Skoða að færa KFC nær Akureyri Eiður Þór Árnason skrifar 5. júní 2021 20:00 Velta KFC á Íslandi nam tæplega 3,4 milljörðum króna árið 2019. Keðjan rekur nú átta staði hér á landi. Samsett Skyndibitakeðjan KFC er nú í viðræðum við fasteignafélagið Klettás um mögulega opnun nýs veitingastaðar við Norðurtorg á Akureyri. Viðræðurnar eru á byrjunarstigi en stjórnendur KFC hafa reynt að nema land fyrir norðan í tuttugu ár. „Það er ekki komin nein alvara í þetta en þetta eru heitar umræður myndi ég segja svo það kemur í ljós hvað við gerum,“ segir Helgi Vilhjálmsson, framkvæmdastjóri KFC, í samtali við Vísi. „Við erum búin að vera að skoða staði síðustu tíu árin en þeir sem stjórna bæjarfélaginu hafa ekkert haft áhuga á okkur,“ bætir hann við og segist hafa fundið fyrir miklum áhuga Akureyringa á sköpunarverki ofurstans. Nú er sjónum beint að lóð við Sjafnargötu 1. Reiturinn stendur í útjaðri bæjarins við hliðina á nýjum verslunarkjarna sem opnaði í gær undir nafninu Norðurtorg. Verslunarhúsnæðið er í eigu Klettáss en fasteignafélaginu var nýverið úthlutað nærliggjandi lóð við Sjafnargötu. Forsvarsmenn Klettáss höfðu frumkvæði að viðræðunum við KFC og sjá tækifæri í því að reyna að svala löngun Norðlendinga í djúpsteikt fiðurfé. Lóðin við Sjafnargötu 1 stendur nálægt þjóðvegi 1 í útjaðri Akureyrar, við hliðina á bensínstöð ÓB og hinu nýopnaða Norðurtorgi. Á myndinni sést glitta í húsnæði BM Vallár og Byggingafélagsins Hyrnu.Já.is Lengi reynt að koma sér fyrir á Akureyri Skyndibitakeðjan sóttist lengi eftir því að opna veitingastað við Drottningarbraut á Akureyri en mætti andstöðu skipulagsyfirvalda. Skipulagsnefnd Akureyrarbæjar féllst ekki á að breyta deiliskipulagi á svonefndum Drottningarbrautarreit árið 2010 til að verða við óskum KFC. Fram kom í opnu bréfi sem Helgi sendi bæjarstjórn Akureyrar skömmu síðar að tíu ár væru liðin frá því að KFC sótti fyrst um byggingarleyfi fyrir veitingastað á Akureyri. Halla Björk Reynisdóttir, forseti bæjarstjórnar á Akureyri, segir í samtali við Vísi að deiliskipulag hafi gert ráð fyrir íbúðauppbyggingu og hóteli á umræddum reit. Lóðin stendur enn auð en henni var nýverið úthlutað undir íbúðir og þjónusturekstur eftir að fallið var frá fyrirhugaðri hóteluppbyggingu. „Á þeim tíma var gert ráð fyrir miklu meira byggingamagni á reitnum en Helgi var tilbúinn til að byggja og við vildum nýta þennan reit undir meira byggingamagn til að þétta byggðina enn frekar,“ segir Halla Björk. Helgi Vilhjálmsson, framkvæmdastjóri KFC, betur þekktur sem Helgi í Góu.Vísir Sýnt atvinnuskapandi rekstri lítinn áhuga Helgi er gagnrýninn á bæjaryfirvöld og segir þau hafa lítinn áhuga á því að veita lóðir undir atvinnusköpun. Hið sama gildi í mörgum öðrum sveitarfélögum. „Það er svo skrítið með bæjarfélög að þau eru eiginlega á móti mönnum sem eru að reyna að gera eitthvað, það er mín reynsla eftir 50 ár. Við þurfum að skríða eftir því að fá lóðir undir iðnað eða fyrirtæki svo koma Ameríkanar í Garðabæ með Costco verslun og bensín og þeir fengu lóð í hvelli.