Fyrrverandi forstjóri Sony Music UK gengur til liðs við OverTune Eiður Þór Árnason skrifar 21. janúar 2022 08:00 Nick Gatfield er stofnandi Synchronized og Twin Music Inc. OverTune er til húsa á Hafnartorgi. Samsett Nick Gatfield, fyrrverandi forstjóri Sony Music UK og forstöðumaður hjá EMI Records, er nýr hluthafi í íslenska sprotafyrirtækinu OverTune og mun leiða ráðgjafaráð fyrirtækisins. Gatfield hefur meðal annars séð um að semja við þekkta listamenn á borð við Radiohead, Blur, Tinie Tempah, Deadmau5 og Swedish House Mafia. Þá er hann einnig þekktur fyrir að uppgötva tónlistarkonuna Amy Winehouse sem sló í gegn upp úr síðustu aldamótum. OverTune vinnur að þróun samnefnds smáforrits sem er ætlað að gera hverjum sem er kleift að skapa tónlist og deila á samfélags- og samskiptamiðla, án þess að hafa tónlistarlegan bakgrunn eða kunna á hefðbundin tónsmíðaforrit. Greint er frá þessu í tilkynningu en að sögn OverTune hentar forritið einkum vel til að skapa efni fyrir TikTok og Instagram Reels þar sem notendur tjá sig með hljóði og mynd. Hingað til hafa þessir miðlar ekki gefið notendum kost á því að skapa tónlistarlegt efni heldur notast við hljóð og tónlist eftir aðra. Nick Gatfield hefur meðal annars unnið náið með tónlistarkonunni Katy Perry.Getty/Jeff Vespa Verkfæri fyrir nýja kynslóð tónlistarmanna „Það gleður mig að fá að vera þátttakandi í verkefnum OverTune. Með því að einfalda sköpunarferlið, efla notendur og straumlínulaga dreifingu á samfélagsmiðlum hefur OverTune markað sér sess sem framtíð skapandi hugbúnaðar,“ segir Gatfield. „OverTune er verkfæri fyrir nýja kynslóð tónlistarmanna og alla þá sem nýta tónlist í sinni listsköpun og samfélagsmiðlanotkun,“ bætir hann við. „Innkoma Nick inn í teymið er vítamínsprauta fyrir OverTune og mun gefa okkur tækifæri á hraðari vexti á erlendum mörkuðum en við höfðum upphaflega áætlað,“ segir Jason Daði Guðjónsson, einn stofnenda OverTune, í tilkynningu. „Við höfum verið að semja við hina ýmsu listamenn og fólk innan afþreyingariðnaðarins hér heima á Íslandi en það er augljóst að þessi bæting við hluthafa félagsins mun hafa mikil áhrif á þá verkferla á erlendum mörkuðum.“ Stefnt er að því að sérstök prufuútgáfa (e. beta) af OverTune verði gefin út fyrir iPhone-síma í febrúar og verður hægt að skrá sig á vef fyrirtækisins. Sigurður Ásgeir Árnason framkvæmdastjóri, Jason Daði Guðjónsson hönnunarstjóri og Pétur Eggerz vöru- og tæknistjóri OverTune.María Guðrún Rúnarsdóttir Tryggt sér 200 milljóna sprotafjármögnun Dæmi um aðra þekkta hluthafa í félaginu má nefna englafjárfestinn Charles Huang sem er hvað þekktastur fyrir að hafa skapað tónlistartölvuleikinn Guitar Hero. OverTune er stofnað af Sigurði Ásgeiri Árnasyni, Pétri Eggerz Péturssyni og Jason Daða Guðjónssyni. Stjórnarformaður fyrirtækisins er Guðjón Már Guðjónsson. Fyrirtækið var stofnað seint á árinu 2020 í miðjum heimsfaraldri og hefur teymið náð að þróa fyrstu prufuútgáfu vörunnar á tiltölulega skömmum tíma. Að sögn stjórnenda þurfti fyrirtækið að leita langt út fyrir landsteinana að sérhæfðu starfsfólki á sviði hljóðtækniþróunar. Tólf starfsmenn starfa nú hjá OverTune og er unnið að þróun hugbúnaðarins á Íslandi, Tyrklandi, Indlandi, í