Níddist á brotnum stúlkum Kristjana Björg Guðbrandsdóttir og Ólöf Skaftadóttir skrifar 17. ágúst 2019 08:45 Mótmælendur með myndir af Epstein við dómhús í New York í júlí. Fréttablaðið/Getty Fyrir rúmum tveimur áratugum festi viðskiptajöfurinn og kynferðisafbrotamaðurinn Jeffrey Epstein kaup á lítilli eyju sem tilheyrir Bandarísku Jómfrúaeyjunum, Little St. James Island. Heimamenn á nærliggjandi eyjum sögðu þá við héraðsmiðla að miklar breytingar væru að verða á eyjunni við eigendaskiptin; gróðri var rutt burt, bandarískir fánar blöktu við hún og öryggisverðir stóðu vörð um strandlínuna.Barnaníðseyjan Little St. James Island hefur undanfarið verið einstaklega áberandi í fjölmiðlum eftir að meint kynferðisbrot Epsteins komust í hámæli. Eyjan hefur verið uppnefnd Svalleyjan, Barnaníðseyjan og Eyja syndanna. Bloomberg greinir frá því að sjálfur hafi Epstein viljað kallað eyjuna Little St. Jeff’s. Þó að umtal um eyjuna alræmdu hafi að mestu verið byggt á orðrómi undanfarin ár verður að teljast líklegt að frekara ljósi verði varpað á staðreyndir málsins á næstunni, en á mánudag réðust tugir alríkislögreglumanna inn á heimili Epsteins á eyjunni til þess að afla sér frekari gagna um þær alvarlegu sakir sem bornar hafa verið á hann og samverkafólk hans, meðal annars Ghislaine Maxwell. Sú er talin hafa sigtað út ungar stúlkur sem hún seldi svo mansali. Maxwell er dóttir Ians Roberts Maxwell sem var um tíma þingmaður og fyrirferðarmikill í bresku viðskiptalífi, en eftir dauða hans kom í ljós að veldið var byggt á sandi. Hann hafði stolið hundruðum milljóna punda úr rekstrinum og veldið hrundi skömmu eftir dauða hans, þrátt fyrir tilraunir barna hans til að endurreisa viðskiptaveldi föður síns.Frá Litlu St. James-eyju.Yngstu tólf ára Samkvæmt heimildum Miami Herald raðaði Epstein í kringum sig dyggum samstarfsfélögum á eyjunni sem seldu stúlkur mansali, þær yngstu sem vitað er um um 12 ára aldur, til vændiskaupenda. Þeim stúlkum og konum sem stigið hafa fram og sagst fórnarlömb Epsteins og félaga á eyjunni illræmdu ber saman um að þær hafi verið þvingaðar til kynferðislegra athafna og í sumum tilvikum haldið í gíslingu. Sarah Ransome, sem hefur sakað Epstein um að þvinga sig til samræðis við frægan lögmann, Alan Dershowitz, þegar hún var á tvítugsaldri, lýsti því að hafa reynt að flýja af eyjunni með því að synda á brott. Hún lýsti því að hópur manna, þar á meðal Epstein og Maxwell, hefði fundið hana og komið henni fyrir á eyjunni á ný. Hún lýsti því hvernig þau tóku af henni vegabréfið til að aftra henni för. Fleiri stúlkur hafa lýst sambærilegri framkomu af hálfu Epsteins og félaga. Enn fleiri stúlkur og starfsmenn í kringum þá ólöglegu og óhugnanlegu starfsemi sem fram fór á eyjunni hafa lýst því að vegabréf hafi verið gerð upptæk og lýst því að fjöldi stúlkna undir lögaldri hafi gengið um eyjuna fáklæddur. Dershowitz er þekktastur fyrir að hafa verið hluti lögfræðiteymis O.J. Simpson, þegar sá síðarnefndi var sýknaður eftir að hafa verið gefið að sök að hafa myrt fyrrverandi eiginkonu sína og vin hennar.Epstein fannst látinn í fangaklefa sínum um síðustu helgi. Réttarlæknir New York-borgar greindi frá því í gær að krufning hefði staðfest að hann hefði hengt sig.Fréttablaðið/EpsteinLifði í