Símtölin streyma að norðan en Gary neitar að gefast upp Kolbeinn Tumi Daðason skrifar 15. maí 2019 11:00 Gary skrifaði undir þriggja ára samning við Val í upphafi árs. Vísir/Vilhelm Knattspyrnumaðurinn Gary Martin segir það hafa verið mikið áfall fyrir sig að fá þau skilaboð að krafta hans væri ekki lengur óskað hjá Íslandsmeisturm Vals. KA hefur reynt hvað það getur að fá Gary í sínar herbúðir en félagaskiptaglugganum verður lokað í dag. Gary er áhugasamur en segir tímasetninguna ekki henta. „Nema það verði einhverjar ótrúlegar sviptingar þá verð ég áfram leikmaður Vals. Allavega fram í júlí,“ segir framherjinn markheppni. Gary hefur skorað tvö mörk í þremur leikjum Íslandsmeistara Vals í fyrstu þremur umferðunum en þau hafa ekki dugað nema til eins stigs af níu mögulegum. Byrjun Valsmanna mætti líkja við hörmungar en þeim var spáð titlinum af svo til öllum enda með gríðarlega sterkan leikmannahóp. Gary fékk þau tíðindi á mánudag frá Ólafi Jóhannessyni að hann væri að horfa í kringum sig eftir nýjum framherja. „Það kom mér mjög á óvart en ég hugsaði að það væri allt í lagi ef sá væri ekki alveg eins og ég. Eins og Guðmundur Hafsteinsson, stór og stæðilegur, sem hefur aðra kosti. Svo höfum við náttúrulega Garðar (Gunnlaugsson),“ segir Gary.Ólafur Jóhannesson, þjálfari Vals, ásamt Sigurbirni Hreiðarssyni og Kristófer Sigurgeirssyni aðstoðarmönnum sínum.Vísir/Bára Dröfn KristinsdóttirDaginn eftir voru skilaboðin orðin önnur. Ólafur þjálfari vildi losna við Gary. Hann hentaði ekki leikstíl Valsmanna. „Ég var að koma og er ekki að fara,“ segir Gary. Hann fer ekki í neinar grafgötur að áfallið hafi verið mikið. Gærdagurinn hafi verið mjög langur. Hann hafi fengið nokkur símtöl en vilji flýta sér hægt. „KA hefur hringt töluvert í mig og verið mjög áhugasamir,“ segir Gary. Það henti honum bara ekki vel þessa stundina. Kærasta hans sé væntanleg frá Englandi eftir nokkra daga. Hann geti ekki boðið kærustunni upp á frekara ferðalag eftir flug og rútu til Reykjavíkur. Flug eða bílferð til Akureyrar, fram og til baka, sé ekki hægt að bjóða henni. Gary skrifaði undir þriggja ára samning við Val í upphafi árs og ætlaði sér stóra hluti. „Ég gaf það upp á bátinn að spila erlendis af því ég vildi finna hamingjuna aftur,“ segir Gary um ástæðu þess að hann kom aftur til Íslands. Maður fatti ekki hvað lífið sé gott á Íslandi fyrr en maður yfirgefur landið. Hér spilaði hann með ÍA, KR og Víkingum við fínan orðstír áður en hann hélt utan til Belgíu og Noregs.Gary er hann skrifaði undir samninginn við Val.vísir/esá„Ég vildi koma til besta liðsins. Ég ræddi líka við önnur lið en valdi Val,“ segir Gary. Hann sé þó meðvitaður um hlutverk sitt sem atvinnumaður í knattspyrnuliði. „Ég fæ borgað fyrir að vinna vinnuna mína. Ef hlutverk mitt er að sitja á bekknum þá geri ég það.“ Gary Martin hefur vakið athygli í gegnum tíðina fyrir að vera stórorður. Lét hann ýmiss orð falla á sínum tíma á Akranesi sem hann myndi ekki segja í dag. Hann nefnir að hann standi betur að vígi núna en áður til að mæta svona áfalli. „Ég mætti á æfingu í gær syngjandi og fleiri tóku undir. Fyrir fjórum árum hefði ég mætt og ekki sagt neitt við neinn. Allir voru hlæjandi,“ segir Gary. Hann hafi merkt stuðning hjá liðsfélögum sínum sem hafi stutt hann með orðum. Það hafi skipt hann miklu máli. Hann ætli sannarlega ekkert á láni en viti að félagaskiptagluggadagurinn geti verið langur og ýmislegt gerst. Hann reiknar þó ekki með að fara neitt. Verði hann enn ekki inni í plönum Ólafs þjálfara í júlí, þegar glugginn verður opnaður, muni hann horfa í kringum sig.Hannes Þór Halldórsson var á meðal leikmanna sem Valur fékk til sín fyrir tímabilið.Vísir/Vilhelm„Ég fer klárlega ekkert í þessum glugga. Ég er með þriggja ára samning og ekkert að flýta mér að fara hvert sem er.