Hvíta Rússlandi og Bandaríkjunum. Brunnur Ventures leiðir vaxtarfjármögnun fyrirtækisins, en að fjármögnuninni koma einnig íslenskir og erlendir englafjárfestar. Nýverið var greint frá því að OverTune hafi tryggt sér 200 milljóna króna sprotafjármögnun. „Þróun vörunnar hefur gengið vonum framar, enda hefur okkur tekist að setja saman teymi með gífurlega sérþekkingu,“ segir Pétur Eggerz, vöru- og tæknistjóri og einn stofnenda. „Við höfum unnið hörðum höndum að því að umbreyta tækni sem áður hefur eingöngu verið aðgengileg einstaklingum með mikla tækni- og tónlistarþekkingu, og móta hana svo hún nýtist öllum hópum við efnissköpun á samfélagsmiðlum.“ Nýsköpun Tækni Tengdar fréttir Fjögur íslensk sprotafyrirtæki fengið innspýtingu Fjögur íslensk sprotafyrirtæki – Overtune, Kosmi, The One Company og Standby Deposits – hafa á síðustu mánuðum fengið innspýtingu úr vísíssjóðnum Brunni vaxtarsjóði II. Trúnaður ríkir um stærð fjármögnunar gagnvart einstaka sprotafyrirtækjum, en áður hefur verið fjallað um 330 milljóna króna fjármögnun hjá Smitten Dating (The One Company) sem Brunnur tók þátt í ásamt erlendum fjárfestum. 6. október 2021 12:24 Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Telja minni líkur á samdrætti í ferðaþjónustu með aukinni kortaveltu Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Staðreyndum snúið á hvolf til að eigna ríkisstjórninni verðbólguna Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Tónleikastöðum fækkar: „Þetta er bara sorgleg þróun“ Viðskipti innlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira
Gatfield hefur meðal annars séð um að semja við þekkta listamenn á borð við Radiohead, Blur, Tinie Tempah, Deadmau5 og Swedish House Mafia. Þá er hann einnig þekktur fyrir að uppgötva tónlistarkonuna Amy Winehouse sem sló í gegn upp úr síðustu aldamótum. OverTune vinnur að þróun samnefnds smáforrits sem er ætlað að gera hverjum sem er kleift að skapa tónlist og deila á samfélags- og samskiptamiðla, án þess að hafa tónlistarlegan bakgrunn eða kunna á hefðbundin tónsmíðaforrit. Greint er frá þessu í tilkynningu en að sögn OverTune hentar forritið einkum vel til að skapa efni fyrir TikTok og Instagram Reels þar sem notendur tjá sig með hljóði og mynd. Hingað til hafa þessir miðlar ekki gefið notendum kost á því að skapa tónlistarlegt efni heldur notast við hljóð og tónlist eftir aðra. Nick Gatfield hefur meðal annars unnið náið með tónlistarkonunni Katy Perry.Getty/Jeff Vespa Verkfæri fyrir nýja kynslóð tónlistarmanna „Það gleður mig að fá að vera þátttakandi í verkefnum OverTune. Með því að einfalda sköpunarferlið, efla notendur og straumlínulaga dreifingu á samfélagsmiðlum hefur OverTune markað sér sess sem framtíð skapandi hugbúnaðar,“ segir Gatfield. „OverTune er verkfæri fyrir nýja kynslóð tónlistarmanna og alla þá sem nýta tónlist í sinni listsköpun og samfélagsmiðlanotkun,“ bætir hann við. „Innkoma Nick inn í teymið er vítamínsprauta fyrir OverTune og mun gefa okkur tækifæri á hraðari vexti á erlendum mörkuðum en við höfðum upphaflega áætlað,“ segir Jason Daði Guðjónsson, einn stofnenda OverTune, í tilkynningu. „Við höfum verið að semja við hina ýmsu listamenn og fólk innan afþreyingariðnaðarins hér heima á Íslandi en það er augljóst að þessi bæting við hluthafa félagsins mun hafa mikil áhrif á þá verkferla á erlendum mörkuðum.