Nýja auglýsingin fyrir EM: Ekkert stoppar íslenska kvennalandsliðið Icelandair kynnir 9. júlí 2022 13:14 Icelandair stendur á bak við íslenska landsliðið á EM í Englandi og hvetur aðra til að gera slíkt hið sama.. Kvennalandsliðið fær stuðning úr öllum áttum í nýrri auglýsingu frá Icelandair fyrir EM kvenna. Undanfarin ár hefur skapast hefð fyrir því að birta veglegar kvikmyndaðar auglýsingar þegar landslið Íslands í knattspyrnu halda á stórmót. Engin undantekning er á því í ár, en íslenska kvennalandsliðið tekur þátt í Evrópumeistaramóti kvenna sem fram fer á Englandi í júlí. Hugmyndin að auglýsingu ársins kviknaði út frá umræðunni um æfingavellina sem D-riðill mun leika á þegar mótið hefst í júlí. Í myndinni sjáum við ungan stuðningsmann uppgötva leik kvennalandsliðsins fyrir algjöra tilviljun. Leikurinn spyrst út og stuðningsmennirnir flykkjast að. Skilaboð auglýsingarinnar eru þau að það er sama hvar liðið okkar spilar – við munum koma með stuðninginn. Ekkert stoppar liðið okkar í því að mæta með sinn besta leik og ekkert stoppar stuðningsfólkið – íslensku þjóðina – frá því að mæta. Ekki einu sinni litlir vellir. Klippa: Kvennalandsliðið fær stuðning úr öllum áttum Komdu með stuðninginn! Efnistök auglýsinganna hafa verið misjöfn í gegnum tíðina en ávallt til þess fallnar að ýta undir stemningu og keppnisskap þjóðarinnar. Í ár var sú leið valin að hnýta í skipuleggjendur Evrópumeistaramótsins sem bjóða íslenska kvennalandsliðinu að leika á æfingavöllum í sínum riðli. Þetta útspil var harðlega gagnrýnt, ekki síst af sjálfum landsliðskonunum, og þótti undarlegt í ljósi þess að áhugi á kvennaknattspyrnu fer vaxandi á heimsvísu. Skemmst er að minnast þess þegar seldist upp á leik kvennaliða á Camp Neu í Barcelona og ýmsar erlendar kannananir benda til þess að áhuginn sé vaxandi, en umgjörð kvennafótboltans hafi ekki náð að fylgja áhuganum eftir. „Þessi auglýsing á að ögra. Liðið okkar – landsliðið okkar – mun spila á æfingavöllum í sínum riðli á þessu stærsta móti álfunnar. Það er sama hvernig því er snúið, það er smánarlegt fyrir jafn stórt mót og EM kvenna. En við vitum líka að stelpurnar okkar mæta alltaf til að berjast, sama hverjar aðstæðurnar eru. Við viljum fagna þeim. Við höfum líka séð í verki hvað íslenskt stuðningsfólk getur breytt miklu fyrir leikinn og stemningin er alltaf í okkar höndum – sama hvernig vellirnir eru,“ segir Gísli S Brynjólfsson, markaðsstjóri Icelandair. Ekki alltaf dans á rósum Afreksíþróttafólk þekkir vel að leiðin á toppinn getur verið þyrnum stráð og það er frústrerandi að spila í heimi þar sem íþróttafólk hefur hingað til þurft að sætta sig við kynbundna mismunun. En er þetta að breytast? „Ég held að þetta sé að breytast og ég held að það sé líka mjög frústrerandi – bæði fyrir leikmenn og stuðningsfólk – að vilja gefa sig öll í góðan leik en hafa ekki tækifæri til þess vegna þess að áhuginn er vanmetinn. Við vildum sýna þessa frústrasjón í myndinni og við fáum að sjá hvernig liðið bregst við mótlæti á hráan og mjög heiðarlegan hátt. Í raun er skot í myndinni sem kom alveg hrátt frá Elísu, sem sýnir mjög sannar og óritskoðaðar tilfinningar og við vildum ekki klippa það út,“ segir Gísli þegar hann er spurður að því hvort eitthvað í auglýsingunni muni orka tvímælis. Stórkostlegt kvennalandslið Á meðan karlalandslið Íslands fékk hetjumeðferð eftir sitt fyrsta Evrópumeistaramót 2016 voru margir sem bentu á að kvennalandsliðið hefði fyrir löngu spilað á stórmóti og ættu skilið að fá sömu meðferð. Því var ákveðið að auglýsingin þetta árið myndi senda tóninn en á