Sjáðu sigurmark Lukaku og öll mörk gærdagsins úr enska

Romelu Lukaku tryggði Manchester United sigur á lokamínútunum gegn Southampton á Old Trafford í gær. Manchester City vann Bournemouth og Arsenal og Tottenham skildu jöfn í stórleik gærdagsins.

Aaron Ramsey kom Arsenal yfir snemma leiks á Wembley en Harry Kane jafnaði metin af vítapunktinum. Undir lok leiksins fékk Pierre-Emerick Aubameyang færi á að stela sigrinum fyrir Arsenal en Hugo Lloris varði vítaspyrnu hans.

Manchester United lenti undir á heimavelli gegn Southampton þegar Yan Valery skoraði glæsimark, hans fyrsta fyrir Southampton í úrvalsdeildinni. Andreas Pereira og Romelu Lukaku komu United hins vegar yfir áður en James Ward-Prowse jafnaði beint úr aukaspyrnu.

Romelu Lukaku reyndist svo hetjan þegar hann skoraði sigurmarkið á 88. mínútu. Paul Pogba hefði getað gulltryggt sigurinn en hann fór illa með vítaspyrnu í uppbótartíma.

Riyad Mahrez skoraði eina mark Manchester City gegn Bournemouth á Vitality vellinum. Aron Einar Gunnarsson og Jóhann Berg Guðmundsson voru báðir í tapliðum.

Öll mörk og allt það helsta úr leikjum gærdagsins má sjá hér að neðan.

Manchester United - Southampton 3-2 Tottenham - Arsenal 1-1 Bournemouth - Manchester City 0-1 Burnley - Crystal Palace 1-3 Wolves - Cardiff 2-0 Brighton - Huddersfield 1-0 West Ham - Newcastle 2-0