Rangnick var ráðinn bráðabirgðastjóri United í lok nóvember í fyrra. Samhliða því samþykkti hann vera í ráðgjafarstarfi hjá félaginu í tvö ár.
Rangnick hefur nú samþykkt að taka við austurríska landsliðinu af Franco Foda sem hætti eftir að Austurríki mistókst að komast á HM 2022.
Ralf has been appointed as manager of Austria from the end of 2021/22, but will remain at United in a consultancy role.#MUFC
— Manchester United (@ManUtd) April 29, 2022
„Ég tek við austurríska landsliðinu eftir tímabilið en held áfram í ráðgjafarstarfi hjá Man. Utd. Ég hlakka til að hjálpa United að verða aftur að alvöru afli,“ sagði Rangnick.
Þetta er í fyrsta sinn sem Rangnick stýrir landsliði. Fyrsta verkefni hans í nýju starfi eru leikir í Þjóðadeildinni í sumar. Austurríki er í A-deild og í riðli með heimsmeisturum Frakklands, Danmörku og Króatíu.
