Barcelona muni grípa til aðgerða til að losna við Braithwaite sem vill ekki fara

Braithwaite samdi við Barcelona árið 2020 þegar félagið glímdi við í mikil meiðslavandræði í framlínunni. Hlutverk hans hefur verið misstórt síðan, en hann spilaði ekki mikið eftir að Xavi Hernández tók við liðinu í vetur.

Þónokkrar breytingar gætu orðið hjá Barcelona í sumar og Braithwaite er á meðal þeirra sem félagið vill losna við af launaskrá. Greint er frá því í spænskum fjölmiðlum að forráðamenn Barcelona gætu gripið til sérstakra aðgerða til að reyna að neyða Braithwaite burt.

Ekki kemur fram hvers kyns aðgerðir um ræðir, en vel kann að vera að hann fái ekki að æfa með aðalliði félagsins og fái ekkert að spila.

Braithwaite fær veglega borgað í Katalóníu og á samning til sumarsins 2024.