Leikmenn Chelsea flengdir í Manchester Kristinn Páll Teitsson skrifar 11. febrúar 2019 10:45 Það var létt yfir Sergio Aguero þegar Pep Guardiola tók hann af velli enda búinn að skora þrennu og sigur Manchester City í höfn. Getty/ Michael Regan Það er ekki hægt að segja annað en að Chelsea hafi verið niðurlægt um helgina þegar lærisveinar Maurizio Sarri voru flengdir á Etihad-vellinum í 6-0 sigri Manchester City. Þetta var þriðja tap Chelsea í röð á útivelli og það fimmta í síðustu sjö leikjum og skiljanlega komin mikil pressa á Sarri enda ekki venja hjá félaginu undanfarin ár að tapa mörgum leikjum, hvað þá að vera niðurlægt líkt og í gær. Það verður að hrósa Manchester City fyrir sinn þátt. Eftir að hafa misstigið sig gegn Newcastle á dögunum tóku við leikir gegn Arsenal og Chelsea á heimavelli ásamt leik gegn Everton á útivelli. Þrír leikir á einni viku þar sem ríkjandi meistararnir gátu misstigið sig en þeir stóðust þetta próf með hæstu einkunn. Chelsea var ekkert að breyta leikplaninu þrátt fyrir að vera að fara á einn erfiðasta útivöll landsins og átti fínar sóknir fyrstu mínútur leiksins en þegar fyrsta markið kom virtist hausinn alveg fara hjá gestunum. Enginn virtist vera tilbúinn að dekka Bernardo Silva í aukaspyrnu en hann fann Raheem Sterling inni í vítateignum og þar kom Sterling heimamönnum yfir. Sergio Agüero klúðraði dauðafæri nokkrum mínútum síðar en bætti upp fyrir það með tveimur mörkum á fimm mínútna kafla. Eftir að hafa skorað með frábæru skoti á 13. mínútu nýtti Aguero sér glórulausan varnarleik Ross Barkley og kom City 3-0 yfir á 19. mínútu. Stuttu síðar skoraði Ilkay Gundogan fjórða mark City og leiknum lokið. Einfaldlega spurning hversu mörg mörk heimamenn myndu skora gegn brotnu liði Chelsea. Aguero var nálægt því að skora hina fullkomnu þrennu, sitt með hvorum fætinum og eitt með skalla en skalli hans fór í slána í upphafi seinni hálfleiks en hann bætti upp fyrir það stuttu síðar með marki af vítapunktinum. Sterling var svo aftur á ferðinni skömmu fyrir leikslok þegar hann skoraði annað mark sitt og sjötta mark City. Gæðamunur liðanna í gær var gríðarlegur og virðist sem 5-0 sigur Chelsea á Huddersfield á dögunum hafi aðeins hylmt yfir vandræði Chelsea. Varnarleikur liðsins, sem hefur verið aðalsmerki þess í meistaraliðum Chelsea, er í molum þessa dagana. Var þetta í fyrsta sinn í 29 ár sem Chelsea fær á sig fjögur mörk í tveimur útileikjum í röð og versta tap Chelsea í 28 ár í öllum keppnum. Nú er Chelsea búið að fá á sig þrettán mörk í síðustu þremur útileikjum, tveimur mörkum minna en allt 2004-05 tímabilið. Þá hefur heldur betur fjarað undan Jorginho sem átti að leiða leikstíl Sarri hjá Chelsea. Chelsea vann kapphlaup við City um ítalska landsliðsmanninn sem hefur misst dampinn á undanförnum mánuðum eftir fína byrjun. Miðjumaðurinn N’Golo Kanté var færður í nýja stöðu til að koma Jorginho fyrir en það virðist vera skot sem hittir ekki á mark hjá Ítalanum.Sviðsljósið á Sarri Það vakti athygli þegar Sarri krafðist þess að þjálfarateymið yfirgæfi búningsklefann og hann átti langan fund með leikmönnum eftir 0-4 tap gegn Bournemouth á dögunum. Það átti sér stað aðeins ellefu dögum eftir að hann gagnrýndi leikmenn sína opinberlega og sagði erfitt að ná til þeirra eftir tap fyrir Arsenal. Hann