“ Hann segir ýmislegt spila inn í að ekki hafi gengið sem skildi. Erfitt sé að vera framherji í liði sem spili með þrjá varnarsinnaða miðjumenn. Þá er hann sannfærður um að endurkoma Kristins Freys Sigurðssonar muni breyta miklu. „Kristinn Freyr gerir mig að betri leikmanni.“ Ólafur þjálfari hafi sagt að Gary passi ekki leikstíl Vals. Nú sé hans að sanna fyrir þjálfaranum að hann hafi rangt fyrir sér. Ólafur Karl Finsen, liðsfélagi Gary, birti myndband af þeim vinununum á Twitter seint í gærkvöldi. Um var að ræða atriði úr Wolf of Wall Street þar sem Leonardo Di Caprio, í hlutverki Jordan Belfort, öskrar útúrdópaður að hann sé ekki á förum. Táknrænt fyrir stöðuna hjá Gary í dag. „Við horfðum á myndina fram að þessu atriði. Þá var ég orðinn of þreyttur og fór að sofa,“ segir Englendingurinn 29 ára og hlær. Valur er á botni deildarinnar ásamt HK og ÍBV með eitt stig eftir þrjá leiki. Hlíðarendapiltar sækja Fylki heim í Lautina annað kvöld og verður fróðlegt að sjá hvort Gary Martin byrji inn á eða verði á bekknum. Ólafur Jóhanesson, þjálfari Vals, segist ekki hafa hugmynd um hvað dagurinn beri í skauti sér í viðtali á Vísi @G9bov pic.twitter.com/fBov3VKv5G— Ólafur Karl Finsen (@olikalli17) May 14, 2019 Pepsi Max-deild karla Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Telur að Valsmenn nenni ekki að dansa tangóinn hans Túfa til lengdar Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Sjáðu glæsimörk táninga og Helga koma Víkingi á toppinn Heimir „hæstánægður með FH-liðið“ eftir 3-0 tap Uppgjörið: Víkingur - FH 3-0 | Meistararnir ekki í vandræðum í Víkinni „Draumur að spila fyrir uppeldisfélagið“ Uppgjörið: KA - HK 3-3 | Bikarþynnka í heimamönnum Óvíst hvort Tryggvi Hrafn verði meira með Val á leiktíðinni Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Sjá meira
Knattspyrnumaðurinn Gary Martin segir það hafa verið mikið áfall fyrir sig að fá þau skilaboð að krafta hans væri ekki lengur óskað hjá Íslandsmeisturm Vals. KA hefur reynt hvað það getur að fá Gary í sínar herbúðir en félagaskiptaglugganum verður lokað í dag. Gary er áhugasamur en segir tímasetninguna ekki henta. „Nema það verði einhverjar ótrúlegar sviptingar þá verð ég áfram leikmaður Vals. Allavega fram í júlí,“ segir framherjinn markheppni. Gary hefur skorað tvö mörk í þremur leikjum Íslandsmeistara Vals í fyrstu þremur umferðunum en þau hafa ekki dugað nema til eins stigs af níu mögulegum. Byrjun Valsmanna mætti líkja við hörmungar en þeim var spáð titlinum af svo til öllum enda með gríðarlega sterkan leikmannahóp. Gary fékk þau tíðindi á mánudag frá Ólafi Jóhannessyni að hann væri að horfa í kringum sig eftir nýjum framherja. „Það kom mér mjög á óvart en ég hugsaði að það væri allt í lagi ef sá væri ekki alveg eins og ég. Eins og Guðmundur Hafsteinsson, stór og stæðilegur, sem hefur aðra kosti. Svo höfum við náttúrulega Garðar (Gunnlaugsson),“ segir Gary.Ólafur Jóhannesson, þjálfari Vals, ásamt Sigurbirni Hreiðarssyni og Kristófer Sigurgeirssyni aðstoðarmönnum sínum.Vísir/Bára Dröfn KristinsdóttirDaginn eftir voru skilaboðin orðin önnur. Ólafur þjálfari vildi losna við Gary. Hann hentaði ekki leikstíl Valsmanna. „Ég var að koma og er ekki að fara,“ segir Gary. Hann fer ekki í neinar grafgötur að áfallið hafi verið mikið. Gærdagurinn hafi verið mjög langur. Hann hafi fengið nokkur símtöl en vilji flýta sér hægt. „KA hefur hringt töluvert í mig og verið mjög áhugasamir,“ segir Gary. Það henti honum bara ekki vel þessa stundina. Kærasta hans sé væntanleg frá Englandi eftir nokkra daga. Hann geti ekki boðið