OPEC-samtökin draga enn úr olíuframboði

Olíuútflutningsríkin í OPEC-samtökunum ætla að draga enn úr framboði á olíu, eftir að hafa ákveðið tveggja milljóna tunna samdrátt á dag, í síðustu viku.

Öllum að óvörum hélt olíuverð áfram að lækka á heimsmarkaði þrátt fyrir samdráttinn, þannig að OPEC ákvað í gær að draga enn frekar úr framleiðslunni. Ekki hefur enn verið gefið upp hversu mikið það verður, en OPEC-ríkin framleiða um það bil 40 prósent allrar olíu á heimsmarkaði.