„Þú ert sigurvegari ef þú klárar námið!“ Mímir símenntun kynnir 22. maí 2019 08:45 Nemendur fá mikinn stuðning við námið enda oft stórt skref að setjast aftur á skólabekk eftir kannski langt hlé frá námi. Mímir Sólveig Hildur Björnsdóttir, framkvæmdastjóri Mímis-símenntunar, skrifar hér um upplifun nemenda af námi í Menntastoðum hjá Mími. Opið hús verður hjá Mími þriðjudaginn 4. júní.„Þú ert sigurvegari ef þú klárar námið!“ Þetta segir Kolbrún Eva Viktorsdóttir fyrrum nemandi í Menntastoðum hjá Mími, þegar hún er beðin um að miðla af reynslu sinni til þeirra sem hafa augastað á náminu.Sólveig Hildur Björnsdóttir, framkvæmdastjóri Mímis-símenntunar.Þessa dagana birtir Mímir auglýsingar í ljósvakamiðlum og á samfélagsmiðlum þar sem fyrrum nemendur hjá Mími, þar á meðal Kolbrún Eva, deila með landsmönnum upplifun sinni af námi í Menntastoðum hjá Mími og hverju það hafi skilað þeim í lífinu. Allir eru nemendurnir sammála um að námið hafi haft jákvæð áhrif á líf þeirra, gefið þeim aukið sjálfstraust til að láta drauma sína rætast, bæði hvað áframhaldandi nám varðar og störf sem þeir hafa haft augastað á en ekki látið verða af að sækja um eða eins og Hinrik Valur Thorvaldsson orðar það: „Eftir útskriftina hjá Mími þá fann ég meira sjálfstraust.“ Þá bendir Kolbrún Eva á að áður en hún kom í Mími hafi hún verið heimavinnandi húsmóðir sem hafi látið sig dreyma um að komast í nám.Saga hvers nemanda er einstökSaga þessara nemenda endurspeglar upplifun fjöldamargra fullorðinna sem sækja námsbrautir framhaldsfræðslunnar hjá Mími. Þó hver saga sé einstök þá eiga þær það sameiginlegt að lýsa sigrum þessa fólks á þeim hindrunum sem urðu á vegi þess í námi og ollu því að skólagangan varð brotakennd fram til þessa. Þeir tala allir um hversu mikilvægt það sé að fullorðnir eigi möguleika á að hefja nám að nýju, jafnvel eftir áralangt hlé frá námi og fái viðeigandi stuðning til þess.Það er einmitt svona reynslusögur sem undirstrika mikilvægi framhaldsfræðslunnar í okkar samfélagi. Menntastoðir er þar vinsælasta námsbrautin og hafa á fjórða hundrað einstaklingar lokið henni hjá Mími á undanförnum þremur árum. Flestir sem skrá sig í Menntastoðir eru á aldrinum 25 til 30 ára og eiga það sameiginlegt að hafa lokið litlu eða engu námi á framhaldsskólastigi. Námið tekur á grunnfögum; íslensku, stærðfræði, ensku, dönsku og upplýsingatækni auk þess sem lögð er áhersla á að nemendur læri námstækni og efli sjálfstraust sitt. Nemendur fá mikinn stuðning við námið enda oft stórt skref að setjast aftur á skólabekk eftir kannski langt hlé frá námi. Margir þeirra hafa jafnvel ákveðið með sjálfum sér að þeir eigi ekki erindi í bóklegt nám: „Ég hef aldrei klárað eitthvað“, segir Hinrik Valur þegar hann lýsir einmitt þessu. Mikið er því lagt upp úr persónulegri þjónustu við nemendur og náms- og starfsráðgjöf, sem er þeim endurgjaldslaus. Menntastoðir er vottuð námsbraut sem opnar leiðina til iðnnáms, stúdentsprófs eða inn í háskólabrýr en námið má meta til allt að 50 eininga í framhaldsskóla. Námið nýtur stuðnings úr Fræðslusjóði en til hans ákvarðar Alþingi fjárframlög á fjárlögum hvers árs. Meginhlutverk sjóðsins er beinlínis að stuðla að því að í boði séu námstækifæri fyrir fólk með stutta formlega skólagöngu að baki.Setja sér markmið og ákveða næstu skrefÞað er svo mikilvægt að þeir sem hafa upplifað brotakennda skólagöngu á yngri árum og jafnvel hætt námi fái annað tækifæri til náms þegar þeir eru sjálfir tilbúnir til þess. Þar á aldur ekki að skipta máli enda setur framhaldsfræðslan ekki önnur aldursmörk en að þeir sem hefji nám séu orðnir 18 ára. Þá þarf námið og aðstaða til námsins að taka mið af þörfum fullorðinna námsmanna sem oftar en ekki stunda námið samhliða vinnu og fjölskyldulífi. Hvernig sem á það er litið er það samfélaginu verðmætt að hækka menntunarstig íslensku þjóðarinnar til aukinnar virkni í atvinnulífi og samfélaginu í heild. Margt hefur áunnist en við þurfum að gera enn betur til að ná yfirlýstu markmiði um að hlutfall fólks á vinnumarkaði án viðurkenndrar starfs- eða framhaldsskólamenntunar verði ekki hærra en 10% árið 2020.