“ Helgi bætir við að hann hafi einnig átt erfitt með að fá lóð á Selfossi og þurft að hafa mikið fyrir því að fá lóðir undir veitingastaði í Reykjavík og sælgætisframleiðslu Góu í Hafnarfirði. Hættur að nenna að skríða eftir lóðum „Það er stórfurðulegt að þurfa að eyða mörgum árum í fá lóð til að fá fólk í vinnu. Maður spyr sjálfan sig hvað er að bæjarfélaginu. Þeir ættu að vera inn á gafli hjá mönnum sem nenna að byggja og skaffa bæjarfélaginu tekjur og nenna að standa í þessu en það er þveröfugt. Maður er eiginlega búinn að eyðileggja á sér hnén með því að skríða eftir þessu,“ segir Helgi. Halla Björk Reynisdóttir, forseti bæjarstjórnar á Akureyri.Aðsend Halla Björk segir að reynt sé að taka vel á móti aðilum sem hafa áhuga á atvinnuuppbyggingu en þó sé ekki alltaf laust á þeim stöðum sem fólk hafi áhuga á. „Ég veit ekki betur en að sveitarfélög taki almennt vel á móti aðilum sem vilja byggja eitthvað en það er hins vegar ekki alltaf sem skipulagið er í takti við þær hugmyndir sem verktakar eða atvinnurekendur koma með og þá tekur þetta bara tíma. Lögbundið ferli er langt og það tekur tíma að breyta að skipulagi ef það er vilji til þess á annað borð.“ Ef samkomulag næst um uppbyggingu á Akureyri hyggst KFC byggja nýjan veitingastað frá grunni með bílalúgu og góðri aðstöðu fyrir löngunarfulla aðdáendur keðjunnar. „Ef maður gerir þetta þá verður það 100%, það þýðir ekkert annað,“ segir Helgi að lokum. Akureyri Veitingastaðir Skipulag Mest lesið Jón segir bull að FBI-kempa hafi óvænt bankað upp á með stefnu Viðskipti innlent Veiðir hrefnu í sumar og selur kjötið á Íslandi Viðskipti innlent Semja við Ístak um gerð mannvirkja fyrir fyrsta vindorkuver landsins Viðskipti innlent Hressilega kaótískir morgnar sem eiga það til að klikka smá Atvinnulíf Starfsfólk truflað á tveggja mínútna fresti Atvinnulíf Pizzur í stað smurbrauðs á nýrri Króníku Viðskipti innlent Gefur eftir í tollastríði við Kína Viðskipti erlent Notendur þurfi að bregðast við vilji þeir ekki að gögn verði notuð Viðskipti erlent Frumkvöðlar í áratugi: „Launalaus sjálfboðavinna fyrstu árin“ Atvinnulíf Ummæli Trumps um „meiriháttar lúser“ leggjast illa í markaðinn Viðskipti erlent Fleiri fréttir Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Sjá meira
„Það er ekki komin nein alvara í þetta en þetta eru heitar umræður myndi ég segja svo það kemur í ljós hvað við gerum,“ segir Helgi Vilhjálmsson, framkvæmdastjóri KFC, í samtali við Vísi. „Við erum búin að vera að skoða staði síðustu tíu árin en þeir sem stjórna bæjarfélaginu hafa ekkert haft áhuga á okkur,“ bætir hann við og segist hafa fundið fyrir miklum áhuga Akureyringa á sköpunarverki ofurstans. Nú er sjónum beint að lóð við Sjafnargötu 1. Reiturinn stendur í útjaðri bæjarins við hliðina á nýjum verslunarkjarna sem opnaði í gær undir nafninu Norðurtorg. Verslunarhúsnæðið er í eigu Klettáss en fasteignafélaginu var nýverið úthlutað nærliggjandi lóð við Sjafnargötu. Forsvarsmenn Klettáss höfðu frumkvæði að viðræðunum við KFC og sjá tækifæri í því að reyna að svala löngun Norðlendinga í djúpsteikt fiðurfé. Lóðin við Sjafnargötu 1 stendur nálægt þjóðvegi 1 í útjaðri Akureyrar, við hliðina á bensínstöð ÓB og hinu nýopnaða Norðurtorgi. Á myndinni sést glitta í húsnæði BM Vallár og Byggingafélagsins Hyrnu.Já.is Lengi reynt að koma sér fyrir á Akureyri Skyndibitakeðjan sóttist lengi eftir því að opna veitingastað við Drottningarbraut á Akureyri en mætti andstöðu skipulagsyfirvalda. Skipulagsnefnd Akureyrarbæjar féllst ekki á að breyta deiliskipulagi á svonefndum Drottningarbrautarreit árið 2010 til að verða við óskum KFC. Fram kom í opnu bréfi sem Helgi sendi bæjarstjórn Akureyrar skömmu síðar að tíu ár væru liðin frá því að KFC sótti fyrst um byggingarleyfi