélagi Akureyrar. „Við erum að fjalla um unga fólkið í dag, á Akureyri, með öllum þeim áskorunum á samfélagsmiðlum og áreiti sem það upplifir í okkar samtíma og síðan fjöllum við um unglingana á 19. öldinni í Vín í mjög ströngu og kreddufullu samfélagi afturhaldssamra sjónarmiða. Það er áhugavert fyrir alla að skoða hve miklar breytingar hafa orðið á samfélaginu á þessum tíma og endurspeglast í þessum sýningum, unga fólkið er að vissu leyti fórnarlömbin, að minnsta kosti í Vorið vaknar þar sem feðraveldið er í algleymingi með tilheyrandi kúgun. Áhorfendur í dag geta þó speglað sig í báðum sýningum því einu sinni erum við jú öll börn og manneskjan breytist ekki svo mikið í grunninn. Stöðug undirmönnum Marta er nú á öðru ári sínu sem leikhússtjóri félagsins. „Ég kann gríðarlega vel við mig í starfinu, sem er bæði skemmtilegt og gefandi. Ég hef lært mikið á þessum tíma sem ég tek nú með mér inn í leikárið. Ég er líka að vinna með frábæru fólki. Mín ástríða er að taka þátt í uppbyggingarstarfi, efla íslenska leiklist og hafa áhrif á framþróun og nú reynir öðruvísi á mig en þegar ég var að leikstýra. Ég er að leiða saman fólk og styðja við verkefni og mér finnst það alveg sérstaklega gefandi.“ Spurð um fjárhagsgrundvöll leikhússins segir Marta: „Við erum með þriggja ára samning við bæinn sem byggir á menningarstyrk frá ríkinu. Við getum ekki byggt upp fastan leikhóp með þetta fjármagn og erum alltaf undirmönnuð. Þegar kemur að fjárveitingum er hrópandi ósamræmi á milli okkar og stóru leikhúsanna í Reykjavík. Þetta þarf að skoða ef ætlunin er að vera með blómlega menningu annars staðar en í Reykjavík og það hljótum við öll að vilja, ekki satt?“ Akureyri Birtist í Fréttablaðinu Leikhús Mest lesið María Thelma og Steinar Thors héldu brúðkaup ársins Lífið Flautað á dúfurnar á Eyrarbakka og þær koma heim Lífið Fréttatía vikunnar: Pólitík, andlát og bíó Lífið „Hugleikið hver fær að stunda kynlíf og hver ekki“ Tónlist Er alltaf hrædd Lífið Þetta eru höfundar Áramótaskaupsins 2024 Lífið Faðir Payne las minningarorð og þakkaði aðdáendum Lífið Cheryl kvartar yfir fjölmiðlaumfjöllun um Liam Payne Lífið Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Fleiri fréttir Stappfullt á eina stærstu menningarhátíð ársins Sjóðheitt menningarrými á Baldursgötu Asifa Majid hlýtur Vigdísarverðlaunin 2024 Bjarni Ben fagnaði 140 ára afmæli Listasafns Íslands Han Kang hlýtur bókmenntaverðlaun Nóbels Bein útsending: Hver hlýtur bókmenntaverðlaun Nóbels? „Þetta er móðgun gegn Íslandi“ Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Nýtt leikár er um það bil að hefjast hjá Leikfélagi Akureyrar. Vel tókst til á síðasta ári en tvær af þremur sýningum leikfélagsins fengu tilnefningar til Grímunnar, söngleikurinn Kabarett og íslenski barnasöngleikurinn Gallsteinar afa Gissa. „Við tókum stór skref og fengum mikinn meðbyr og góðar viðtökur. Við sviðsettum líka í samstarfi við Listaháskólann útskriftarverkefni leikarabrautar, leikritið Mutter Courage eftir Bertolt Brecht. Þannig að við vorum mjög stórhuga,“ segir Marta Nordal leikhússtjóri. Hún segir æskuna og unga fólkið vera þema næsta leikárs. „Við erum ýmist með verk sem ungt fólk leikur í, er fyrir ungt fólk eða um ungt fólk. Okkur langar til að fá ungu kynslóðina í leikhús og tala til hennar sérstaklega, hún er okkar framtíð. Við erum nýbúin að stofna unglingaleikhús sem er afrakstur leiklistarskóla sem við starfrækjum. Þetta er spennandi verkefni sem er þróað í samvinnu við leikhópinn sem er skipaður sjö ungum stúlkum. Í verkinu, sem frumsýnt verður núna í ágúst, er fjallað um þær áskoranir sem felast í því að vera unglingur í dag; samfélagsmiðla, kvíða, líkamsvitund, kynhneigð og svo framvegis. Við höfum háleitar hugmyndir um þetta verkefni, okkur langar til að það fari víða og tali til sem flestra. Síðan erum við með verkefni sem heitir Þjóðsögur og er stórt samstarfsverkefni við leikhópinn Umskiptinga. Þetta er leikverk fyrir krakka um þjóðsagnaarfinn okkar, litríkt og fjörugt. Það verður frumflutt í lok september.