vellystingum í afplánun Atvinnumálaráðherra Bandaríkjanna, Alex Acosta, sagði embætti sínu lausu á dögunum vegna tengsla við mál Epsteins, en hann starfaði sem saksóknari í Flórída þegar Epstein var til rannsóknar hjá alríkislögreglunni fyrir rúmum áratug vegna ásakana um kynferðisbrot á stúlkum undir lögaldri og gruns um mansal. Acosta hafði milligöngu um samning sem gerður var við Epstein í leyni. Þannig var samið um að Epstein sæti inni í 13 mánuði fyrir minni brot og í staðinn var rannsókn á málum hans hætt. Epstein átti yfir höfði sér lífstíðarfangelsi á þessum tíma. Á meðan lögfræðiteymi Epsteins vann að samningnum var auðjöfurinn hins vegar önnum kafinn við að gera upp eignir sínar á eyjunni. Á þessum tíma byggði hann heilsulind, nýtt eldhús, tvö gestaherbergi og stofu sem leiddi niður kjallara inn á eins konar leiksvið á setri hans á Svalleyjunni.Stórir leikmenn hjá Epstein Virginia Roberts, ein þeirra sem saka Epstein um að hafa haldið sér föngnum, sagði lögmönnum sínum í viðtali árið 2011 að hún hefði séð fyrrverandi forseta Bandaríkjanna, Bill Clinton, á gangi með tveimur ungum stúlkum á eyjunni. Clinton hefur neitað ásökununum og kveðst aldrei hafa stigið fæti á eyjuna. Það er hins vegar óumdeilt að Bill Clinton var vinur Epsteins, flaug oft með lúxusþotu hans og heimsótti hann til Little St. James eyjunnar. Ásakanir gegn Andrew Bretaprins er að finna í skjölum vegna málsóknar á hendur Epstein. Einn þolenda Epsteins greindi frá því fyrir dómi að Epstein hefði haldið sér sem kynlífsþræl á árunum 1999 til 2002 og lánað sig út til valdamikilla manna, meðal annars breska prinsins. Þá hefur komið í ljós að Epstein lánaði fyrrverandi eiginkonu Andrews, Söruh Ferguson, 24.000 pund til að greiða upp skuldir sínar. Donald Trump, forseti Bandaríkjanna, er nágranni hans á Palm Beach. Hann flaug eins og margir í einkaþotu Epsteins og hefur verið orðaður við heimsóknir til eyjunnar.Epstein með Donald og Melaniu Trump, þá Knauss, í Mar-a-Lago-klúbbi Trump á Flórída árið 2000. Við hlið Epstein er Ghislaine Maxwell sem hefur verið bendluð við glæpi hans.FréttablaðiðSamsæriskenningarnar Epstein var 66 ára gamall þegar hann fannst látinn í klefa sínum í Metropolitan-fangelsinu á Manhattan. Hann horfði fram á langan dóm og að mæta þolendum sínum í réttarsal undir smásjá alheimspressunnar. Hann var meðvitaður um að hann myndi í þetta sinn ekki njóta forréttinda. Af þeim sökum er talið líklegt að hann hafi fyrirfarið sér. Það voru lögfræðingar Epsteins sem báðu um að hann yrði tekinn af sjálfsmorðsvakt í fangelsinu. Og það þrátt fyrir að hann fáeinum vikum áður hefði misst meðvitund í klefanum og þá með áverka á hálsi. Margar samsæriskenningar hafa litið dagsins ljós í kjölfar dauða Epsteins og þær spretta úr frjóum jarðvegi enda slapp hann vel frá fyrri brotum sínum. Þá vekur það spurningar hvers vegna ekki var nægjanlegt eftirlit með Epstein daginn sem hann lést. Fangaverðirnir sem gættu hans hafa verið reknir og fangelsisstjórinn færður til í starfi. Borgarstjóri New York, Bill de Blasio, sagði stuttu eftir andlát Epsteins að það væri „aðeins of heppilegt“ fyrir ákveðna einstaklinga að hann væri látinn. Hann gæti ekki lengur ljóstrað því upp hverjum hann hefði veitt aðgang að stúlkunum sem hann níddist á. „Það sem mörg okkar vilja vita er, hvað vissum við í raun og veru mikið?