var ekki jafn hvass eftir leik í gær og virtist hálf áttavilltur í samtali við breska fjölmiðla. Í samtali við Sky Sports eftir leik sagðist Sarri aðeins hafa áhyggjur af frammistöðu liðsins en ekki af starfi sínu. Það hefði eitthvað breyst á tímabilinu og hann gerði sér ekki grein fyrir því hvað það væri en taldi að það hefði ekki verið neinn einbeitingarskortur í undirbúningnum fyrir leikinn. „Ég veit ekki hvað ég á að segja um framtíð mína, það verður að spyrja félagið að því. Ég á erfitt með að útskýra hvað fór úrskeiðis í dag. Æfingar í aðdraganda leiksins gengu vel en við lentum í miklum vandræðum frá fyrstu mínútu leiksins gegn frábæru liði. Þeir léku sér að okkur í dag og refsuðu okkur fyrir öll mistök. Við vildum byrja af krafti en það fór út um gluggann þegar við fengum á okkur mark á þriðju mínútu leiksins og okkur tókst aldrei að ná tökum á leiknum,“ sagði Sarri sem hélt áfram: „Við eigum í vandræðum. Við vorum sterkari á útivöllum en á heimavelli framan af tímabilinu en það hefur allt farið úrskeiðis undanfarnar vikur. Við þurfum að finna lausnir og það er skiljanlega komin pressa á að finna lausnir því ég sem þjálfari liðsins á að gera betur.“ Enski boltinn Mest lesið Bein útsending: Íslenska ofurfólkið keppir við þau bestu í heimi Sport „Gæti verið minn síðasti leikur á laugardaginn“ Íslenski boltinn Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Uppgjörið: Breiðablik - Stjarnan 2-1 | Draumaúrslitaleikurinn verður að veruleika Íslenski boltinn Í leyfi eftir að hafa misst fjögurra mánaða afabarn Enski boltinn Sjáðu sigurmarkið sem dæmt var af Skagamönnum Fótbolti HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Uppgjörið : FH - Valur 1-1 | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Íslensku stelpurnar Evrópumeistarar í fjórða sinn Sport Fleiri fréttir Everton vann og endurkomusigrar hjá Leicester og Villa Arsenal mistókst að koma sér á toppinn Langþráð og laglegt mark Höjlund tryggði Man. Utd sigurinn Willum Þór með mikilvægt mark í endurkomusigri Þrjú mörk á sjö mínútum í sannfærandi sigri Spurs Eigandinn þuklaði á fyrirliða kvennaliðsins Í leyfi eftir að hafa misst fjögurra mánaða afabarn „Ævintýri og lygar í boði sumra ykkar“ Mainoo frá í nokkrar vikur Ræddu við tíu en fáir kannast við símtal Vilja prófa að leyfa áfengi á kvennaleikjum í Englandi Pogba segir að danssagan sé lygi Beckham sárnar hvernig fólk lítur á ferilinn hans Labbar mest af öllum í ensku úrvalsdeildinni Allt bendir til þess að Liverpool missi Trent í sumar Eiginkona Kyle Walker sækir um skilnað Neville um Tuchel: „Ákveðin vonbrigði“ Sir Alex bannað að fara inn í klefann eftir leiki Tuchel skrifaði undir samninginn fyrir átta dögum Æfur út í eigendur Man. Utd: „Hendi þeim öllum í risapoka af skít“ Tuchel tekur við enska landsliðinu Stjóri Arsenal sagði upp eftir slaka byrjun Sir Alex slapp ekki við niðurskurðarhnífinn hjá Man. United Stjóri Stuttgart hafnaði United Dagný kom við sögu í jafntefli West Ham Saka hefði getað spilað gegn Finnum Salah farinn heim til Liverpool: Ofbeldisfullir andstæðingar og hættulegur völlur Síðasta tímabil Haaland með Manchester City? Hlerunarbúnaður í klefa United á Villa Park tók upp ræður Ten Hag Jason lagði upp í sigri gegn liði 92-árgangsins Sjá meira