“ Stefnt er að því að sérstök prufuútgáfa (e. beta) af OverTune verði gefin út fyrir iPhone-síma í febrúar og verður hægt að skrá sig á vef fyrirtækisins. Sigurður Ásgeir Árnason framkvæmdastjóri, Jason Daði Guðjónsson hönnunarstjóri og Pétur Eggerz vöru- og tæknistjóri OverTune.María Guðrún Rúnarsdóttir Tryggt sér 200 milljóna sprotafjármögnun Dæmi um aðra þekkta hluthafa í félaginu má nefna englafjárfestinn Charles Huang sem er hvað þekktastur fyrir að hafa skapað tónlistartölvuleikinn Guitar Hero. OverTune er stofnað af Sigurði Ásgeiri Árnasyni, Pétri Eggerz Péturssyni og Jason Daða Guðjónssyni. Stjórnarformaður fyrirtækisins er Guðjón Már Guðjónsson. Fyrirtækið var stofnað seint á árinu 2020 í miðjum heimsfaraldri og hefur teymið náð að þróa fyrstu prufuútgáfu vörunnar á tiltölulega skömmum tíma. Að sögn stjórnenda þurfti fyrirtækið að leita langt út fyrir landsteinana að sérhæfðu starfsfólki á sviði hljóðtækniþróunar. Tólf starfsmenn starfa nú hjá OverTune og er unnið að þróun hugbúnaðarins á Íslandi, Tyrklandi, Indlandi, í Hvíta Rússlandi og Bandaríkjunum. Brunnur Ventures leiðir vaxtarfjármögnun fyrirtækisins, en að fjármögnuninni koma einnig íslenskir og erlendir englafjárfestar. Nýverið var greint frá því að OverTune hafi tryggt sér 200 milljóna króna sprotafjármögnun. „Þróun vörunnar hefur gengið vonum framar, enda hefur okkur tekist að setja saman teymi með gífurlega sérþekkingu,“ segir Pétur Eggerz, vöru- og tæknistjóri og einn stofnenda. „Við höfum unnið hörðum höndum að því að umbreyta tækni sem áður hefur eingöngu verið aðgengileg einstaklingum með mikla tækni- og tónlistarþekkingu, og móta hana svo hún nýtist öllum hópum við efnissköpun á samfélagsmiðlum.“
Nýsköpun Tækni Tengdar fréttir Fjögur íslensk sprotafyrirtæki fengið innspýtingu Fjögur íslensk sprotafyrirtæki – Overtune, Kosmi, The One Company og Standby Deposits – hafa á síðustu mánuðum fengið innspýtingu úr vísíssjóðnum Brunni vaxtarsjóði II. Trúnaður ríkir um stærð fjármögnunar gagnvart einstaka sprotafyrirtækjum, en áður hefur verið fjallað um 330 milljóna króna fjármögnun hjá Smitten Dating (The One Company) sem Brunnur tók þátt í ásamt erlendum fjárfestum. 6. október 2021 12:24 Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Telja minni líkur á samdrætti í ferðaþjónustu með aukinni kortaveltu Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Staðreyndum snúið á hvolf til að eigna ríkisstjórninni verðbólguna Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Tónleikastöðum fækkar: „Þetta er bara sorgleg þróun“ Viðskipti innlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira
Fjögur íslensk sprotafyrirtæki fengið innspýtingu Fjögur íslensk sprotafyrirtæki – Overtune, Kosmi, The One Company og Standby Deposits – hafa á síðustu mánuðum fengið innspýtingu úr vísíssjóðnum Brunni vaxtarsjóði II. Trúnaður ríkir um stærð fjármögnunar gagnvart einstaka sprotafyrirtækjum, en áður hefur verið fjallað um 330 milljóna króna fjármögnun hjá Smitten Dating (The One Company) sem Brunnur tók þátt í ásamt erlendum fjárfestum. 6. október 2021 12:24