Ómetanleg menningarleg arfleifð Virgil Abloh Dóra Júlía Agnarsdóttir skrifar 29. nóvember 2021 20:00 Virgil Abloh á Met Gala í september síðastliðnum, klæddur í Louis Vuitton Sean Zanni/Getty Tískumógúllinn, listamaðurinn og hönnuðurinn Virgil Abloh féll frá í gær, sunnudaginn 28. nóvember, einungis 41 árs gamall. Hann hafði barist við sjaldgæft krabbamein síðastliðin tvö ár og hélt baráttu sinni fjarri sviðsljósinu. Virgil Abloh starfaði sem listrænn stjórnandi karla tísku hjá tískurisanum Louis Vuitton og var fyrsti svarti maðurinn til að gegna þeirri stöðu. Einnig var stofnandi síns eigin tískumerkis Off-White. Áhrif hans á tískuheiminn eru vægast sagt söguleg og átti hann í listrænu samstarfi við hin ýmsu merki, allt frá Nike til Evian vatns. Listrænum hæfileikum hans hefur í gegnum tíðina verið líkt við kanónur á borð við Andy Warhol og Jeff Koons. View this post on Instagram A post shared by Louis Vuitton (@louisvuitton) Brautryðjandinn Virgil Abloh Aðstandendur, samstarfsfólk og aðdáendur sitja eftir með brotin hjörtu og syrgja þennan magnaða mann sem skilur eftir sig mikla menningar arfleifð. View this post on Instagram A post shared by Bella (@bellahadid) Virgil Abloh nálgaðist listsköpun og hönnun á einstakan hátt þar sem hann brúaði bilið á milli svokallaðs götustíls og hátísku. Hann vann hörðum höndum að nýjungum og fjölbreytni í list- og tískuheiminum og sagði að allt sem hann gerði væri fyrir útgáfu af 17 ára gömlum Virgil sem hafði stóra drauma, með því að koma að fjölbreyttari fyrirmyndum og fá fleiri til að hafa trú á sér og sínum draumum. Virgil lét mikið til sín taka í hinum ýmsu málefnum út frá listinni, til dæmis með því að gera takmörkuð eintök af ákveðnum vörum og láta allan ágóða af sölunni renna til mikilvægra málefna. Má þar nefna stuðning við LGBTQI+ samtökin, heimilislausa, svartar konur og fleira. View this post on Instagram A post shared by @virgilabloh Virgil Abloh hafði mikla trú á listinni og mætti hennar til að veita komandi kynslóðum innblástur. Hann lagði sitt af mörkum og meira til við að opna dyr fyrir fjölbreytt listafólk og auka jafnrétti í list og hönnun. Fyrir honum voru föt meira en efni, þau voru hluti af sjálfsvitund hvers og eins, það hvernig fólk samsvaraði sér og gat haft listrænt frelsi til að tjá sig með klæðaburði. View this post on Instagram A post shared by @virgilabloh Fór sínar eigin leiðir Frá og með júlí mánuði fékk Virgil stöðuhækkun hjá LVMH, Moët Hennessy Louis Vuitton, þar sem hann fékk tækifæri til að vinna með 75 ólíkum tískumerkjum og gerði þetta hann að valdamesta svarta framkvæmdastjóra tískuheimsins. Hann sóttist ekki eftir því að feta í fótspor neins en gekk sína eigin leið og ruddi brautina. Á einstakan hátt tókst honum að tengja saman klassísk og gömul tískumerki við tíðaranda samtímans. View this post on Instagram A post shared by @virgilabloh Háskólagráður í verkfræði og arkítektúr Virgil Abloh fór ekki í hefðbundið fatahönnunarnám en lærði fyrst verkfræði og útskrifaðist síðan með mastersgráðu í arkítektúr frá The Illiniois Institute of Technology. Móðir hans var saumakona og kenndu honum grunntökin í saumaskap. Abloh starfaði einnig sem plötusnúður og húsgagna hönnuður og hafði ástríðu fyrir fjöldanum öllum af fjölbreyttum listformum. Tónlist, tíska, hönnun, hugmyndafræði, sköpunargleði og upplifun blandaðist óaðfinnanlega saman hjá Virgil Abloh. View this post on Instagram A post shared by @virgilabloh Vináttan við Kanye West Þegar Virgil Abloh var 22 ára gamall kynntist hann ungum og efnilegum rappara að nafni Kanye West. Þeir unnu saman í sex mánaða starfsnámi hjá tískumerkinu Fendi þar sem þeir græddu um 500 dollara á mánuði og lærðu allt um viðskipta hliðar