“ sagði borgarstjórinn við fjölmiðla í Bandaríkjunum. „Hversu margir aðrir milljarðamæringar tóku þátt í ólöglegri starfsemi hans? Þær upplýsingar dóu ekki með Jeffrey Epstein. Það þarf að rannsaka þetta nánar.“ Bandaríkin Birtist í Fréttablaðinu Jeffrey Epstein Tengdar fréttir Sváfu á verðinum þegar Epstein svipti sig lífi Fangaverðir gætu ekki að Epstein í fangelsinu í þrjár klukkustundir því þeir voru sofandi. Þeir fölsuðu síðan skjöl til að fela mistök sín. 14. ágúst 2019 10:35 Staðfest að Epstein framdi sjálfsvíg Réttarlæknir staðfesti í dag að Jeffrey Epstein hafi látist sökum sjálfsvígs. 16. ágúst 2019 22:21 Epstein með nokkur beinbrot í hálsi Sérfræðingar segja Washington Post að beinbrotin geti átt sér stað þegar fólk hengir sig en séu algengari þegar það er kyrkt. 15. ágúst 2019 11:57 Mest lesið Brynjar ákærður fyrir að brjóta á fleiri stúlkum Innlent Hefur þrisvar komið að 13 ára syni sínum meðvitundarlausum Innlent Segir Vinstri græn ekki styðja frekari breytingar á útlendingalögum Innlent Vísar á bug tillögum um frið í skiptum fyrir úkraínskt land Erlent Hvers vegna er skiltið í Kúrlandi svo hátt uppi? Innlent Samherjaskipstjórinn segir málinu ekki lokið Innlent Líklega verði flett ofan af fleirum í rannsókn á brotum Diddy Innlent „Þetta má aldrei gerast aftur“ Innlent Sextán ára dómur fyrir manndráp í Drangahrauni stendur Innlent Um 100 þúsund fjár slátrað á Selfossi Innlent Fleiri fréttir Vísar á bug tillögum um frið í skiptum fyrir úkraínskt land Ákærður fyrir mútuþægni og fjársvik Þingmaður sagði fólki frá Haítí að „drulla sér“ frá Bandaríkjunum Lögðu hald á síma borgarstjórans Sendir Patriot, svifsprengjur og skotfæri til Úkraínu Nákvæmasta kortið af Vetrarbrautinni til þessa Sýknaður eftir meira en 50 ár á dauðadeild Segir tortímingu eða uppgjöf Hezbollah einu lausnina Alríkisákærur gefnar út á hendur borgarstjóra New York Hótar að beita kjarnorkuvopnum gegn árás með hefðbundnum vopnum Vinna að þriggja vikna vopnahléi á milli Ísrael og Hezbollah Selenskí varar við „kjarnorku hörmung“ Loftárásum ætlað að undirbúa mögulega innrás „Virkið“ Vuhledar að falli komið Skutu skotflaug í Kyrrhafið í fyrsta sinn í rúm fjörutíu ár Manngerð hlýnun gerði flóðin í Evrópu tvöfalt líklegri en ella Unnu spellvirki á finnska þinghúsinu til að mótmæla móvinnslu Hútar vilja háþróaðar stýriflaugar frá Rússum Combs sakaður um enn eina kynferðisárásina Infowars á uppboð í nóvember upp í skuld við syrgjandi fjölskyldur Starfsmenn Boeing sagðir hafna tilboði um 30 prósent launahækkun Sakar Hezbollah um að leiða Líbanon „að hyldýpinu“ Sonur tilræðismannsins handtekinn vegna barnaníðsefnis Með þrjú flugmóðurskip á sjó í fyrsta sinn Enn einn leiðtogi Hezbollah felldur Þreföldun á endurnýjanlegri orkuframleiðslu innan seilingar Skutu viðvörunarskotum að norsku skipi í norskri lögsögu Demókratar uggandi yfir niðurstöðum skoðanakannana „Sterk Úkraína mun neyða Pútín að samningaborðinu“ Halda árásum áfram og beina sjónum að eldflaugastæðum Hezbollah Sjá meira
