Fær loksins milljón króna hægindastólinn sem hún keypti með inneignarnótum Kristín Ólafsdóttir skrifar 3. desember 2020 18:13 Eames-hægindastóll með svörtu leðuráklæði og palísander-viði, líkt og sá sem konan keypti í ágúst 2018. Penninn Héraðsdómur Reykjavíkur dæmdi Pennann ehf. í síðustu viku til að afhenda konu milljón króna hægindastól, sem hún greiddi nær alfarið fyrir með inneignarnótum og gjafabréfi. Penninn vildi ekki afhenda konunni stólinn og bar því fyrir sig að konan hefði fengið inneignarnóturnar með „óeðlilegum hætti“ á skiptibókamarkaði, auk þess sem þær mætti ekki nota til húsgagnakaupa. Konan höfðaði mál á hendur Pennanum í lok október í fyrra. Penninn höfðaði svo gagnsök í málinu á hendur konunni í nóvember sama ár. Vildi fá stólinn eða endurgreitt Konan krafðist þess að Penninn yrði dæmdur til að afhenda henni hægindastól af gerðinni Eames Lounge Chair „úr palisander-viði og með svörtu leðuráklæði“, líkt og segir í dómi. Til vara krafðist hún þess að kaupum hennar á stólnum yrði rift og henni endurgreidd rúm ein milljón króna. Penninn krafðist þess að viðurkennt yrði að honum væri óskylt að afhenda hægindastólinn, auk þess sem viðurkennt yrði að konunni væri skylt að fá endurgreiðslu í formi inneignarnóta að upphæð 552.715 krónur, gjafabréf upp á 465.506 krónur og peningagreiðslu að fjárhæð 18.613 krónur. Safnaði upp í inneignina með sölu á skiptibókamarkaði Málið er rakið í dómi en þar kemur fram að konan hafi keypt umræddan Eames-hægindastól að andvirði 1.152.038 krónur í ágúst 2018. Hún fékk 10 prósent afslátt af stólnum og kaupverðið því 1.036.834 krónur. Konan greiddi fyrir stólinn með gjafabréfi að áðurnefndri fjárhæð, inneignarnótum eins og áður var getið og restina, 18.613 krónur, með greiðslukorti. Enginn fyrirvari var gerður við greiðsluna og gefinn var út sölureikningur fyrir kaupunum. Þá liggur fyrir að inneignarnótur konunnar voru tilkomnar vegna notaðra skólabóka sem hún seldi á skiptibókamarkaði. Gjafabréfið sem konan nýtti komst í vörslu hennar sem vinningur í happdrætti en hún lagði einnig inn á það aðrar inneignarnótur sínar hjá fyrirtækinu. Illa gekk að fá skýringar Konan sagðist svo hafa fengið veður af því í nóvember 2018 að eitthvert vandamál væri til staðar sem hindraði afhendingu hægindastólsins, sem sérpanta þurfti frá útlöndum. Hún kvaðst ekki hafa fengið á því haldbærar skýringar. Loks hefðu stjórnendur Pennans tjáð henni í janúar 2019 að ekki stæði til að afhenda henni stólinn. Verslun Pennans í Skeifunni, þar sem húsgögn eru í forgrunni.Penninn Konan byggði kröfu sína á því að hún hefði greitt fyrir stólinn og gerður hefði verið kaupsamningur, sem fari samkvæmt ákvæðum laga um lausafjárkaup. Þá var því lýst að ítrekað hefði verið gengið á eftir því við forsvarsmenn Pennann að þeir útskýrðu afstöðu sína í málinu en illa hefði gengið að fá hana fram. „Aðeins hafi verið gefnar munnlegar skýringar sem gangi út á það að gagnstefnandi telji inneignarnótur og gjafabréf aðalstefnanda ekki gildar til notkunar í viðskiptunum,“ segir í dómi. Þá hefði Penninn aldrei sagt konunni frá neinum fyrirvörum eða athugasemdum við kaupin á stólnum að fyrra bragði. Þvert á skilareglur Pennans