Það er dásamlegt tilfinning að sjá nemendur blómstra í námi og lífi eftir að hafa sigrað þær hindranir sem þeim hefur fundist vera óyfirstíganlegar, jafnvel árum saman. Að sjá nemendur útskrifast frá Mími fulla sjálfstrausts til að takast ótrauðir á við ný verkefni hvort sem er í námi eða starfi. Þessum nemendum hefur tekist að ná markmiðum sínum og hafa sýnt dýrmætan eldmóð og þrautseigju til að ná því sem stefnt var að. Það er nefnilega oft auðveldara að leyfa lífinu að renna bara áfram sinn venjulega farveg, án þess að grípa inn í og taka stjórn, án þess að ákveða hvernig þú vilt að líf þitt verði. Orð Kolbrúnar Evu í fyrirsögn þessarar greinar eru sönn því það er svo sannarlega sigur að klára nám eða annað ætlunarverk sitt.Opið hús hjá MímiÞriðjudaginn 4. júní kl. 17:30 til 18:30 verður opið hús hjá Mími þar sem kennarar, náms- og starfsráðgjafar og verkefnastjórar munu kynna Menntastoðir hjá Mími og svara spurningum um námsbrautina sem hefst í haust bæði í staðnámi og fjarnámi. Við hvetjum alla áhugasama til að mæta. Þá er vert að benda á vefsíðu Mímis www.mimir.is þar sem hægt er að skrá sig í námið og/eða í náms- og starfsráðgjöf.Þessi kynning er unnin í samstarfi við Mími símenntun. Skóla - og menntamál Mest lesið Lét sauma bangsa úr fötum látins sonar síns Lífið „Undrabarn“ keppir á undanþágu og tekur pabba í kennslustund Lífið María Thelma og Steinar Thors héldu brúðkaup ársins Lífið Frestar tónleikaferðalagi vegna andláts Payne Lífið Krakkatían: Flugfélög, landafræði og krakkalög Lífið Flautað á dúfurnar á Eyrarbakka og þær koma heim Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Fréttatía vikunnar: Pólitík, andlát og bíó Lífið Bar fyrir sig að hafa eitt sinn verið í strákabandi Lífið Fleiri fréttir Jólin byrja í Kjötkompaní Afsláttur í BYKO fyrir fólk í framkvæmdum Fagnaðu 30 ára afmæli lakkrístoppsins Lærðu allt um kokteila í Kokteilaskólanum „Að fá þykkt og fallegt hár hefur fyrst og fremst gefið mér aukið sjálfstraust“ Maca jurtin styður einstaklega vel við hormónajafnvægi kvenna á breytingaskeiðinu Hvað leynist í jólapökkum starfsfólks? Fæturnir bera mig nú hraðar og lengra Vegleg afmælistilboð á gæðavörum í eldhús og baðherbergi Ég hætti að lifa bara af - og fór að LIFA, að vera þátttakandi í lífinu Valgerður fann fljótt mun á líðan sinni þökk sé Femarelle Hvað ef þú gætir breytt framtíð húðar þinnar? Bæta við upphæð viðskiptavina til styrktar Bleiku slaufunni Byltingarkennd nýjung fyrir blondínur frá JOHN FRIEDA Sykursalur orðinn einn vinsælasti veislusalur Reykjavíkur Ný vetrarlína Moomin væntanleg í takmörkuðu upplagi „Bio-Kult er eitt af því sem er alltaf til á okkar heimili“ Bragi Páll og Bergþóra með hryllilega fyndnar hrekkjavökusögur Ný eldhúslína sem sækir innblástur í náttúruna Sprite Zero Klan gefur út SS pylsulagið í fullri lengd Tilkoma Neubria leikbreytir að sögn Bergsveins Náttúruleg leið til að endurbæta meltinguna! Um 12.000 manns hafa séð sýninguna Orð gegn orði í Þjóðleikhúsinu MZ Skin – Lúxus húðvörur sem byggja á vísindum og fagurfræði Þetta þurfum við í útihlaupin í vetur Osteostrong á erindi við alla aldurshópa Sprenghlægilegur gamanleikur frumsýndur í október í Þjóðleikhúsinu Fólk öðlast frelsi og hugarró og sumir jafnvel nýtt líf Heitustu haust- og vetrartrendin 2024 Inga Lilý hlaut aðalvinninginn í ár Sjá meira
