Bjarni Benediktsson: „Alveg ljóst að það er þungt undir fæti hjá ríkisstjórninni“ Birta Björnsdóttir skrifar 4. apríl 2016 20:01 Vantrauststillaga stjórnarandstöðunnar og framhald á stjórnarsamstarfinu vegna Wintris-málsins var meðal þess sem rætt var á þingflokksfundi Sjálfstæðisflokksins fyrr í dag. Bjarni Benediktsson fjármálaráðherra segist ekki lýsa yfir trausti eða vantrausti á forsætisráðherra eftir pöntunum. Fram hefur komið að Bjarni tengist sjálfur félaginu Falson & co. sem skráð er á Seychelles-eyjum. Eruþetta ekkióheppilegar upplýsingar sem koma fram fyrir starfandi fjármálaráðherra? „Jú, eflaust má segja að þetta sé óheppilegt,“ segir Bjarni. „Ég legg áherslu á að þetta var á þeim tíma sem ég var ekki orðinn ráðherra. Fjárfestingin átti sér stað áður en ég varð formaður Sjálfstæðisflokksins. Þetta voru einföld viðskipti, fasteignaviðskipti. Kaup áttu sér stað. Síðar var gengið út úr kaupunum og endurgreiðsla átti sér stað. Það átti sér aldrei stað nokkur starfsemi í félaginu. Það sem er óheppilegt er að maður þurfi að vera að skýra þetta tiltölulega einfalda mál mörgum mörgum árum síðar. Ég get ekki annað sagt.“ Aðspurður segist Bjarni ekki hafa íhugað stöðu sína sem fjármálaráðherra í kjölfar upplýsinganna. „Nei, ég er nú með hugann við stöðu ríkisstjórnarinnar,“ segir hann. „Ég er auðvitað með hugann við það að ég finn fyrir bylgju óánægju og er að reyna að átta mig á því hvernig úr þessu þarf að spilast.“ Sjálfstæðisflokkurinn fundaði fyrr í dag og tók Bjarni þátt í fundinum í gegnum síma.Hvernig horfir máliðviðykkur Sjálfstæðismönnum gagnvart samstarfsflokknumíríkisstjórninni?„Á þessum fundi í dag vorum við fyrst og fremst að skiptast á skoðunum og leggja mat á stöðu ríkisstjórnarinnar,“ segir Bjarni. „Það er auðvitað alveg ljóst að það er þungt undir fæti hjá ríkisstjórninni í augnablikinu. Að hluta til kallar fólk eftir frekari skýringum. Ég hef lagt mig fram um að veita þær eins mikið og ég get. Ég tel að ég hafi algjörlega gert grein fyrir því sem að mér snýr. En eftir situr þung umræða um stöðu ríkisstjórnarinnar. Stóra spurningin er núna, og ekki síst eftir að vantrauststillagan hefur verið lögð fram, er hvernig stjórnarflokkarnir fara í gegnum þá umræðu. Auk þess þarf að huga að þessu samstarfi í framhaldinu. Þetta er bara það sem við erum að ræða og ekkert meira um það að segja í bili. Ég held áfram að ræða við mitt fólk um leið og ég kem aftur til Íslands.“Heimdallur, félag ungra sjálfstæðismanna í Reykjavík, lýsti fyrr í dag yfir vantrausti á forsætisráðherra.Eru skiptar skoðanir innan flokksins um stöðu forsætisráðherra?„Ég ætla ekki að tala fyrir allar þær skoðanir sem kunna að vera innan flokksins um málið. Já já, eflaust eru skiptar skoðanir innan Sjálfstæðisflokksins um þessi mál öll. Mér hefur þótt mikilvægt að okkur takist að fara í gegnum þessa umræðu um mál sem snerta aflandsfélög þannig að við gerum greinamun á milli þeirra sem hafa haft allt sitt á hreinu og uppi á borðum og hafa ekki verið að fela eignir eða tekjur, og svo hinna sem nota félög og fyrirtæki af þessum toga til þess að skjóta undan og svíkja. Við verðum að geta tekið umræðuna á þeim forsendum. Það sem að mér snýr stenst alla skoðun þegar þessi mælikvarði er lagður á það. Auðvitað eru margar skoðanir innan Sjálfstæðisflokksins en ég er ekki með hugann við það. Ég er með hugann við stjórnarsamstarfið.