Penninn mótmælti alfarið málatilbúnaði konunnar og taldi „ekki nokkur einustu skilyrði fyrir því að fallast á kröfur“ hennar, að því er segir í dómi. Penninn hélt því m.a. fram að það væri stefna fyrirtækisins að eiga ekki viðskipti líkt og þau sem málið snerist um, „þar sem tilraun sé gerð til kaupa á verðmætu húsgagni með því að nýta fjöldamargar inneignarnótur vegna bókaskila sem fengnar hafi verið með óeðlilegum hætti á skiptibókamarkaði námsmanna“. Þetta færi þvert á skilareglur Pennans, auk þess sem inneignarnótur væri ekki hægt að nota milli verslana og aðeins til kaupa á smásöluvöru, ekki vörum í húsgagnadeild. Þá hefði það verið fyrir mistök starfsmanns sem konan hefði fengið inneignarnótur færðar inn á gjafabréf. Konan í góðri trú Dómurinn komst að þeirri niðurstöðu að konan hefði ekki „misnotað“ skiptibókamarkað Pennans með því að selja þar margar bækur og safna inneignarnótum. Þá hefði Pennanum ekki tekist að sýna fram á að óheimilt hafi verið að greiða með inneignarnótum í húsgagnadeildinni. Ekki væri annað séð en að konan hefði þar verið í góðri trú og tekið hefði verið við nótunum án fyrirvara. Dómurinn mat það einnig svo að skilareglur Pennans væru óskýrar og fyrirtækið þyrfti að bera hallann af því. Penninn var að endingu dæmdur til að afhenda konunni Eames-hægindastólinn og konan sýknuð af dómkröfum í gagnsök. Þá var Pennanum gert að greiða konunni 850 þúsund krónur í málskostnað. Dómsmál Neytendur Mest lesið Flytur fyrirtækin vegna löggjafar um trans börn Viðskipti erlent Áföstu tapparnir stóðust ekki gæðapróf Neytendur „Sérkennileg“ hækkun íbúðaverðs á tímum hárra vaxta Viðskipti innlent Leiguverð heldur áfram að hækka Viðskipti innlent Taylor Swift talin valda verðbólgu í Bretlandi Viðskipti erlent „Það er verið að ríkisvæða húsnæðismarkaðinn“ Viðskipti innlent Umferðarofsi stofnar vegfarendum í hættu Samstarf Leggja upp laupana í Lundúnum Viðskipti innlent Níu holu golfvöllur á gamalli landnámsjörð Samstarf Fasteignakaup fjárfesta vísbending um að fasteignaverð haldi áfram að hækka Viðskipti innlent Fleiri fréttir Áföstu tapparnir stóðust ekki gæðapróf Dýr smjörvi á Egilsstöðum vekur mikla athygli Ólöglegt bleikiefni í hveitinu Búið að afvopna neytendur Ósáttur með sætin og fær milljón endurgreidda Helmingaði kostnaðinn við matarinnkaup Í áfalli yfir dýrari dekkjum og Hlöllabát Ómar fær fyrir ferðina Verðskrá Lufthansa hækkar vegna nýs umhverfisgjalds Sex fyrirtæki sektuð vegna nikotínauglýsinga Senda tækið til útlanda til skoðunar og vilja endurgreiða Steinunni Þrjú þúsund krónur fyrir ferð í parísarhjólið Selja eintómt brauð á 3.190 krónur Meðalheildarlaun 935 þúsund og hæst hjá ríkinu Tæpar 2500 krónur fyrir litla samloku á Geysi Festi fær að kaupa Lyfju Blár Opal seldist á fimmtán þúsund Hinn almenni borgari þurfi ekki að dæla í sig steinefnum MAST varar við ólöglegu innihaldsefni í fæðubótarefni „Sársaukafullt að sjá“ IKEA vasa dýrari í Góða hirðinum „Rétturinn til viðgerðar“ væntanlegur til landsins Borgar 760 þúsund fyrir flísalögn sem átti að kosta þrjár milljónir Pepsíunnandi til margra ára kveður drykkinn eftir breytinguna „Það sem þú greiðir niður, það kemur aldrei aftur“ Vísar ásökunum um „vopnaðan frið“ um verðlag á bug Aldrei verið minna af sykri í íslensku Pepsí Landsnet skuldar Landsvirkjun 2,4 milljarða Keypti gallaðan kveikjara og fær 50 þúsund krónur Landsvirkjun vann og neytendur borga brúsann Reykjavík Marketing sektað vegna fullyrðinga um vörur frá Lifewave Sjá meira