Sólveig Hildur Björnsdóttir, framkvæmdastjóri Mímis-símenntunar, skrifar hér um upplifun nemenda af námi í Menntastoðum hjá Mími. Opið hús verður hjá Mími þriðjudaginn 4. júní.„Þú ert sigurvegari ef þú klárar námið!“ Þetta segir Kolbrún Eva Viktorsdóttir fyrrum nemandi í Menntastoðum hjá Mími, þegar hún er beðin um að miðla af reynslu sinni til þeirra sem hafa augastað á náminu.Sólveig Hildur Björnsdóttir, framkvæmdastjóri Mímis-símenntunar.Þessa dagana birtir Mímir auglýsingar í ljósvakamiðlum og á samfélagsmiðlum þar sem fyrrum nemendur hjá Mími, þar á meðal Kolbrún Eva, deila með landsmönnum upplifun sinni af námi í Menntastoðum hjá Mími og hverju það hafi skilað þeim í lífinu. Allir eru nemendurnir sammála um að námið hafi haft jákvæð áhrif á líf þeirra, gefið þeim aukið sjálfstraust til að láta drauma sína rætast, bæði hvað áframhaldandi nám varðar og störf sem þeir hafa haft augastað á en ekki látið verða af að sækja um eða eins og Hinrik Valur Thorvaldsson orðar það: „Eftir útskriftina hjá Mími þá fann ég meira sjálfstraust.“ Þá bendir Kolbrún Eva á að áður en hún kom í Mími hafi hún verið heimavinnandi húsmóðir sem hafi látið sig dreyma um að komast í nám.Saga hvers nemanda er einstökSaga þessara nemenda endurspeglar upplifun fjöldamargra fullorðinna sem sækja námsbrautir framhaldsfræðslunnar hjá Mími. Þó hver saga sé einstök þá eiga þær það sameiginlegt að lýsa sigrum þessa fólks á þeim hindrunum sem urðu á vegi þess í námi og ollu því að skólagangan varð brotakennd fram til þessa. Þeir tala allir um hversu mikilvægt það sé að fullorðnir eigi möguleika á að hefja nám að nýju, jafnvel eftir áralangt hlé frá námi og fái viðeigandi stuðning til þess.Það er einmitt svona reynslusögur sem undirstrika mikilvægi framhaldsfræðslunnar í okkar samfélagi. Menntastoðir er þar vinsælasta námsbrautin og hafa á fjórða hundrað einstaklingar lokið henni hjá Mími á undanförnum þremur árum. Flestir sem skrá sig í Menntastoðir eru á aldrinum 25 til 30 ára og eiga það sameiginlegt að hafa lokið litlu eða engu námi á framhaldsskólastigi. Námið tekur á grunnfögum; íslensku, stærðfræði, ensku, dönsku og upplýsingatækni auk þess sem lögð er áhersla á að nemendur læri námstækni og efli sjálfstraust sitt. Nemendur fá mikinn stuðning við námið enda oft stórt skref að setjast aftur á skólabekk eftir kannski langt hlé frá námi. Margir þeirra hafa jafnvel ákveðið með sjálfum sér að þeir eigi ekki erindi í bóklegt nám: „Ég hef aldrei klárað eitthvað“, segir Hinrik Valur þegar hann lýsir einmitt þessu. Mikið er því lagt upp úr persónulegri þjónustu við nemendur og náms- og starfsráðgjöf, sem er þeim endurgjaldslaus. Menntastoðir er vottuð námsbraut sem opnar leiðina til iðnnáms, stúdentsprófs eða inn í háskólabrýr en námið má meta til allt að 50 eininga í framhaldsskóla. Námið nýtur stuðnings úr Fræðslusjóði en til hans ákvarðar Alþingi fjárframlög á fjárlögum hvers árs. Meginhlutverk sjóðsins er beinlínis að stuðla að því að í boði séu námstækifæri fyrir fólk með stutta formlega skólagöngu að baki.Setja sér markmið og ákveða næstu skrefÞað er svo mikilvægt að þeir sem hafa upplifað brotakennda skólagöngu á yngri árum og jafnvel hætt námi fái annað tækifæri til náms þegar þeir eru sjálfir tilbúnir til þess. Þar á aldur ekki að skipta máli enda setur framhaldsfræðslan ekki önnur aldursmörk en að þeir sem hefji nám séu orðnir 18 ára. Þá þarf námið og aðstaða til námsins að taka mið af þörfum fullorðinna námsmanna sem oftar en ekki stunda námið samhliða vinnu og fjölskyldulífi. Hvernig sem á það er litið er það samfélaginu verðmætt að hækka menntunarstig íslensku þjóðarinnar til aukinnar virkni í atvinnulífi og samfélaginu í heild. Margt hefur áunnist en við þurfum að gera enn betur til að ná yfirlýstu markmiði um að hlutfall fólks á vinnumarkaði án viðurkenndrar starfs- eða framhaldsskólamenntunar verði ekki hærra en 10% árið 2020.