tískuheimsins. Árið 2010 varð Abloh listrænn stjórnandi hjá West og átti vinátta þeirra átti eftir að blómstra. Unnu þeir meðal annars saman að plötuumslögum á einhverjum frægustu tónverkum Kanye West á borð við My beautiful dark twisted fantasy, Watch The Throne og Yeezus. View this post on Instagram A post shared by COMPLEX (@complex) Samstarf við elítuna í Southeby’s Virgil Abloh átti í ýmsum þverfaglegum listrænum samstörfum og má meðal annars nefna hið virta uppboðs gallerí Southeby’s. Þar gegndi hann starfi sam-sýningarstjóra á uppboðs sýningu nútímalistaverka og átti í góðu samstarfi við Southeby’s. Galleríið birti færslu á Instagram þar sem þau segja mikinn heiður að hafa fengið tækifæri til að vinna með Virgil og ræða við hann um hin ýmsu listrænu málefni. Á myndbandi hér fyrir neðan má meðal annars sjá Virgil spjalla við Simon Shaw um mikilvægi listamannsins Christo sem hannaði meðal annars nýjan klæðnað sigurbogans í Parísarborg View this post on Instagram A post shared by @virgilabloh Ómetanleg arfleifð Virgil Abloh skilur eftir sig mikla listræna arfleifð sem komandi kynslóðir munu án efa njóta góðs af. Innblásturinn frá honum er eitthvað sem aldrei hverfur og hafa margar skærustu stjörnur heims deilt hjartnæmum kveðjum til hans þar sem þær þakka fyrir þau ómetanlegu áhrif sem hann hafði á þau. View this post on Instagram A post shared by Kendall (@kendalljenner) Hann talaði fyrir fjölbreytileika, nýjungum, öðruvísi nálgunum, sameiningu á ólíkum sviðum, auðveldara aðgengi jaðarsettra og ótal mörgu mikilvægu og kraftmiklu. View this post on Instagram A post shared by @virgilabloh Einn stærsti listamaður okkar Íslendinga, Ólafur Elíasson, var meðal þeirra sem deildi kveðju á Instagram. Þar þakkar hann Virgil Abloh fyrir allt, vináttuna, innblásturinn, kröfuna um breytingu og fyrir brosið sitt. Ólafur segir að hæfileikar og persónuleg, sjónræn dýpt Virgils hafi hreyft við bæði sér og börnunum sínum sem telja Abloh vera besta listamanninn. Virgil hjálpaði Ólafi að endurskoða vinnuaðferðir sínar, notast við nýjar nálganir í listsköpun og horfa fram á við. Til að heiðra arfleifð Virgil Abloh mun Ólafur halda áfram með að vera framsækinn, mennskur og raunverulegur í sínu starfi. View this post on Instagram A post shared by Studio Olafur Eliasson (@studioolafureliasson) Ljósmyndarinn Vignir Daði fékk að upplifa DJ sett hjá Virgil á Bali árið 2019. Á þessum tíma hafði hann verið fyrirmynd Vignis í nokkur ár og hikaði hann því ekki við að drífa sig á DJ settið. Vignir greip með sér filmumyndavél og tók nokkrar myndir af honum að spila. View this post on Instagram A post shared by Vignir Daði (@vignird) Eftir DJ settið stóð Vignir fyrir utan klúbbinn og allt í einu sér hann að Virgil stendur við hliðina á sér að bíða eftir taxa. Hann segir þetta hafa verið magnaða upplifun. Ég sagði við hann: Thanks for everything. You are one of my biggest inspirations - og hann svaraði: Thank you bro, appreciate it bro. Vignir segir að áhrif Virgil Abloh séu ómælanleg: Hann var svo ótrúlega framarlega í öllu sem hann tók sér fyrir hendur. Hvort sem það var fatahönnun eða annars konar listræn stjórnun. Hann er maðurinn á bak við tjöldin og maðurinn á bak við listina sem heilu kynslóðirnar elska. Hans verður sárt saknað. Virgil Abloh lætur eftir sig eiginkonu sína Shannon Abloh og börnin Lowe og Grey Abloh. Hans verður vissulega sárt saknað en áhrif hans og arfleifð lifa áfram í hjörtum og sköpunargleði allra þeirra sem voru undir áhrifum Virgils Abloh. View this post on Instagram A post shared by @virgilabloh Menning Tónlist Bandaríkin Tengdar fréttir Virgil Abloh látinn 41 árs að aldri Fatahönnuðurinn Virgil Abloh er látinn eftir þriggja ára baráttu við krabbamein. 28. nóvember 2021 19:40 Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