Það er ekki hægt að segja annað en að Chelsea hafi verið niðurlægt um helgina þegar lærisveinar Maurizio Sarri voru flengdir á Etihad-vellinum í 6-0 sigri Manchester City. Þetta var þriðja tap Chelsea í röð á útivelli og það fimmta í síðustu sjö leikjum og skiljanlega komin mikil pressa á Sarri enda ekki venja hjá félaginu undanfarin ár að tapa mörgum leikjum, hvað þá að vera niðurlægt líkt og í gær. Það verður að hrósa Manchester City fyrir sinn þátt. Eftir að hafa misstigið sig gegn Newcastle á dögunum tóku við leikir gegn Arsenal og Chelsea á heimavelli ásamt leik gegn Everton á útivelli. Þrír leikir á einni viku þar sem ríkjandi meistararnir gátu misstigið sig en þeir stóðust þetta próf með hæstu einkunn. Chelsea var ekkert að breyta leikplaninu þrátt fyrir að vera að fara á einn erfiðasta útivöll landsins og átti fínar sóknir fyrstu mínútur leiksins en þegar fyrsta markið kom virtist hausinn alveg fara hjá gestunum. Enginn virtist vera tilbúinn að dekka Bernardo Silva í aukaspyrnu en hann fann Raheem Sterling inni í vítateignum og þar kom Sterling heimamönnum yfir. Sergio Agüero klúðraði dauðafæri nokkrum mínútum síðar en bætti upp fyrir það með tveimur mörkum á fimm mínútna kafla. Eftir að hafa skorað með frábæru skoti á 13. mínútu nýtti Aguero sér glórulausan varnarleik Ross Barkley og kom City 3-0 yfir á 19. mínútu. Stuttu síðar skoraði Ilkay Gundogan fjórða mark City og leiknum lokið. Einfaldlega spurning hversu mörg mörk heimamenn myndu skora gegn brotnu liði Chelsea. Aguero var nálægt því að skora hina fullkomnu þrennu, sitt með hvorum fætinum og eitt með skalla en skalli hans fór í slána í upphafi seinni hálfleiks en hann bætti upp fyrir það stuttu síðar með marki af vítapunktinum. Sterling var svo aftur á ferðinni skömmu fyrir leikslok þegar hann skoraði annað mark sitt og sjötta mark City. Gæðamunur liðanna í gær var gríðarlegur og virðist sem 5-0 sigur Chelsea á Huddersfield á dögunum hafi aðeins hylmt yfir vandræði Chelsea. Varnarleikur liðsins, sem hefur verið aðalsmerki þess í meistaraliðum Chelsea, er í molum þessa dagana. Var þetta í fyrsta sinn í 29 ár sem Chelsea fær á sig fjögur mörk í tveimur útileikjum í röð og versta tap Chelsea í 28 ár í öllum keppnum. Nú er Chelsea búið að fá á sig þrettán mörk í síðustu þremur útileikjum, tveimur mörkum minna en allt 2004-05 tímabilið. Þá hefur heldur betur fjarað undan Jorginho sem átti að leiða leikstíl Sarri hjá Chelsea. Chelsea vann kapphlaup við City um ítalska landsliðsmanninn sem hefur misst dampinn á undanförnum mánuðum eftir fína byrjun. Miðjumaðurinn N’Golo Kanté var færður í nýja stöðu til að koma Jorginho fyrir en það virðist vera skot sem hittir ekki á mark hjá Ítalanum.Sviðsljósið á Sarri Það vakti athygli þegar Sarri krafðist þess að þjálfarateymið yfirgæfi búningsklefann og hann átti langan fund með leikmönnum eftir 0-4 tap gegn Bournemouth á dögunum. Það átti sér stað aðeins ellefu dögum eftir að hann gagnrýndi leikmenn sína opinberlega og sagði erfitt að ná til þeirra eftir tap fyrir Arsenal. Hann var ekki jafn hvass eftir leik í gær og virtist hálf áttavilltur í samtali við breska fjölmiðla. Í samtali við Sky Sports eftir leik sagðist Sarri aðeins hafa áhyggjur af frammistöðu liðsins en ekki af starfi sínu. Það hefði eitthvað breyst á tímabilinu og hann gerði sér ekki