“Enþúsjálfur, styðurþúSigmund Davíðtiláframhaldandi setuístóli forsætisráðherra?„Svona spurningum svarar maður auðvitað ekki. Það verður ekki hægt að fá neinar stuðningsyfirlýsingar frá mér, við Sigmund Davíð eða nokkurn mann, á meðan þessar aðstæður eru uppi. Stjórnarflokkarnir þurfa nú að setjast niður og leggja mat á styrkleika sinn. Ég vil meina að við höfum náð gríðarlegum árangri í okkar störfum og höfum fullan hug á að ljúka þessu kjörtímabili með sóma. Nú er komin upp staða sem þarf að bregðast við. Ég vinn ekki þannig að ég lýsi yfir trausti eða vantrausti á menn eftir pöntunum fjölmiðla eða annarra. Ég sest einfaldlega niður með þeim sem ég er að vinna með, við metum stöðuna og tökum svo ákvarðanir eftir það.“Frá mótmælum vegna málsins á Austurvelli í dag.Vísir/ErnirHafiðþiðSigmundur Davíðrætt eitthvaðsaman undanfarna sólarhringa?„Já við höfum heyrst.“ Aðspurður um vantrauststillöguna sem stjórnarandstaðan lagði fram á Alþingi í dag sagði Bjarni: „Í svona málum þurfa stjórnarflokkarnir að setjast niður og ákveða í sameiningu hvað eigi að gera. Það er það sem við erum að funda um og ræða. Það hefur skolast mikið traust undan þessari ríkisstjórn og við því þarf að bregðast. Við munum ekki stinga hausnum í sandinn til að forðast þá umræðu. Hlutirnir gerast ekki þannig á Íslandi að ríkisstjórnir falli óvænt í atkvæðagreiðslu á Alþingi.“ Bjarni átti að koma til landsins í morgun en kemur ekki fyrr en á morgun.Hefðirþúekkiþurft aðkoma til landsins fyrr?„Ég gat nú ekki vel séð það fyrir hvernig þessi atburðarás yrði öll. Mínum tíma er afskaplega vel varið þá sjaldan ég hitti börnin mín og ég skammast mín ekkert fyrir það að gefa þeim af og til nokkra daga með mér.“Að lokum, hefur þú áhyggjur af því að kastljós erlendra fjölmiðla beinist nú að Íslandi vegna málsins? „Mér þykir auðvitað slæmt þegar hvað sem varðar Ísland er sýnt í neikvæðu ljósi. Til lengri tíma hef ég ekki áhyggjur af því vegna þess að það spilast nú alltaf einhvernveginn úr þessum hlutum. En auðvitað er þetta ekkert fagnaðarefni.“ Panama-skjölin Tengdar fréttir Kemur til greina að opna bókhaldið upp á gátt Sigmundur Davíð var gestur í Ísland í dag. 4. apríl 2016 19:29 Forsætisráðherra segir Svíþjóð og Bretland vera skattaskjól "Mörg lönd hafa verið nefnd skattaskjól. Bretland, Panama, Kýpur. Svíþjóð skattaskjól Evrópu.“ sagði Sigmundur Davíð á Alþingi í dag. 4. apríl 2016 16:59 Þingfundur fellur niður á morgun Þetta kemur fram á vef Alþingis. 4. apríl 2016 17:59 Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent „Það er komið að skuldadögum“ Innlent Trump gerði lítið úr æðstu heiðursorðu bandarískra hermanna Erlent Sagði Pétri Jökli að skipta um síma í snarheitum Innlent Sérsveitin kölluð til í Urriðaholti Innlent „Þetta var bara okkar líf og nú er það farið“ Innlent Óttast að tapa bestu flúðum landsins í virkjun Innlent Pétur Jökull hljóti að vera einstaklega óheppinn Innlent Katrín gerir upp framboðið og safnar heitum Innlent Fleiri fréttir „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Keyrði á 110 á gangstétt og klessti á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Hlé vegna gagna frá ChatGPT Sjá meira