kærustunni upp á frekara ferðalag eftir flug og rútu til Reykjavíkur. Flug eða bílferð til Akureyrar, fram og til baka, sé ekki hægt að bjóða henni. Gary skrifaði undir þriggja ára samning við Val í upphafi árs og ætlaði sér stóra hluti. „Ég gaf það upp á bátinn að spila erlendis af því ég vildi finna hamingjuna aftur,“ segir Gary um ástæðu þess að hann kom aftur til Íslands. Maður fatti ekki hvað lífið sé gott á Íslandi fyrr en maður yfirgefur landið. Hér spilaði hann með ÍA, KR og Víkingum við fínan orðstír áður en hann hélt utan til Belgíu og Noregs.Gary er hann skrifaði undir samninginn við Val.vísir/esá„Ég vildi koma til besta liðsins. Ég ræddi líka við önnur lið en valdi Val,“ segir Gary. Hann sé þó meðvitaður um hlutverk sitt sem atvinnumaður í knattspyrnuliði. „Ég fæ borgað fyrir að vinna vinnuna mína. Ef hlutverk mitt er að sitja á bekknum þá geri ég það.“ Gary Martin hefur vakið athygli í gegnum tíðina fyrir að vera stórorður. Lét hann ýmiss orð falla á sínum tíma á Akranesi sem hann myndi ekki segja í dag. Hann nefnir að hann standi betur að vígi núna en áður til að mæta svona áfalli. „Ég mætti á æfingu í gær syngjandi og fleiri tóku undir. Fyrir fjórum árum hefði ég mætt og ekki sagt neitt við neinn. Allir voru hlæjandi,“ segir Gary. Hann hafi merkt stuðning hjá liðsfélögum sínum sem hafi stutt hann með orðum. Það hafi skipt hann miklu máli. Hann ætli sannarlega ekkert á láni en viti að félagaskiptagluggadagurinn geti verið langur og ýmislegt gerst. Hann reiknar þó ekki með að fara neitt. Verði hann enn ekki inni í plönum Ólafs þjálfara í júlí, þegar glugginn verður opnaður, muni hann horfa í kringum sig.Hannes Þór Halldórsson var á meðal leikmanna sem Valur fékk til sín fyrir tímabilið.Vísir/Vilhelm„Ég fer klárlega ekkert í þessum glugga. Ég er með þriggja ára samning og ekkert að flýta mér að fara hvert sem er.“ Hann segir ýmislegt spila inn í að ekki hafi gengið sem skildi. Erfitt sé að vera framherji í liði sem spili með þrjá varnarsinnaða miðjumenn. Þá er hann sannfærður um að endurkoma Kristins Freys Sigurðssonar muni breyta miklu. „Kristinn Freyr gerir mig að betri leikmanni.“ Ólafur þjálfari hafi sagt að Gary passi ekki leikstíl Vals. Nú sé hans að sanna fyrir þjálfaranum að hann hafi rangt fyrir sér. Ólafur Karl Finsen, liðsfélagi Gary, birti myndband af þeim vinununum á Twitter seint í gærkvöldi. Um var að ræða atriði úr Wolf of Wall Street þar sem Leonardo Di Caprio, í hlutverki Jordan Belfort, öskrar útúrdópaður að hann sé ekki á förum. Táknrænt fyrir stöðuna hjá Gary í dag. „Við horfðum á myndina fram að þessu atriði. Þá var ég orðinn of þreyttur og fór að sofa,“ segir Englendingurinn 29 ára og hlær. Valur er á botni deildarinnar ásamt HK og ÍBV með eitt stig eftir þrjá leiki. Hlíðarendapiltar sækja Fylki heim í Lautina annað kvöld og verður fróðlegt að sjá hvort Gary Martin byrji inn á eða verði á bekknum. Ólafur Jóhanesson, þjálfari Vals, segist ekki hafa hugmynd um hvað dagurinn beri í skauti sér í viðtali á Vísi @G9bov pic.twitter.com/fBov3VKv5G— Ólafur Karl Finsen (@olikalli17) May 14, 2019
Pepsi Max-deild karla Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Telur að Valsmenn nenni ekki að dansa tangóinn hans Túfa til lengdar Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Sjáðu glæsimörk táninga og Helga koma Víkingi á toppinn Heimir „hæstánægður með FH-liðið“ eftir 3-0 tap Uppgjörið: Víkingur - FH 3-0 | Meistararnir ekki í vandræðum í Víkinni „Draumur að spila fyrir uppeldisfélagið“ Uppgjörið: KA - HK 3-3 | Bikarþynnka í heimamönnum Óvíst hvort Tryggvi Hrafn verði meira með Val á leiktíðinni Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Sjá meira