fyrir veitingastað á Akureyri. Halla Björk Reynisdóttir, forseti bæjarstjórnar á Akureyri, segir í samtali við Vísi að deiliskipulag hafi gert ráð fyrir íbúðauppbyggingu og hóteli á umræddum reit. Lóðin stendur enn auð en henni var nýverið úthlutað undir íbúðir og þjónusturekstur eftir að fallið var frá fyrirhugaðri hóteluppbyggingu. „Á þeim tíma var gert ráð fyrir miklu meira byggingamagni á reitnum en Helgi var tilbúinn til að byggja og við vildum nýta þennan reit undir meira byggingamagn til að þétta byggðina enn frekar,“ segir Halla Björk. Helgi Vilhjálmsson, framkvæmdastjóri KFC, betur þekktur sem Helgi í Góu.Vísir Sýnt atvinnuskapandi rekstri lítinn áhuga Helgi er gagnrýninn á bæjaryfirvöld og segir þau hafa lítinn áhuga á því að veita lóðir undir atvinnusköpun. Hið sama gildi í mörgum öðrum sveitarfélögum. „Það er svo skrítið með bæjarfélög að þau eru eiginlega á móti mönnum sem eru að reyna að gera eitthvað, það er mín reynsla eftir 50 ár. Við þurfum að skríða eftir því að fá lóðir undir iðnað eða fyrirtæki svo koma Ameríkanar í Garðabæ með Costco verslun og bensín og þeir fengu lóð í hvelli.“ Helgi bætir við að hann hafi einnig átt erfitt með að fá lóð á Selfossi og þurft að hafa mikið fyrir því að fá lóðir undir veitingastaði í Reykjavík og sælgætisframleiðslu Góu í Hafnarfirði. Hættur að nenna að skríða eftir lóðum „Það er stórfurðulegt að þurfa að eyða mörgum árum í fá lóð til að fá fólk í vinnu. Maður spyr sjálfan sig hvað er að bæjarfélaginu. Þeir ættu að vera inn á gafli hjá mönnum sem nenna að byggja og skaffa bæjarfélaginu tekjur og nenna að standa í þessu en það er þveröfugt. Maður er eiginlega búinn að eyðileggja á sér hnén með því að skríða eftir þessu,“ segir Helgi. Halla Björk Reynisdóttir, forseti bæjarstjórnar á Akureyri.Aðsend Halla Björk segir að reynt sé að taka vel á móti aðilum sem hafa áhuga á atvinnuuppbyggingu en þó sé ekki alltaf laust á þeim stöðum sem fólk hafi áhuga á. „Ég veit ekki betur en að sveitarfélög taki almennt vel á móti aðilum sem vilja byggja eitthvað en það er hins vegar ekki alltaf sem skipulagið er í takti við þær hugmyndir sem verktakar eða atvinnurekendur koma með og þá tekur þetta bara tíma. Lögbundið ferli er langt og það tekur tíma að breyta að skipulagi ef það er vilji til þess á annað borð.“ Ef samkomulag næst um uppbyggingu á Akureyri hyggst KFC byggja nýjan veitingastað frá grunni með bílalúgu og góðri aðstöðu fyrir löngunarfulla aðdáendur keðjunnar. „Ef maður gerir þetta þá verður það 100%, það þýðir ekkert annað,“ segir Helgi að lokum.
Akureyri Veitingastaðir Skipulag Mest lesið Jón segir bull að FBI-kempa hafi óvænt bankað upp á með stefnu Viðskipti innlent Veiðir hrefnu í sumar og selur kjötið á Íslandi Viðskipti innlent Semja við Ístak um gerð mannvirkja fyrir fyrsta vindorkuver landsins Viðskipti innlent Hressilega kaótískir morgnar sem eiga það til að klikka smá Atvinnulíf Starfsfólk truflað á tveggja mínútna fresti Atvinnulíf Pizzur í stað smurbrauðs á nýrri Króníku Viðskipti innlent Gefur eftir í tollastríði við Kína Viðskipti erlent Notendur þurfi að bregðast við vilji þeir ekki að gögn verði notuð Viðskipti erlent Frumkvöðlar í áratugi: „Launalaus sjálfboðavinna fyrstu árin“ Atvinnulíf Ummæli Trumps um „meiriháttar lúser“ leggjast illa í markaðinn Viðskipti erlent Fleiri fréttir Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Sjá meira