Það er dásamlegt tilfinning að sjá nemendur blómstra í námi og lífi eftir að hafa sigrað þær hindranir sem þeim hefur fundist vera óyfirstíganlegar, jafnvel árum saman. Að sjá nemendur útskrifast frá Mími fulla sjálfstrausts til að takast ótrauðir á við ný verkefni hvort sem er í námi eða starfi. Þessum nemendum hefur tekist að ná markmiðum sínum og hafa sýnt dýrmætan eldmóð og þrautseigju til að ná því sem stefnt var að. Það er nefnilega oft auðveldara að leyfa lífinu að renna bara áfram sinn venjulega farveg, án þess að grípa inn í og taka stjórn, án þess að ákveða hvernig þú vilt að líf þitt verði. Orð Kolbrúnar Evu í fyrirsögn þessarar greinar eru sönn því það er svo sannarlega sigur að klára nám eða annað ætlunarverk sitt.Opið hús hjá MímiÞriðjudaginn 4. júní kl. 17:30 til 18:30 verður opið hús hjá Mími þar sem kennarar, náms- og starfsráðgjafar og verkefnastjórar munu kynna Menntastoðir hjá Mími og svara spurningum um námsbrautina sem hefst í haust bæði í staðnámi og fjarnámi. Við hvetjum alla áhugasama til að mæta. Þá er vert að benda á vefsíðu Mímis www.mimir.is þar sem hægt er að skrá sig í námið og/eða í náms- og starfsráðgjöf.Þessi kynning er unnin í samstarfi við Mími símenntun.
Skóla - og menntamál Mest lesið Lét sauma bangsa úr fötum látins sonar síns Lífið „Undrabarn“ keppir á undanþágu og tekur pabba í kennslustund Lífið María Thelma og Steinar Thors héldu brúðkaup ársins Lífið Frestar tónleikaferðalagi vegna andláts Payne Lífið Krakkatían: Flugfélög, landafræði og krakkalög Lífið Flautað á dúfurnar á Eyrarbakka og þær koma heim Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Fréttatía vikunnar: Pólitík, andlát og bíó Lífið Bar fyrir sig að hafa eitt sinn verið í strákabandi Lífið Fleiri fréttir Jólin byrja í Kjötkompaní Afsláttur í BYKO fyrir fólk í framkvæmdum Fagnaðu 30 ára afmæli lakkrístoppsins Lærðu allt um kokteila í Kokteilaskólanum „Að fá þykkt og fallegt hár hefur fyrst og fremst gefið mér aukið sjálfstraust“ Maca jurtin styður einstaklega vel við hormónajafnvægi kvenna á breytingaskeiðinu Hvað leynist í jólapökkum starfsfólks? Fæturnir bera mig nú hraðar og lengra Vegleg afmælistilboð á gæðavörum í eldhús og baðherbergi Ég hætti að lifa bara af - og fór að LIFA, að vera þátttakandi í lífinu Valgerður fann fljótt mun á líðan sinni þökk sé Femarelle Hvað ef þú gætir breytt framtíð húðar þinnar? Bæta við upphæð viðskiptavina til styrktar Bleiku slaufunni Byltingarkennd nýjung fyrir blondínur frá JOHN FRIEDA Sykursalur orðinn einn vinsælasti veislusalur Reykjavíkur Ný vetrarlína Moomin væntanleg í takmörkuðu upplagi „Bio-Kult er eitt af því sem er alltaf til á okkar heimili“ Bragi Páll og Bergþóra með hryllilega fyndnar hrekkjavökusögur Ný eldhúslína sem sækir innblástur í náttúruna Sprite Zero Klan gefur út SS pylsulagið í fullri lengd Tilkoma Neubria leikbreytir að sögn Bergsveins Náttúruleg leið til að endurbæta meltinguna! Um 12.000 manns hafa séð sýninguna Orð gegn orði í Þjóðleikhúsinu MZ Skin – Lúxus húðvörur sem byggja á vísindum og fagurfræði Þetta þurfum við í útihlaupin í vetur Osteostrong á erindi við alla aldurshópa Sprenghlægilegur gamanleikur frumsýndur í október í Þjóðleikhúsinu Fólk öðlast frelsi og hugarró og sumir jafnvel nýtt líf Heitustu haust- og vetrartrendin 2024 Inga Lilý hlaut aðalvinninginn í ár Sjá meira