Sterling kokhraustur fyrir leikinn gegn Liverpoool

Raheem Sterling, einn sóknarmanna Manchester City, segir að City geti unnið öll lið deildarinnar er liðið spilar á sinni eðlilegri getu.

City mætir gömlu félögum Sterling í Liverpool annað kvöld í rosalegum toppslag ensku úrvalsdeildarinnar. Sterling er spenntur.

„Ef við spilum eins og við vitum að við getum spilað þá getum við unnið alla. Þetta verður frábær leikur á fimmtudaginn og okkur hlakkar til.“

City vann lífs nauðsynlegan sigur á Southampton í síðustu umferð og þurfa sigur gegn Liverpool á fimmtudag vilji þeir ekki missa þá rauðu tíu stigum fram úr sér.

„Þetta var mikilvægur sigur og við vissum að við þyrftum að vinna til að halda okkur á lífi. Þetta var stórt skref og einfaldlega það sem við þurftum.“

„Við áttum tvo slaka leiki og við þurftum sigur til þess að halda okkar möguleikum opnum. Það var erfitt að taka þessum tveimur töpum en við komum frábærlega til bak.“

Stórleikur Manchester City og Liverpool verður að sjálfsögðu sýndur í beinni útsendingu á Stöð 2 Sport annað kvöld en leikurinn hefst 20.00.