Bayern München gerði sér lítið fyrir og vann magnaðan 3-1 sigur á Barcelona í Meistaradeild Evrópu í fótbolta í kvöld. Um er að ræða fyrsta tap Barcelona á leiktíðinni, í öllum keppnum. Glódís Perla Viggósdóttir stóð vaktina í vörn Bayern að venju. Þá spilaði Sara Björk Gunnarsdóttir síðustu tíu mínúturnar í 1-0 tapi Juventus fyrir Arsenal á útivelli.
Liðin mættust á Nývangi í Katalóniu fyrir skemmstu og þar vann Barcelona öruggan 3-0 sigur. Það var því erfitt verkefni sem beið íslenska landsliðsmiðvarðarins og liðsfélaga hennar í kvöld.
Bayern mætti hins vegar til leiks með frábært leikplan og virtust einfaldlega mun klárari í leikinn heldur en gestirnir. Hin unga Klara Bühl kom Bayern yfir eftir aðeins fjögurra mínútna leik. Sydney Lohmann átti fyrirgjöf frá hægri og Bühl náði skoti að marki sem virtist hafa viðkomu í varnarmanni og lak þannig framhjá Söndru Paños, markverði Börsunga.
BAYERN LEAD WITHIN 4 MINUTES
— DAZN Football (@DAZNFootball) December 7, 2022
https://t.co/KCeIM8gyIv
https://t.co/JSGV3C9MCw
https://t.co/lk4AADhCVo pic.twitter.com/j6Mkyk43TN
Aðeins sex mínútum síðar tvöfaldaði Lina Magull forystuna. Lea Schüller óð upp vinstri vænginn og renndi boltanum svo út á Linu sem skaut í fyrsta. Aftur virtist boltinn hafa viðkomu í varnarmanni á leið sinn í netið. Ekki að leikmönnum né stuðningsfólki Bayern gæti verið meira sama.
LINA MAGULL MAKES IT 2-0
— DAZN Football (@DAZNFootball) December 7, 2022
https://t.co/KCeIM7Ypun
https://t.co/JSGV3CqPEw
https://t.co/lk4AADyFXo pic.twitter.com/mmCY031VFr
Staðan orðin 2-0 og þannig var hún allt þangað til í síðari hálfleik. Þá skiptu Schüller og Magull um hlutverk. Sú fyrrnefnda hafði verið haltrandi lungann úr fyrri hálfleik en harkaði af sér og skoraði þriðja mark Bayern þegar klukkustund var liðin.
BAYERN 3-0 BARCELONA
— DAZN Football (@DAZNFootball) December 7, 2022
https://t.co/KCeIM7Ypun
https://t.co/JSGV3CqPEw
https://t.co/lk4AADyFXo pic.twitter.com/h74inyPTvW
Staðan orðin 3-0 og sigurinn svo gott sem kominn í hús, eða hvað? Geyse minnkaði muninn fyrir gestina fimm mínútum síðar eftir skelfileg mistök Mariu Grohs í marki Bayern. Reyndist það síðasta mark leiksins og lokatölur 3-1 Bayern í vil. Bæjarar þar með fyrsta liðið til að leggja Barcelona að velli á þessari leiktíð.
Barcelona pull one back
— DAZN Football (@DAZNFootball) December 7, 2022
https://t.co/KCeIM7Ypun
https://t.co/JSGV3CqPEw
https://t.co/lk4AADyFXo pic.twitter.com/Kzo8w1GOfn
Staðan í riðlinum er þannig að Barcelona og Bayern eru á toppnum með 9 stig. Þar á eftir kemur Benfica með 6 stig á meðan Guðrún Arnarsdóttir og liðsfélgar hennar í Rosengård er án stiga.
Í Lundúnum var Juventus í heimsókn. Landsliðsfyrirliðinn Sara Björk hóf leikinn á bekk gestaliðsins en kom inn á þegar tíu mínútur lifðu leiks. Þá var staðan 1-0 Arsenal í vil þökk sé marki Vivianne Miedema á 16. mínútu. Reyndist það eina mark leiksins og Skytturnar unnu því 1-0 sigur.
This time @ArsenalWFC DO take the lead and it's a good finish from Vivianne Miedema
— DAZN Football (@DAZNFootball) December 7, 2022
https://t.co/vcisspfI23
https://t.co/BlxKLgFPPy pic.twitter.com/LmBtaPp6yx
Arsenal er á toppnum með 10 stig eftir leiki kvöldsins. Þar á eftir kemur Lyon með 7 stig og Juventus 5 á meðan Zürich er án stiga.