Fyrir rúmum tveimur áratugum festi viðskiptajöfurinn og kynferðisafbrotamaðurinn Jeffrey Epstein kaup á lítilli eyju sem tilheyrir Bandarísku Jómfrúaeyjunum, Little St. James Island. Heimamenn á nærliggjandi eyjum sögðu þá við héraðsmiðla að miklar breytingar væru að verða á eyjunni við eigendaskiptin; gróðri var rutt burt, bandarískir fánar blöktu við hún og öryggisverðir stóðu vörð um strandlínuna.Barnaníðseyjan Little St. James Island hefur undanfarið verið einstaklega áberandi í fjölmiðlum eftir að meint kynferðisbrot Epsteins komust í hámæli. Eyjan hefur verið uppnefnd Svalleyjan, Barnaníðseyjan og Eyja syndanna. Bloomberg greinir frá því að sjálfur hafi Epstein viljað kallað eyjuna Little St. Jeff’s. Þó að umtal um eyjuna alræmdu hafi að mestu verið byggt á orðrómi undanfarin ár verður að teljast líklegt að frekara ljósi verði varpað á staðreyndir málsins á næstunni, en á mánudag réðust tugir alríkislögreglumanna inn á heimili Epsteins á eyjunni til þess að afla sér frekari gagna um þær alvarlegu sakir sem bornar hafa verið á hann og samverkafólk hans, meðal annars Ghislaine Maxwell. Sú er talin hafa sigtað út ungar stúlkur sem hún seldi svo mansali. Maxwell er dóttir Ians Roberts Maxwell sem var um tíma þingmaður og fyrirferðarmikill í bresku viðskiptalífi, en eftir dauða hans kom í ljós að veldið var byggt á sandi. Hann hafði stolið hundruðum milljóna punda úr rekstrinum og veldið hrundi skömmu eftir dauða hans, þrátt fyrir tilraunir barna hans til að endurreisa viðskiptaveldi föður síns.Frá Litlu St. James-eyju.Yngstu tólf ára Samkvæmt heimildum Miami Herald raðaði Epstein í kringum sig dyggum samstarfsfélögum á eyjunni sem seldu stúlkur mansali, þær yngstu sem vitað er um um 12 ára aldur, til vændiskaupenda. Þeim stúlkum og konum sem stigið hafa fram og sagst fórnarlömb Epsteins og félaga á eyjunni illræmdu ber saman um að þær hafi verið þvingaðar til kynferðislegra athafna og í sumum tilvikum haldið í gíslingu. Sarah Ransome, sem hefur sakað Epstein um að þvinga sig til samræðis við frægan lögmann, Alan Dershowitz, þegar hún var á tvítugsaldri, lýsti því að hafa reynt að flýja af eyjunni með því að synda á brott. Hún lýsti því að hópur manna, þar á meðal Epstein og Maxwell, hefði fundið hana og komið henni fyrir á eyjunni á ný. Hún lýsti því hvernig þau tóku af henni vegabréfið til að aftra henni för. Fleiri stúlkur hafa lýst sambærilegri framkomu af hálfu Epsteins og félaga. Enn fleiri stúlkur og starfsmenn í kringum þá ólöglegu og óhugnanlegu starfsemi sem fram fór á eyjunni hafa lýst því að vegabréf hafi verið gerð upptæk og lýst því að fjöldi stúlkna undir lögaldri hafi gengið um eyjuna fáklæddur. Dershowitz er þekktastur fyrir að hafa verið hluti lögfræðiteymis O.J. Simpson, þegar sá síðarnefndi var sýknaður eftir að hafa verið gefið að sök að hafa myrt fyrrverandi eiginkonu sína og vin hennar.Epstein fannst látinn í fangaklefa sínum um síðustu helgi. Réttarlæknir New York-borgar greindi frá því í gær að krufning hefði staðfest að hann hefði hengt sig.Fréttablaðið/EpsteinLifði í vellystingum í afplánun Atvinnumálaráðherra Bandaríkjanna, Alex Acosta, sagði embætti sínu lausu á dögunum vegna tengsla við mál Epsteins, en hann starfaði sem saksóknari í Flórída þegar Epstein var til rannsóknar hjá alríkislögreglunni fyrir rúmum áratug vegna ásakana um kynferðisbrot á stúlkum undir lögaldri og gruns um mansal. Acosta hafði milligöngu um samning sem gerður var við Epstein í leyni. Þannig var samið um að Epstein sæti inni í 13 mánuði fyrir minni brot og í staðinn var rannsókn á málum hans hætt. Epstein átti yfir höfði sér lífstíðarfangelsi á þessum tíma. Á meðan lögfræðiteymi Epsteins vann að samningnum var auðjöfurinn hins vegar önnum kafinn við að gera upp eignir sínar á eyjunni. Á þessum tíma byggði hann heilsulind, nýtt eldhús, tvö gestaherbergi og stofu sem leiddi niður kjallara inn á eins konar leiksvið á setri hans á Svalleyjunni.Stórir leikmenn hjá Epstein Virginia Roberts, ein þeirra sem saka Epstein um að hafa haldið sér föngnum, sagði lögmönnum sínum í viðtali árið 2011 að hún hefði séð fyrrverandi forseta Bandaríkjanna, Bill Clinton, á gangi með tveimur ungum stúlkum á eyjunni. Clinton hefur neitað ásökununum og kveðst aldrei hafa stigið fæti á eyjuna. Það er hins vegar óumdeilt að Bill Clinton var vinur Epsteins, flaug oft með lúxusþotu hans og heimsótti hann til Little St. James eyjunnar. Ásakanir gegn Andrew Bretaprins er að finna í skjölum vegna málsóknar á hendur Epstein. Einn þolenda Epsteins greindi frá því fyrir dómi að Epstein hefði haldið sér sem kynlífsþræl á árunum 1999 til 2002 og lánað sig út til valdamikilla manna, meðal annars breska prinsins. Þá hefur komið í ljós að Epstein lánaði fyrrverandi eiginkonu Andrews, Söruh Ferguson, 24.000 pund til að greiða upp skuldir sínar. Donald Trump, forseti Bandaríkjanna, er nágranni hans á Palm Beach. Hann flaug eins og margir í einkaþotu Epsteins og hefur verið orðaður við heimsóknir til eyjunnar.Epstein með Donald og Melaniu Trump, þá Knauss, í Mar-a-Lago-klúbbi Trump á Flórída árið 2000. Við hlið Epstein er Ghislaine Maxwell sem hefur verið bendluð við glæpi hans.FréttablaðiðSamsæriskenningarnar Epstein var 66 ára gamall þegar hann fannst látinn í klefa sínum í Metropolitan-fangelsinu á Manhattan. Hann horfði fram á langan dóm og að mæta þolendum sínum í réttarsal undir smásjá alheimspressunnar. Hann var meðvitaður um að hann myndi í þetta sinn ekki njóta forréttinda. Af þeim sökum er talið líklegt að hann hafi fyrirfarið sér. Það voru lögfræðingar Epsteins sem báðu um að hann yrði tekinn af sjálfsmorðsvakt í fangelsinu. Og það þrátt fyrir að hann fáeinum vikum áður hefði misst meðvitund í klefanum og þá með áverka á hálsi. Margar samsæriskenningar hafa litið dagsins ljós í kjölfar dauða Epsteins og þær spretta úr frjóum jarðvegi enda slapp hann vel frá fyrri brotum sínum. Þá vekur það spurningar hvers vegna ekki var nægjanlegt eftirlit með Epstein daginn sem hann lést. Fangaverðirnir sem gættu hans hafa verið reknir og fangelsisstjórinn færður til í starfi. Borgarstjóri New York, Bill de Blasio, sagði stuttu eftir andlát Epsteins að það væri „aðeins of heppilegt“ fyrir ákveðna einstaklinga að hann væri látinn. Hann gæti ekki lengur ljóstrað því upp hverjum hann hefði veitt aðgang að stúlkunum sem hann níddist á. „Það sem mörg okkar vilja vita er, hvað vissum við í raun og veru mikið?“ sagði borgarstjórinn við fjölmiðla í Bandaríkjunum. „Hversu margir aðrir milljarðamæringar tóku þátt í ólöglegri starfsemi hans? Þær upplýsingar dóu ekki með Jeffrey Epstein. Það þarf að rannsaka þetta nánar.“