Vantrauststillaga stjórnarandstöðunnar og framhald á stjórnarsamstarfinu vegna Wintris-málsins var meðal þess sem rætt var á þingflokksfundi Sjálfstæðisflokksins fyrr í dag. Bjarni Benediktsson fjármálaráðherra segist ekki lýsa yfir trausti eða vantrausti á forsætisráðherra eftir pöntunum. Fram hefur komið að Bjarni tengist sjálfur félaginu Falson & co. sem skráð er á Seychelles-eyjum. Eruþetta ekkióheppilegar upplýsingar sem koma fram fyrir starfandi fjármálaráðherra? „Jú, eflaust má segja að þetta sé óheppilegt,“ segir Bjarni. „Ég legg áherslu á að þetta var á þeim tíma sem ég var ekki orðinn ráðherra. Fjárfestingin átti sér stað áður en ég varð formaður Sjálfstæðisflokksins. Þetta voru einföld viðskipti, fasteignaviðskipti. Kaup áttu sér stað. Síðar var gengið út úr kaupunum og endurgreiðsla átti sér stað. Það átti sér aldrei stað nokkur starfsemi í félaginu. Það sem er óheppilegt er að maður þurfi að vera að skýra þetta tiltölulega einfalda mál mörgum mörgum árum síðar. Ég get ekki annað sagt.“ Aðspurður segist Bjarni ekki hafa íhugað stöðu sína sem fjármálaráðherra í kjölfar upplýsinganna. „Nei, ég er nú með hugann við stöðu ríkisstjórnarinnar,“ segir hann. „Ég er auðvitað með hugann við það að ég finn fyrir bylgju óánægju og er að reyna að átta mig á því hvernig úr þessu þarf að spilast.“ Sjálfstæðisflokkurinn fundaði fyrr í dag og tók Bjarni þátt í fundinum í gegnum síma.Hvernig horfir máliðviðykkur Sjálfstæðismönnum gagnvart samstarfsflokknumíríkisstjórninni?„Á þessum fundi í dag vorum við fyrst og fremst að skiptast á skoðunum og leggja mat á stöðu ríkisstjórnarinnar,“ segir Bjarni. „Það er auðvitað alveg ljóst að það er þungt undir fæti hjá ríkisstjórninni í augnablikinu. Að hluta til kallar fólk eftir frekari skýringum. Ég hef lagt mig fram um að veita þær eins mikið og ég get. Ég tel að ég hafi algjörlega gert grein fyrir því sem að mér snýr. En eftir situr þung umræða um stöðu ríkisstjórnarinnar. Stóra spurningin er núna, og ekki síst eftir að vantrauststillagan hefur verið lögð fram, er hvernig stjórnarflokkarnir fara í gegnum þá umræðu. Auk þess þarf að huga að þessu samstarfi í framhaldinu. Þetta er bara það sem við erum að ræða og ekkert meira um það að segja í bili. Ég held áfram að ræða við mitt fólk um leið og ég kem aftur til Íslands.“Heimdallur, félag ungra sjálfstæðismanna í Reykjavík, lýsti fyrr í dag yfir vantrausti á forsætisráðherra.Eru skiptar skoðanir innan flokksins um stöðu forsætisráðherra?„Ég ætla ekki að tala fyrir allar þær skoðanir sem kunna að vera innan flokksins um málið. Já já, eflaust eru skiptar skoðanir innan Sjálfstæðisflokksins um þessi mál öll. Mér hefur þótt mikilvægt að okkur takist að fara í gegnum þessa umræðu um mál sem snerta aflandsfélög þannig að við gerum greinamun á milli þeirra sem hafa haft allt sitt á hreinu og uppi á borðum og hafa ekki verið að fela eignir eða tekjur, og svo hinna sem nota félög og fyrirtæki af þessum toga til þess að skjóta undan og svíkja. Við verðum að geta tekið umræðuna á þeim forsendum. Það sem að mér snýr stenst alla skoðun þegar þessi mælikvarði er lagður á það. Auðvitað eru margar skoðanir innan Sjálfstæðisflokksins en ég er ekki með hugann við það. Ég er með hugann við stjórnarsamstarfið.“Enþúsjálfur, styðurþúSigmund Davíðtiláframhaldandi setuístóli forsætisráðherra?