Hann hafði barist við sjaldgæft krabbamein síðastliðin tvö ár og hélt baráttu sinni fjarri sviðsljósinu. Virgil Abloh starfaði sem listrænn stjórnandi karla tísku hjá tískurisanum Louis Vuitton og var fyrsti svarti maðurinn til að gegna þeirri stöðu. Einnig var stofnandi síns eigin tískumerkis Off-White. Áhrif hans á tískuheiminn eru vægast sagt söguleg og átti hann í listrænu samstarfi við hin ýmsu merki, allt frá Nike til Evian vatns. Listrænum hæfileikum hans hefur í gegnum tíðina verið líkt við kanónur á borð við Andy Warhol og Jeff Koons. View this post on Instagram A post shared by Louis Vuitton (@louisvuitton) Brautryðjandinn Virgil Abloh Aðstandendur, samstarfsfólk og aðdáendur sitja eftir með brotin hjörtu og syrgja þennan magnaða mann sem skilur eftir sig mikla menningar arfleifð. View this post on Instagram A post shared by Bella (@bellahadid) Virgil Abloh nálgaðist listsköpun og hönnun á einstakan hátt þar sem hann brúaði bilið á milli svokallaðs götustíls og hátísku. Hann vann hörðum höndum að nýjungum og fjölbreytni í list- og tískuheiminum og sagði að allt sem hann gerði væri fyrir útgáfu af 17 ára gömlum Virgil sem hafði stóra drauma, með því að koma að fjölbreyttari fyrirmyndum og fá fleiri til að hafa trú á sér og sínum draumum. Virgil lét mikið til sín taka í hinum ýmsu málefnum út frá listinni, til dæmis með því að gera takmörkuð eintök af ákveðnum vörum og láta allan ágóða af sölunni renna til mikilvægra málefna. Má þar nefna stuðning við LGBTQI+ samtökin, heimilislausa, svartar konur og fleira. View this post on Instagram A post shared by @virgilabloh Virgil Abloh hafði mikla trú á listinni og mætti hennar til að veita komandi kynslóðum innblástur. Hann lagði sitt af mörkum og meira til við að opna dyr fyrir fjölbreytt listafólk og auka jafnrétti í list og hönnun. Fyrir honum voru föt meira en efni, þau voru hluti af sjálfsvitund hvers og eins, það hvernig fólk samsvaraði sér og gat haft listrænt frelsi til að tjá sig með klæðaburði. View this post on Instagram A post shared by @virgilabloh Fór sínar eigin leiðir Frá og með júlí mánuði fékk Virgil stöðuhækkun hjá LVMH, Moët Hennessy Louis Vuitton, þar sem hann fékk tækifæri til að vinna með 75 ólíkum tískumerkjum og gerði þetta hann að valdamesta svarta framkvæmdastjóra tískuheimsins. Hann sóttist ekki eftir því að feta í fótspor neins en gekk sína eigin leið og ruddi brautina. Á einstakan hátt tókst honum að tengja saman klassísk og gömul tískumerki við tíðaranda samtímans. View this post on Instagram A post shared by @virgilabloh Háskólagráður í verkfræði og arkítektúr Virgil Abloh fór ekki í hefðbundið fatahönnunarnám en lærði fyrst verkfræði og útskrifaðist síðan með mastersgráðu í arkítektúr frá The Illiniois Institute of Technology. Móðir hans var saumakona og kenndu honum grunntökin í saumaskap. Abloh starfaði einnig sem plötusnúður og húsgagna hönnuður og hafði ástríðu fyrir fjöldanum öllum af fjölbreyttum listformum. Tónlist, tíska, hönnun, hugmyndafræði, sköpunargleði og upplifun blandaðist óaðfinnanlega saman hjá Virgil Abloh. View this post on Instagram A post shared by @virgilabloh Vináttan við Kanye West Þegar Virgil Abloh var 22 ára gamall kynntist hann ungum og efnilegum rappara að nafni Kanye West. Þeir unnu saman í sex mánaða starfsnámi hjá tískumerkinu Fendi þar sem þeir græddu um 500 dollara á mánuði og lærðu allt um viðskipta hliðar tískuheimsins. Árið 2010 varð Abloh listrænn stjórnandi hjá West og átti vinátta þeirra átti eftir að blómstra. Unnu þeir meðal annars saman að plötuumslögum á einhverjum frægustu tónverkum Kanye West á borð við My beautiful dark