Verbúðin hlaut Norrænu sjónvarpshandritaverðlaunin

Sylvía Rut Sigfúsdóttir skrifar 2. febrúar 2022 16:03

Verbúðin vakti lukku í Svíþjóð. Skjáskot

Sjónvarpsþættirnir Verbúðin hlutu rétt í þessu Norrænu sjónvarpshandritaverðlaunin á Kvikmyndahátíðinni í Gautaborg í Svíþjóð, Göteborg Film Festival. Rakel Garðarsdóttir deilir þessum gleðifréttum á samfélagsmiðlum.

„Verbúðin sigrar á ný! Áhöfnin heldur áfram...STÓRKOSTLEGT,“ skrifar Rakel stolt og birtir mynd af verðlaunahöfunum saman á kvikmyndahátíðinni, sem er sú stærsta í Skandinavíu. Íslenska kvikmyndin Dýrið, eða Lamb, Valdimar Jóhannssonar er einnig tilnefnd á hátíðinni.

Verbúðin hefur vakið verðskuldaða athygli bæði hér heima og utan landssteinanna og hlotið mikið lof. Þessi verðlaun eru því enn einn fjöður í hattinn. Gísli Örn Gardarsson, Björn Hlynur Haraldsson og Mikael Torfason   eru handritshöfundar Verbúðarinnar, sem úti er kynnt sem Blackport. Nana Alfredsdóttir, Gísli Örn Gardarsson, Björn Hlynur Haraldsson og Nina Dögg Filippusdóttir eru framleiðendur þáttanna sem voru frumsýndir hér á landi 26. desember.

Verbúðinn hlaut handritaverðlaun Norræna kvikmynda- og sjónvarpssjóðsins, Film & TV Fond Prize 2022, en samkvæmt vef kvikmyndahátíðarinnar er verðlaunaféð 200.000 norskar krónur sem eru tæpar þrjár milljónir íslenskra króna.

Bíó og sjónvarp Kvikmyndagerð á Íslandi Íslendingar erlendis

Tengdar fréttir

Verbúðin tilnefnd til handritaverðlauna Norræna kvikmynda- og sjónvarpssjóðsins

Verbúðin er einn fimm þáttaraða sem tilnefnd er til handritaverðlauna Norræna kvikmynda- og sjónvarpssjóðsins 2022. Nordisk Film & TV Fond verðlaunar árlega það besta í handritagerð fyrir dramaþáttaraðir.

15. desember 2021 09:56

Netverjar elska Verbúðina og vilja sambærilega þætti fyrir önnur mál

Sjónvarpsþátturinn Verbúðin úr smiðju Vesturports hefur vakið mikla lukku meðal Íslendinga og velta netverjar nú fyrir sér hvaða íslensku mál þurfi að taka fyrir á sambærilegan hátt.

27. janúar 2022 13:01

Verbúðin er því sem næst heilagur sannleikur

Eins og þjóðin komst að í gærkvöldi sprakk allt í loft upp í Verbúðinni. Handalögmál milli tveggja aðalpersóna í þætti sjálfs Hemma Gunn – hið persónulega drama þáttanna er að nálgast hápunkt sinn í 5. þætti af átta. Eins og vera ber ef horft er til byggingar í leikverkum Grikkjanna; ris, hvörf og kennsl – Kaþarsis.

24. janúar 2022 07:00

Bubbi um svörtu gleraugun hjá Hemma Gunn: „Ég var bara út úr stónd“

Bubbi Morthens kveðst muna eftir nánast öllum þeim skiptum sem hann kom fram í þáttum Hemma Gunn. „Það er ástæða fyrir því að ég var alltaf með kolsvört Ray-Ban gleraugu í öllum Hemma Gumm þáttunum, það var bara vegna þess að ég var út úr stónd,“ segir hann.

24. janúar 2022 20:40