„Svona spurningum svarar maður auðvitað ekki. Það verður ekki hægt að fá neinar stuðningsyfirlýsingar frá mér, við Sigmund Davíð eða nokkurn mann, á meðan þessar aðstæður eru uppi. Stjórnarflokkarnir þurfa nú að setjast niður og leggja mat á styrkleika sinn. Ég vil meina að við höfum náð gríðarlegum árangri í okkar störfum og höfum fullan hug á að ljúka þessu kjörtímabili með sóma. Nú er komin upp staða sem þarf að bregðast við. Ég vinn ekki þannig að ég lýsi yfir trausti eða vantrausti á menn eftir pöntunum fjölmiðla eða annarra. Ég sest einfaldlega niður með þeim sem ég er að vinna með, við metum stöðuna og tökum svo ákvarðanir eftir það.“Frá mótmælum vegna málsins á Austurvelli í dag.Vísir/ErnirHafiðþiðSigmundur Davíðrætt eitthvaðsaman undanfarna sólarhringa?„Já við höfum heyrst.“ Aðspurður um vantrauststillöguna sem stjórnarandstaðan lagði fram á Alþingi í dag sagði Bjarni: „Í svona málum þurfa stjórnarflokkarnir að setjast niður og ákveða í sameiningu hvað eigi að gera. Það er það sem við erum að funda um og ræða. Það hefur skolast mikið traust undan þessari ríkisstjórn og við því þarf að bregðast. Við munum ekki stinga hausnum í sandinn til að forðast þá umræðu. Hlutirnir gerast ekki þannig á Íslandi að ríkisstjórnir falli óvænt í atkvæðagreiðslu á Alþingi.“ Bjarni átti að koma til landsins í morgun en kemur ekki fyrr en á morgun.Hefðirþúekkiþurft aðkoma til landsins fyrr?„Ég gat nú ekki vel séð það fyrir hvernig þessi atburðarás yrði öll. Mínum tíma er afskaplega vel varið þá sjaldan ég hitti börnin mín og ég skammast mín ekkert fyrir það að gefa þeim af og til nokkra daga með mér.“Að lokum, hefur þú áhyggjur af því að kastljós erlendra fjölmiðla beinist nú að Íslandi vegna málsins? „Mér þykir auðvitað slæmt þegar hvað sem varðar Ísland er sýnt í neikvæðu ljósi. Til lengri tíma hef ég ekki áhyggjur af því vegna þess að það spilast nú alltaf einhvernveginn úr þessum hlutum. En auðvitað er þetta ekkert fagnaðarefni.“
Panama-skjölin Tengdar fréttir Kemur til greina að opna bókhaldið upp á gátt Sigmundur Davíð var gestur í Ísland í dag. 4. apríl 2016 19:29 Forsætisráðherra segir Svíþjóð og Bretland vera skattaskjól "Mörg lönd hafa verið nefnd skattaskjól. Bretland, Panama, Kýpur. Svíþjóð skattaskjól Evrópu.“ sagði Sigmundur Davíð á Alþingi í dag. 4. apríl 2016 16:59 Þingfundur fellur niður á morgun Þetta kemur fram á vef Alþingis. 4. apríl 2016 17:59 Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent „Það er komið að skuldadögum“ Innlent Trump gerði lítið úr æðstu heiðursorðu bandarískra hermanna Erlent Sagði Pétri Jökli að skipta um síma í snarheitum Innlent Sérsveitin kölluð til í Urriðaholti Innlent „Þetta var bara okkar líf og nú er það farið“ Innlent Óttast að tapa bestu flúðum landsins í virkjun Innlent Pétur Jökull hljóti að vera einstaklega óheppinn Innlent Katrín gerir upp framboðið og safnar heitum Innlent Fleiri fréttir „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Keyrði á 110 á gangstétt og klessti á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Hlé vegna gagna frá ChatGPT Sjá meira
Kemur til greina að opna bókhaldið upp á gátt Sigmundur Davíð var gestur í Ísland í dag. 4. apríl 2016 19:29
Forsætisráðherra segir Svíþjóð og Bretland vera skattaskjól "Mörg lönd hafa verið nefnd skattaskjól. Bretland, Panama, Kýpur. Svíþjóð skattaskjól Evrópu.“ sagði Sigmundur Davíð á Alþingi í dag. 4. apríl 2016 16:59