Konan höfðaði mál á hendur Pennanum í lok október í fyrra. Penninn höfðaði svo gagnsök í málinu á hendur konunni í nóvember sama ár. Vildi fá stólinn eða endurgreitt Konan krafðist þess að Penninn yrði dæmdur til að afhenda henni hægindastól af gerðinni Eames Lounge Chair „úr palisander-viði og með svörtu leðuráklæði“, líkt og segir í dómi. Til vara krafðist hún þess að kaupum hennar á stólnum yrði rift og henni endurgreidd rúm ein milljón króna. Penninn krafðist þess að viðurkennt yrði að honum væri óskylt að afhenda hægindastólinn, auk þess sem viðurkennt yrði að konunni væri skylt að fá endurgreiðslu í formi inneignarnóta að upphæð 552.715 krónur, gjafabréf upp á 465.506 krónur og peningagreiðslu að fjárhæð 18.613 krónur. Safnaði upp í inneignina með sölu á skiptibókamarkaði Málið er rakið í dómi en þar kemur fram að konan hafi keypt umræddan Eames-hægindastól að andvirði 1.152.038 krónur í ágúst 2018. Hún fékk 10 prósent afslátt af stólnum og kaupverðið því 1.036.834 krónur. Konan greiddi fyrir stólinn með gjafabréfi að áðurnefndri fjárhæð, inneignarnótum eins og áður var getið og restina, 18.613 krónur, með greiðslukorti. Enginn fyrirvari var gerður við greiðsluna og gefinn var út sölureikningur fyrir kaupunum. Þá liggur fyrir að inneignarnótur konunnar voru tilkomnar vegna notaðra skólabóka sem hún seldi á skiptibókamarkaði. Gjafabréfið sem konan nýtti komst í vörslu hennar sem vinningur í happdrætti en hún lagði einnig inn á það aðrar inneignarnótur sínar hjá fyrirtækinu. Illa gekk að fá skýringar Konan sagðist svo hafa fengið veður af því í nóvember 2018 að eitthvert vandamál væri til staðar sem hindraði afhendingu hægindastólsins, sem sérpanta þurfti frá útlöndum. Hún kvaðst ekki hafa fengið á því haldbærar skýringar. Loks hefðu stjórnendur Pennans tjáð henni í janúar 2019 að ekki stæði til að afhenda henni stólinn. Verslun Pennans í Skeifunni, þar sem húsgögn eru í forgrunni.Penninn Konan byggði kröfu sína á því að hún hefði greitt fyrir stólinn og gerður hefði verið kaupsamningur, sem fari samkvæmt ákvæðum laga um lausafjárkaup. Þá var því lýst að ítrekað hefði verið gengið á eftir því við forsvarsmenn Pennann að þeir útskýrðu afstöðu sína í málinu en illa hefði gengið að fá hana fram. „Aðeins hafi verið gefnar munnlegar skýringar sem gangi út á það að gagnstefnandi telji inneignarnótur og gjafabréf aðalstefnanda ekki gildar til notkunar í viðskiptunum,“ segir í dómi. Þá hefði Penninn aldrei sagt konunni frá neinum fyrirvörum eða athugasemdum við kaupin á stólnum að fyrra bragði. Þvert á skilareglur Pennans Penninn mótmælti alfarið málatilbúnaði konunnar og taldi „ekki nokkur einustu skilyrði fyrir því að fallast á kröfur“ hennar, að því er segir í dómi. Penninn hélt því m.a. fram að það væri stefna fyrirtækisins að eiga ekki viðskipti líkt og þau sem málið snerist um, „þar sem tilraun sé gerð til kaupa á verðmætu húsgagni með því að nýta fjöldamargar inneignarnótur vegna bókaskila sem fengnar hafi verið með óeðlilegum hætti á skiptibókamarkaði námsmanna“. Þetta færi þvert á skilareglur Pennans, auk þess sem inneignarnótur væri ekki hægt að nota milli verslana og aðeins til kaupa á smásöluvöru, ekki vörum í húsgagnadeild. Þá hefði það verið fyrir mistök starfsmanns sem konan hefði fengið inneignarnótur færðar inn á gjafabréf. Konan í góðri trú Dómurinn komst að þeirri niðurstöðu að konan hefði ekki „misnotað“ skiptibókamarkað Pennans með því að selja þar margar bækur og safna inneignarnótum. Þá hefði Pennanum ekki tekist að sýna fram á að óheimilt hafi verið að greiða með inneignarnótum í húsgagnadeildinni. Ekki væri annað séð en að konan hefði þar verið í góðri trú og tekið hefði verið við nótunum án fyrirvara. Dómurinn mat það einnig svo að skilareglur Pennans væru óskýrar og fyrirtækið þyrfti að bera hallann af því. Penninn var að endingu dæmdur til að afhenda konunni Eames-hægindastólinn og konan sýknuð af dómkröfum í gagnsök. Þá var Pennanum gert að greiða konunni 850 þúsund krónur í málskostnað.
Dómsmál Neytendur Mest lesið Flytur fyrirtækin vegna löggjafar um trans börn Viðskipti erlent Áföstu tapparnir stóðust ekki gæðapróf Neytendur „Sérkennileg“ hækkun íbúðaverðs á tímum hárra vaxta Viðskipti innlent Leiguverð heldur áfram að hækka Viðskipti innlent Taylor Swift talin valda verðbólgu í Bretlandi Viðskipti erlent „Það er verið að ríkisvæða húsnæðismarkaðinn“ Viðskipti innlent Umferðarofsi stofnar vegfarendum í hættu Samstarf Leggja upp laupana í Lundúnum Viðskipti innlent Níu holu golfvöllur á gamalli landnámsjörð Samstarf Fasteignakaup fjárfesta vísbending um að fasteignaverð haldi áfram að hækka Viðskipti innlent Fleiri fréttir Áföstu tapparnir stóðust ekki gæðapróf Dýr smjörvi á Egilsstöðum vekur mikla athygli Ólöglegt bleikiefni í hveitinu Búið að afvopna neytendur Ósáttur með sætin og fær milljón endurgreidda Helmingaði kostnaðinn við matarinnkaup Í áfalli yfir dýrari dekkjum og Hlöllabát Ómar fær fyrir ferðina Verðskrá Lufthansa hækkar vegna nýs umhverfisgjalds Sex fyrirtæki sektuð vegna nikotínauglýsinga Senda tækið til útlanda til skoðunar og vilja endurgreiða Steinunni Þrjú þúsund krónur fyrir ferð í parísarhjólið Selja eintómt brauð á 3.190 krónur Meðalheildarlaun 935 þúsund og hæst hjá ríkinu Tæpar 2500 krónur fyrir litla samloku á Geysi Festi fær að kaupa Lyfju Blár Opal seldist á fimmtán þúsund Hinn almenni borgari þurfi ekki að dæla í sig steinefnum MAST varar við ólöglegu innihaldsefni í fæðubótarefni „Sársaukafullt að sjá“ IKEA vasa dýrari í Góða hirðinum „Rétturinn til viðgerðar“ væntanlegur til landsins Borgar 760 þúsund fyrir flísalögn sem átti að kosta þrjár milljónir Pepsíunnandi til margra ára kveður drykkinn eftir breytinguna „Það sem þú greiðir niður, það kemur aldrei aftur“ Vísar ásökunum um „vopnaðan frið“ um verðlag á bug Aldrei verið minna af sykri í íslensku Pepsí Landsnet skuldar Landsvirkjun 2,4 milljarða Keypti gallaðan kveikjara og fær 50 þúsund krónur Landsvirkjun vann og neytendur borga brúsann Reykjavík Marketing sektað vegna fullyrðinga um vörur frá Lifewave Sjá meira