sama tíma sýna að áhuginn á kvennabolta væri svo sannarlega til staðar. „Já, við viljum ögra. Málefnið er þannig. Við getum ekki sent frá okkur ótrúlega næs og huggulega auglýsingu þegar staða mála í kvennaboltanum er sú sem hún er. Vissulega verða hlutirnir betri og betri, áhuginn er að aukast, en á meðan landsliðum er boðið upp á æfingavelli er mikið verk óunnið,“ segir Gísli að lokum. Á bak við tjöldin Landslið kvenna í fótbolta EM 2022 í Englandi Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Erfið lífsreynsla að þurfa að yfirgefa heimili sitt Lífið Fleiri fréttir Má augnskugginn þinn fara í kringum augun? Myndaveisla frá Kótilettunni þar sem Bylgjulestin var í beinni Spennandi ferðir til Taílands og Balí í haust Bylgjulestin á Kótelettunni Komdu í veg fyrir bitglaðar blóðsugur í sumar! Rómantísk bylgja í lestri með hækkandi sól Einstök upplifun í sveitasælu Óbrjótanleg lúxusglös í útileguna Myndaveisla frá Akureyri þar sem Bylgjulestin var í beinni Bylgjulestin verður í beinni frá Akureyri Nova klippir kaffiverðið Bylgjulestin var í beinni frá Humarhátíðinni Nýjar merkjavörur í hverri viku á Pop up markaði Optical Studio Nú set ég mig í fyrsta, annað og þriðja sætið Bylgjulestin á Humarhátíðinni um helgina Látum ekki lúsmýið skemma fyrir okkur gleðina - Bitin burt Sólgleraugu og umgjarðir á 40-70% afslætti - Pop up Optical Studio Hægðirnar segja til um heilsufarið – rétt fóður mikilvægt Hefði ekki trúað áhrifunum! Frábær stemming á Jósmessuhátíð á Eyrarbakka Farðu ljómandi í sumarið! Það má leika sér með matinn Bylgjulestin mætir á Jónsmessuhátíð á Eyrarbakka um helgina „Finnst ég geta afkastað mun meira yfir daginn“ Heimili myndast þegar fjölskyldan ver tíma þar saman Bylgjulestin í bongóblíðu á Þingvöllum Myndaveisla: Enn eitt vel heppnað Streetball mót X977 Allt sem þú þarft fyrir Midsummer hátíðina Bylgjulestin verður á Þingvöllum laugardaginn 15. júní Viltu bæta svefngæði þín? Sjá meira
Undanfarin ár hefur skapast hefð fyrir því að birta veglegar kvikmyndaðar auglýsingar þegar landslið Íslands í knattspyrnu halda á stórmót. Engin undantekning er á því í ár, en íslenska kvennalandsliðið tekur þátt í Evrópumeistaramóti kvenna sem fram fer á Englandi í júlí. Hugmyndin að auglýsingu ársins kviknaði út frá umræðunni um æfingavellina sem D-riðill mun leika á þegar mótið hefst í júlí. Í myndinni sjáum við ungan stuðningsmann uppgötva leik kvennalandsliðsins fyrir algjöra tilviljun. Leikurinn spyrst út og stuðningsmennirnir flykkjast að. Skilaboð auglýsingarinnar eru þau að það er sama hvar liðið okkar spilar – við munum koma með stuðninginn. Ekkert stoppar liðið okkar í því að mæta með sinn besta leik og ekkert stoppar stuðningsfólkið – íslensku þjóðina – frá því að mæta. Ekki einu sinni litlir vellir. Klippa: Kvennalandsliðið fær stuðning úr öllum áttum Komdu með stuðninginn! Efnistök auglýsinganna hafa verið misjöfn í gegnum tíðina en ávallt til þess fallnar að ýta undir stemningu og keppnisskap þjóðarinnar. Í ár var sú leið valin að hnýta í skipuleggjendur Evrópumeistaramótsins sem bjóða íslenska kvennalandsliðinu að leika á æfingavöllum í sínum riðli. Þetta útspil var harðlega gagnrýnt, ekki síst af sjálfum landsliðskonunum, og þótti undarlegt í ljósi þess að áhugi á kvennaknattspyrnu fer vaxandi á heimsvísu. Skemmst er að minnast þess þegar seldist upp á leik kvennaliða á Camp Neu í Barcelona og ýmsar erlendar kannananir benda til þess að áhuginn sé vaxandi, en umgjörð kvennafótboltans hafi ekki náð að fylgja áhuganum eftir. „Þessi auglýsing á að ögra. Liðið okkar – landsliðið