“Unga fólkið fórnarlömbin Stærsta sýning leikársins er Vorið vaknar, söngleikur fyrir unglinga sem er byggður á leikriti eftir Frank Wedekind frá árinu 1891. „Ég lék í þessu verki í Borgarleikhúsinu á sínum tíma en þar er fjallað um unglinga á 19. öld í afturhaldssömu og stöðnuðu þjóðfélagi. Þetta er söngleikur, sem gerður er eftir verkinu, sló í gegn og vann Tony-verðlaun árið 2007 sem besti söngleikurinn. Hópur nýútskrifaðra leikara tekur þátt í sýningunni. Við héldum opnar prufur fyrir söngleikinn í vor bæði á Akureyri og í Reykjavík og fengum margt hæfileikaríkt ungt fólk til okkar sem hefur haft fá tækifæri til að sýna sig hingað til þar sem opnar prufur eru ekki algengar í Reykjavík. Ég er því mjög stolt af þessu framtaki,“ segir Marta. Unga fólkið verður sem sagt í forgrunni hjá Leikfélagi Akureyrar. „Við erum að fjalla um unga fólkið í dag, á Akureyri, með öllum þeim áskorunum á samfélagsmiðlum og áreiti sem það upplifir í okkar samtíma og síðan fjöllum við um unglingana á 19. öldinni í Vín í mjög ströngu og kreddufullu samfélagi afturhaldssamra sjónarmiða. Það er áhugavert fyrir alla að skoða hve miklar breytingar hafa orðið á samfélaginu á þessum tíma og endurspeglast í þessum sýningum, unga fólkið er að vissu leyti fórnarlömbin, að minnsta kosti í Vorið vaknar þar sem feðraveldið er í algleymingi með tilheyrandi kúgun. Áhorfendur í dag geta þó speglað sig í báðum sýningum því einu sinni erum við jú öll börn og manneskjan breytist ekki svo mikið í grunninn. Stöðug undirmönnum Marta er nú á öðru ári sínu sem leikhússtjóri félagsins. „Ég kann gríðarlega vel við mig í starfinu, sem er bæði skemmtilegt og gefandi. Ég hef lært mikið á þessum tíma sem ég tek nú með mér inn í leikárið. Ég er líka að vinna með frábæru fólki. Mín ástríða er að taka þátt í uppbyggingarstarfi, efla íslenska leiklist og hafa áhrif á framþróun og nú reynir öðruvísi á mig en þegar ég var að leikstýra. Ég er að leiða saman fólk og styðja við verkefni og mér finnst það alveg sérstaklega gefandi.“ Spurð um fjárhagsgrundvöll leikhússins segir Marta: „Við erum með þriggja ára samning við bæinn sem byggir á menningarstyrk frá ríkinu. Við getum ekki byggt upp fastan leikhóp með þetta fjármagn og erum alltaf undirmönnuð. Þegar kemur að fjárveitingum er hrópandi ósamræmi á milli okkar og stóru leikhúsanna í Reykjavík. Þetta þarf að skoða ef ætlunin er að vera með blómlega menningu annars staðar en í Reykjavík og það hljótum við öll að vilja, ekki satt?“
Akureyri Birtist í Fréttablaðinu Leikhús Mest lesið María Thelma og Steinar Thors héldu brúðkaup ársins Lífið Flautað á dúfurnar á Eyrarbakka og þær koma heim Lífið Fréttatía vikunnar: Pólitík, andlát og bíó Lífið „Hugleikið hver fær að stunda kynlíf og hver ekki“ Tónlist Er alltaf hrædd Lífið Þetta eru höfundar Áramótaskaupsins 2024 Lífið Faðir Payne las minningarorð og þakkaði aðdáendum Lífið Cheryl kvartar yfir fjölmiðlaumfjöllun um Liam Payne Lífið Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Fleiri fréttir Stappfullt á eina stærstu menningarhátíð ársins Sjóðheitt menningarrými á Baldursgötu Asifa Majid hlýtur Vigdísarverðlaunin 2024 Bjarni Ben fagnaði 140 ára afmæli Listasafns Íslands Han Kang hlýtur bókmenntaverðlaun Nóbels Bein útsending: Hver hlýtur bókmenntaverðlaun Nóbels? „Þetta er móðgun gegn Íslandi“ Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira