Forseti PSG: Real veit að Neymar er ekki til sölu og Mbappe er goðsögn hjá PSG

Nasser Al-Khelaifi, forseti franska stórliðsins PSG, leiðist ekkert að tjá sig og nú hefur hann sagt að Real Madrid viti það mæta vel að Neymar sé ekki til sölu.

Framtíð Brasilíumannsins hefur verið mikið í umræðunni síðustu vikur og mánuði en hann var keyptur fyrir fúlgu fjár til Parísarliðsins sumarið 2017.

Real Madrid hefur ekki gengið sem skildi það sem af er leiktíðinni og er sagt vilja klófesta þennan 27 ára gamla framherja en forsetinn segir að þeir viti að hann sé keki til.

„Hvorki Real Madrid né önnur félög þurfa að hringja í okkur útaf Neymar eða öðrum leikmanni. Real veit það að hann er ekki til söu og að hann muni ekki fara í sumar. Við erum í góðu sambandi við Neymar og faðir hans og það mun lifa lengi,“ sagði hann við Marca.

Þegar hann var aðspurður hvort að hann væri áhyggjufullur um að Neymar eða aðrar stórstjörnur eins og Kylian Mbappe leiti annað eftir tímabilið stóð ekki á svörum hjá Nasser:

„Önnur félög ættu að vera þau sem óttast því bestu leikmennirnir búa í París, borg sem þeir elska og spila fyrir PSG, mesta nútímafélaginu í boltanum sem hentar þeirra metnaði.“

„Kylian er orðinn goðsögn hjá félagi. Það sem hann hefur gert einungis tvítugur er magnað; vinna Meistaradeildina og vera einn af fimm bestu leikmönnum í heimi ásamt Neymar.“

„Það elska hann allir hérna í París og hann er heima hjá sér. Hann veit að hann getur náð öllu sem hann langar í hjá PSG. Sambandið milli PSG og Mbappe er gott og sterkt,“ sagði forsetinn líflegi að lokum.