Í fréttatilkynningu frá Keldunni kemur fram að áhugi almennings á hlutabréfamarkaðnum hafi aukist mjög mikið undanfarin ár sem birtist í mikilli fjölgun meðal notenda Keldunnar.
Örn Þórðarson, tæknistjóri fjártæknifyrirtækisins Kóða ehf, eiganda Keldunnar, segir ánægjulegt að hleypa nýjum vef af stokkunum eftir ítarlegar prófanir.
„Aðgengi, læsileiki og stórbætt notendaupplifun var aðalmarkmið okkar með nýjum vef Keldunnar,“ segir Örn. „Þróunin heldur þó áfram og margar spennandi nýjungar í pípunum sem við hlökkum til að kynna á mánuðum.“
Á Keldunni, sem er með 100 þúsund notendur, má meðal annars finna upplýsingar um gengi gjaldmiðla, séreignarsjóða og þróun hluta- og skuldabréfaverðs.