okkar – mun spila á æfingavöllum í sínum riðli á þessu stærsta móti álfunnar. Það er sama hvernig því er snúið, það er smánarlegt fyrir jafn stórt mót og EM kvenna. En við vitum líka að stelpurnar okkar mæta alltaf til að berjast, sama hverjar aðstæðurnar eru. Við viljum fagna þeim. Við höfum líka séð í verki hvað íslenskt stuðningsfólk getur breytt miklu fyrir leikinn og stemningin er alltaf í okkar höndum – sama hvernig vellirnir eru,“ segir Gísli S Brynjólfsson, markaðsstjóri Icelandair. Ekki alltaf dans á rósum Afreksíþróttafólk þekkir vel að leiðin á toppinn getur verið þyrnum stráð og það er frústrerandi að spila í heimi þar sem íþróttafólk hefur hingað til þurft að sætta sig við kynbundna mismunun. En er þetta að breytast? „Ég held að þetta sé að breytast og ég held að það sé líka mjög frústrerandi – bæði fyrir leikmenn og stuðningsfólk – að vilja gefa sig öll í góðan leik en hafa ekki tækifæri til þess vegna þess að áhuginn er vanmetinn. Við vildum sýna þessa frústrasjón í myndinni og við fáum að sjá hvernig liðið bregst við mótlæti á hráan og mjög heiðarlegan hátt. Í raun er skot í myndinni sem kom alveg hrátt frá Elísu, sem sýnir mjög sannar og óritskoðaðar tilfinningar og við vildum ekki klippa það út,“ segir Gísli þegar hann er spurður að því hvort eitthvað í auglýsingunni muni orka tvímælis. Stórkostlegt kvennalandslið Á meðan karlalandslið Íslands fékk hetjumeðferð eftir sitt fyrsta Evrópumeistaramót 2016 voru margir sem bentu á að kvennalandsliðið hefði fyrir löngu spilað á stórmóti og ættu skilið að fá sömu meðferð. Því var ákveðið að auglýsingin þetta árið myndi senda tóninn en á sama tíma sýna að áhuginn á kvennabolta væri svo sannarlega til staðar. „Já, við viljum ögra. Málefnið er þannig. Við getum ekki sent frá okkur ótrúlega næs og huggulega auglýsingu þegar staða mála í kvennaboltanum er sú sem hún er. Vissulega verða hlutirnir betri og betri, áhuginn er að aukast, en á meðan landsliðum er boðið upp á æfingavelli er mikið verk óunnið,“ segir Gísli að lokum.
Á bak við tjöldin Landslið kvenna í fótbolta EM 2022 í Englandi Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Erfið lífsreynsla að þurfa að yfirgefa heimili sitt Lífið Fleiri fréttir Má augnskugginn þinn fara í kringum augun? Myndaveisla frá Kótilettunni þar sem Bylgjulestin var í beinni Spennandi ferðir til Taílands og Balí í haust Bylgjulestin á Kótelettunni Komdu í veg fyrir bitglaðar blóðsugur í sumar! Rómantísk bylgja í lestri með hækkandi sól Einstök upplifun í sveitasælu Óbrjótanleg lúxusglös í útileguna Myndaveisla frá Akureyri þar sem Bylgjulestin var í beinni Bylgjulestin verður í beinni frá Akureyri Nova klippir kaffiverðið Bylgjulestin var í beinni frá Humarhátíðinni Nýjar merkjavörur í hverri viku á Pop up markaði Optical Studio Nú set ég mig í fyrsta, annað og þriðja sætið Bylgjulestin á Humarhátíðinni um helgina Látum ekki lúsmýið skemma fyrir okkur gleðina - Bitin burt Sólgleraugu og umgjarðir á 40-70% afslætti - Pop up Optical Studio Hægðirnar segja til um heilsufarið – rétt fóður mikilvægt Hefði ekki trúað áhrifunum! Frábær stemming á Jósmessuhátíð á Eyrarbakka Farðu ljómandi í sumarið! Það má leika sér með matinn Bylgjulestin mætir á Jónsmessuhátíð á Eyrarbakka um helgina „Finnst ég geta afkastað mun meira yfir daginn“ Heimili myndast þegar fjölskyldan ver tíma þar saman Bylgjulestin í bongóblíðu á Þingvöllum Myndaveisla: Enn eitt vel heppnað Streetball mót X977 Allt sem þú þarft fyrir Midsummer hátíðina Bylgjulestin verður á Þingvöllum laugardaginn 15. júní Viltu bæta svefngæði þín? Sjá meira