Bandaríkin Birtist í Fréttablaðinu Jeffrey Epstein Tengdar fréttir Sváfu á verðinum þegar Epstein svipti sig lífi Fangaverðir gætu ekki að Epstein í fangelsinu í þrjár klukkustundir því þeir voru sofandi. Þeir fölsuðu síðan skjöl til að fela mistök sín. 14. ágúst 2019 10:35 Staðfest að Epstein framdi sjálfsvíg Réttarlæknir staðfesti í dag að Jeffrey Epstein hafi látist sökum sjálfsvígs. 16. ágúst 2019 22:21 Epstein með nokkur beinbrot í hálsi Sérfræðingar segja Washington Post að beinbrotin geti átt sér stað þegar fólk hengir sig en séu algengari þegar það er kyrkt. 15. ágúst 2019 11:57 Mest lesið Brynjar ákærður fyrir að brjóta á fleiri stúlkum Innlent Hefur þrisvar komið að 13 ára syni sínum meðvitundarlausum Innlent Segir Vinstri græn ekki styðja frekari breytingar á útlendingalögum Innlent Vísar á bug tillögum um frið í skiptum fyrir úkraínskt land Erlent Hvers vegna er skiltið í Kúrlandi svo hátt uppi? Innlent Samherjaskipstjórinn segir málinu ekki lokið Innlent Líklega verði flett ofan af fleirum í rannsókn á brotum Diddy Innlent „Þetta má aldrei gerast aftur“ Innlent Sextán ára dómur fyrir manndráp í Drangahrauni stendur Innlent Um 100 þúsund fjár slátrað á Selfossi Innlent Fleiri fréttir Vísar á bug tillögum um frið í skiptum fyrir úkraínskt land Ákærður fyrir mútuþægni og fjársvik Þingmaður sagði fólki frá Haítí að „drulla sér“ frá Bandaríkjunum Lögðu hald á síma borgarstjórans Sendir Patriot, svifsprengjur og skotfæri til Úkraínu Nákvæmasta kortið af Vetrarbrautinni til þessa Sýknaður eftir meira en 50 ár á dauðadeild Segir tortímingu eða uppgjöf Hezbollah einu lausnina Alríkisákærur gefnar út á hendur borgarstjóra New York Hótar að beita kjarnorkuvopnum gegn árás með hefðbundnum vopnum Vinna að þriggja vikna vopnahléi á milli Ísrael og Hezbollah Selenskí varar við „kjarnorku hörmung“ Loftárásum ætlað að undirbúa mögulega innrás „Virkið“ Vuhledar að falli komið Skutu skotflaug í Kyrrhafið í fyrsta sinn í rúm fjörutíu ár Manngerð hlýnun gerði flóðin í Evrópu tvöfalt líklegri en ella Unnu spellvirki á finnska þinghúsinu til að mótmæla móvinnslu Hútar vilja háþróaðar stýriflaugar frá Rússum Combs sakaður um enn eina kynferðisárásina Infowars á uppboð í nóvember upp í skuld við syrgjandi fjölskyldur Starfsmenn Boeing sagðir hafna tilboði um 30 prósent launahækkun Sakar Hezbollah um að leiða Líbanon „að hyldýpinu“ Sonur tilræðismannsins handtekinn vegna barnaníðsefnis Með þrjú flugmóðurskip á sjó í fyrsta sinn Enn einn leiðtogi Hezbollah felldur Þreföldun á endurnýjanlegri orkuframleiðslu innan seilingar Skutu viðvörunarskotum að norsku skipi í norskri lögsögu Demókratar uggandi yfir niðurstöðum skoðanakannana „Sterk Úkraína mun neyða Pútín að samningaborðinu“ Halda árásum áfram og beina sjónum að eldflaugastæðum Hezbollah Sjá meira
Sváfu á verðinum þegar Epstein svipti sig lífi Fangaverðir gætu ekki að Epstein í fangelsinu í þrjár klukkustundir því þeir voru sofandi. Þeir fölsuðu síðan skjöl til að fela mistök sín. 14. ágúst 2019 10:35
Staðfest að Epstein framdi sjálfsvíg Réttarlæknir staðfesti í dag að Jeffrey Epstein hafi látist sökum sjálfsvígs. 16. ágúst 2019 22:21
Epstein með nokkur beinbrot í hálsi Sérfræðingar segja Washington Post að beinbrotin geti átt sér stað þegar fólk hengir sig en séu algengari þegar það er kyrkt. 15. ágúst 2019 11:57