twisted fantasy, Watch The Throne og Yeezus. View this post on Instagram A post shared by COMPLEX (@complex) Samstarf við elítuna í Southeby’s Virgil Abloh átti í ýmsum þverfaglegum listrænum samstörfum og má meðal annars nefna hið virta uppboðs gallerí Southeby’s. Þar gegndi hann starfi sam-sýningarstjóra á uppboðs sýningu nútímalistaverka og átti í góðu samstarfi við Southeby’s. Galleríið birti færslu á Instagram þar sem þau segja mikinn heiður að hafa fengið tækifæri til að vinna með Virgil og ræða við hann um hin ýmsu listrænu málefni. Á myndbandi hér fyrir neðan má meðal annars sjá Virgil spjalla við Simon Shaw um mikilvægi listamannsins Christo sem hannaði meðal annars nýjan klæðnað sigurbogans í Parísarborg View this post on Instagram A post shared by @virgilabloh Ómetanleg arfleifð Virgil Abloh skilur eftir sig mikla listræna arfleifð sem komandi kynslóðir munu án efa njóta góðs af. Innblásturinn frá honum er eitthvað sem aldrei hverfur og hafa margar skærustu stjörnur heims deilt hjartnæmum kveðjum til hans þar sem þær þakka fyrir þau ómetanlegu áhrif sem hann hafði á þau. View this post on Instagram A post shared by Kendall (@kendalljenner) Hann talaði fyrir fjölbreytileika, nýjungum, öðruvísi nálgunum, sameiningu á ólíkum sviðum, auðveldara aðgengi jaðarsettra og ótal mörgu mikilvægu og kraftmiklu. View this post on Instagram A post shared by @virgilabloh Einn stærsti listamaður okkar Íslendinga, Ólafur Elíasson, var meðal þeirra sem deildi kveðju á Instagram. Þar þakkar hann Virgil Abloh fyrir allt, vináttuna, innblásturinn, kröfuna um breytingu og fyrir brosið sitt. Ólafur segir að hæfileikar og persónuleg, sjónræn dýpt Virgils hafi hreyft við bæði sér og börnunum sínum sem telja Abloh vera besta listamanninn. Virgil hjálpaði Ólafi að endurskoða vinnuaðferðir sínar, notast við nýjar nálganir í listsköpun og horfa fram á við. Til að heiðra arfleifð Virgil Abloh mun Ólafur halda áfram með að vera framsækinn, mennskur og raunverulegur í sínu starfi. View this post on Instagram A post shared by Studio Olafur Eliasson (@studioolafureliasson) Ljósmyndarinn Vignir Daði fékk að upplifa DJ sett hjá Virgil á Bali árið 2019. Á þessum tíma hafði hann verið fyrirmynd Vignis í nokkur ár og hikaði hann því ekki við að drífa sig á DJ settið. Vignir greip með sér filmumyndavél og tók nokkrar myndir af honum að spila. View this post on Instagram A post shared by Vignir Daði (@vignird) Eftir DJ settið stóð Vignir fyrir utan klúbbinn og allt í einu sér hann að Virgil stendur við hliðina á sér að bíða eftir taxa. Hann segir þetta hafa verið magnaða upplifun. Ég sagði við hann: Thanks for everything. You are one of my biggest inspirations - og hann svaraði: Thank you bro, appreciate it bro. Vignir segir að áhrif Virgil Abloh séu ómælanleg: Hann var svo ótrúlega framarlega í öllu sem hann tók sér fyrir hendur. Hvort sem það var fatahönnun eða annars konar listræn stjórnun. Hann er maðurinn á bak við tjöldin og maðurinn á bak við listina sem heilu kynslóðirnar elska. Hans verður sárt saknað. Virgil Abloh lætur eftir sig eiginkonu sína Shannon Abloh og börnin Lowe og Grey Abloh. Hans verður vissulega sárt saknað en áhrif hans og arfleifð lifa áfram í hjörtum og sköpunargleði allra þeirra sem voru undir áhrifum Virgils Abloh. View this post on Instagram A post shared by @virgilabloh
Menning Tónlist Bandaríkin Tengdar fréttir Virgil Abloh látinn 41 árs að aldri Fatahönnuðurinn Virgil Abloh er látinn eftir þriggja ára baráttu við krabbamein. 28. nóvember 2021 19:40 Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
Virgil Abloh látinn 41 árs að aldri Fatahönnuðurinn Virgil Abloh er látinn eftir þriggja ára baráttu við krabbamein. 28. nóvember 2021 19:40