Miðjumaðurinn öflugi sleit krossbönd á síðustu leiktíð. Hildur er að snúa til baka og kom við sögu sínum öðrum leik á tímabilinu í gær.
Eftir að hafa spilað síðustu þrjár mínúturnar í 3-2 sigri Blika á Þrótti Reykjavík þá kom hún inn af bekknum á 80. mínútu er Blikar voru 3-0 yfir gegn Fylki.
Velkomin aftur Hildur, þvílíkur karakter, annar leikurinn eftir krossbandaslit og þá setur hún mark í sínum 100 leik fyrir Breiðablik https://t.co/XinHgPabqS
— Ingibjörg Auður (@ingibog89) July 12, 2021
Í uppbótartíma leiksins fékk Hildur sendingu rétt fyrir utan teig Fylkis. Hún lék inn á teig og smellti boltanum með vinstri fæti niðri í hornið fjær. Frábær innkoma hjá Hildi sem var þarna að leika sinn 100. leik í treyju Breiðabliks.
Hér að neðan má sjá öll mörk Breiðabliks í leiknum í gær. Áslaug Munda Gunnlaugsdóttir skoraði fyrstu tvö mörkin í leiknum og Taylor Marie Ziemer bætti við þriðja markinu áður en Hildur setti kremið á kökuna í uppbótartíma.
Pepsi Max deild kvenna er á Stöð 2 Sport en upplýsingar um útsendingar má finna hér. Pepsi Max deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