grein fyrir því hvað það væri en taldi að það hefði ekki verið neinn einbeitingarskortur í undirbúningnum fyrir leikinn. „Ég veit ekki hvað ég á að segja um framtíð mína, það verður að spyrja félagið að því. Ég á erfitt með að útskýra hvað fór úrskeiðis í dag. Æfingar í aðdraganda leiksins gengu vel en við lentum í miklum vandræðum frá fyrstu mínútu leiksins gegn frábæru liði. Þeir léku sér að okkur í dag og refsuðu okkur fyrir öll mistök. Við vildum byrja af krafti en það fór út um gluggann þegar við fengum á okkur mark á þriðju mínútu leiksins og okkur tókst aldrei að ná tökum á leiknum,“ sagði Sarri sem hélt áfram: „Við eigum í vandræðum. Við vorum sterkari á útivöllum en á heimavelli framan af tímabilinu en það hefur allt farið úrskeiðis undanfarnar vikur. Við þurfum að finna lausnir og það er skiljanlega komin pressa á að finna lausnir því ég sem þjálfari liðsins á að gera betur.“
Enski boltinn Mest lesið Bein útsending: Íslenska ofurfólkið keppir við þau bestu í heimi Sport „Gæti verið minn síðasti leikur á laugardaginn“ Íslenski boltinn Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Uppgjörið: Breiðablik - Stjarnan 2-1 | Draumaúrslitaleikurinn verður að veruleika Íslenski boltinn Í leyfi eftir að hafa misst fjögurra mánaða afabarn Enski boltinn Sjáðu sigurmarkið sem dæmt var af Skagamönnum Fótbolti HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Uppgjörið : FH - Valur 1-1 | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Íslensku stelpurnar Evrópumeistarar í fjórða sinn Sport Fleiri fréttir Everton vann og endurkomusigrar hjá Leicester og Villa Arsenal mistókst að koma sér á toppinn Langþráð og laglegt mark Höjlund tryggði Man. Utd sigurinn Willum Þór með mikilvægt mark í endurkomusigri Þrjú mörk á sjö mínútum í sannfærandi sigri Spurs Eigandinn þuklaði á fyrirliða kvennaliðsins Í leyfi eftir að hafa misst fjögurra mánaða afabarn „Ævintýri og lygar í boði sumra ykkar“ Mainoo frá í nokkrar vikur Ræddu við tíu en fáir kannast við símtal Vilja prófa að leyfa áfengi á kvennaleikjum í Englandi Pogba segir að danssagan sé lygi Beckham sárnar hvernig fólk lítur á ferilinn hans Labbar mest af öllum í ensku úrvalsdeildinni Allt bendir til þess að Liverpool missi Trent í sumar Eiginkona Kyle Walker sækir um skilnað Neville um Tuchel: „Ákveðin vonbrigði“ Sir Alex bannað að fara inn í klefann eftir leiki Tuchel skrifaði undir samninginn fyrir átta dögum Æfur út í eigendur Man. Utd: „Hendi þeim öllum í risapoka af skít“ Tuchel tekur við enska landsliðinu Stjóri Arsenal sagði upp eftir slaka byrjun Sir Alex slapp ekki við niðurskurðarhnífinn hjá Man. United Stjóri Stuttgart hafnaði United Dagný kom við sögu í jafntefli West Ham Saka hefði getað spilað gegn Finnum Salah farinn heim til Liverpool: Ofbeldisfullir andstæðingar og hættulegur völlur Síðasta tímabil Haaland með Manchester City? Hlerunarbúnaður í klefa United á Villa Park tók upp ræður Ten Hag Jason lagði upp í sigri gegn liði 92-árgangsins Sjá meira
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn
Uppgjörið: Breiðablik - Stjarnan 2-1 | Draumaúrslitaleikurinn verður að veruleika Íslenski boltinn
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn
Uppgjörið: Breiðablik - Stjarnan 2-1 | Draumaúrslitaleikurinn verður að veruleika Íslenski boltinn