Áminntur fyrir að ræða um óheiðarleika í framsetningu Katrínar á barnabótum Sunna Sæmundsdóttir skrifar 13. desember 2022 16:16 Jóhann Páll Jóhannsson þingmaður Samfylkingarinnar. Vísir/Vilhelm Þingmaður Samfylkingar sakaði forsætisráðherra um óheiðarlega framsetningu á breytingum á barnabótum vegna kjarasamninga í ræðustól Alþingis í dag og var í kjölfarið beðinn um að gæta orða sinna. Þingmenn stjórnarandstöðunnar tóku áminninguna óstinnt upp og kölluðu eftir sérstökum umræðum um fundarstjórn forseta. Jóhann Páll Jóhannsson, þingmaður Samfylkingar, og Björn Leví Gunnarsson, þingmaður Pírata, gagnrýndu báðir framsetningu stjórnvalda á aðgerðapakkanum í tengslum við kjarasamningana í gær í umræðum um störf þingsins. Þeir sátu báðir fund fjárlagnefndar í dag þar sem aðgerðirnar voru til umræðu. Björn Leví hélt því fram að við nánari skoðun séu í raun engar viðbætur við barnabætur í aðgerðapakkanum þar sem fjárheimildin sé sú sama. Sökum umsamdra launahækkana ættu bætur að skerðast hjá stærri hóp og að með breytingunni sé skerðingamörkum einungis breytt þannig að sama fjárheimild nýtist samt að fullu. „Það á alltaf að bregðast við til að kjarahækkun komi ekki niður á barnafólki og það er verið að gera það, en ekki til aukningar,“ sagði Björn Leví og sakaði forsætisráðherra um blekkingar. Björn Leví Gunnarsson þingmaður Pírata.Vísir/Vilhelm Tónninn harðnaði nokkuð þegar Jóhann Páll steig upp í pontu vegna sama máls, en hann sakaði Katrínu Jakobsdóttur forsætisráðherra um að hafa villt um fyrir almenningi þegar fjallað var um umfang breytinganna á þinginu í gær. „Þetta er ótrúlega óheiðarlegt og ég er bara hálf miður mín yfir því hvers konar stjórnmálamaður Katrín Jakobsdóttir forsætisráðherra er orðinn. Að óheiðarleikinn sé svona, að svona sé gengið fram gagnvart þjóðþinginu í landinu. Ég fordæmi þetta.“ Þá greip Birgir Ármannsson orðið og bað um að þingmenn gæti orða sinna þegar vikið sé að öðrum þingmönnum og ráðherrum. Birgir Ármannsson forseti AlþingisVísir/Vilhelm Björn Leví óskaði í kjölfarið eftir umræðum um fundarstjórn forseta og gagnrýndi áminninguna. „Það sem við erum að upplifa hérna er það nákvæmlega sama og gerist í afsláttartíð. Þá er sett hærra verð fyrst og svo gefinn afsláttur af hærra verðinu. Við erum að sjá það nákvæmlega sama gerast með barnabætur. Það er í rauninni lægri fjárheimild sem er útreiknuð miðað við fyrri aðstæður og látið líta út fyrir að það sé hækkun. Þetta er óheiðarleg framsetning og við þurfum að geta talað um það með skýrum orðum,“ sagði Björn og vísaði til þess að í siðareglum ráðherra sé rætt um heiðarleika. Birgir sagði það það vissulega ekki óþekkt að í þingsal séu þingmenn gagnrýndir fyrir óheiðarlega framsetningu. „En þegar sagt er að viðkomandi sé óheiðarlegur stjórnmálamaður eða óheiðarleg manneskja þá hrekkur forseti við og það var það sem hann taldi ástæðu til að staldra við,“ sagði Birgir. Lenya Rún Taha Karim, þingmaður Pírata, tók undir með flokksfélaga sínum og sagði nú þegar búið að klippa vængina af stjórnarandstöðunni sem gegndi til að mynda ekki lengur formennsku í þingnefndum og sagðist telja það hættulega slóð að fara að taka fyrir gagnrýni þeirra á framkvæmdavaldið. Jóhann Páll steig að lokum upp og skýrði mál sitt. „Ég vil halda því til haga að ég hélt því ekki fram að hæstvirtur forsætisráðherra væri almennt óheiðarleg manneskja og ég ber gríðarlega virðingu fyrir henni og finnst hún að mörgu leyti mjög aðdáunarverður stjórnmálamaður. En þar af leiðandi geri ég ríkar kröfur til hennar. Ég stend við þau orð mín að það sé ákveðinn óheiðarleiki sem felst í hennar orðum,“ sagði Jóhann. „Hæstvirtur forsætisráðherra fór með rangt mál í gær og við verðum að geta talað um það.“ Alþingi Ríkisstjórn Katrínar Jakobsdóttur Kjaramál Félagsmál Samfylkingin Mest lesið Mjög gjarnan kölluð nasisti og fasisti Innlent Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent Barn á óskoðuðum bíl á 151 kílómetra hraða Innlent Drottningin lögð inn vegna veikinda Erlent „Til hamingju hálfvitar“ Innlent Þrjátíu prestar krefjast dvalarleyfis fyrir Oscar Innlent Eldur í öðrum hreyfli vélar Delta í Flórída Erlent Leyniþjónustustjóri ber Netanjahú þungum sökum Erlent Reyndu að fá Ingu á sitt band með fötu af „extra crispy“ kjúklingavængjum Innlent Gallar í nýbyggingum: Eigendur nýrra íbúða eigi ríkari rétt Innlent Fleiri fréttir Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Sjá meira
Jóhann Páll Jóhannsson, þingmaður Samfylkingar, og Björn Leví Gunnarsson, þingmaður Pírata, gagnrýndu báðir framsetningu stjórnvalda á aðgerðapakkanum í tengslum við kjarasamningana í gær í umræðum um störf þingsins. Þeir sátu báðir fund fjárlagnefndar í dag þar sem aðgerðirnar voru til umræðu. Björn Leví hélt því fram að við nánari skoðun séu í raun engar viðbætur við barnabætur í aðgerðapakkanum þar sem fjárheimildin sé sú sama. Sökum umsamdra launahækkana ættu bætur að skerðast hjá stærri hóp og að með breytingunni sé skerðingamörkum einungis breytt þannig að sama fjárheimild nýtist samt að fullu. „Það á alltaf að bregðast við til að kjarahækkun komi ekki niður á barnafólki og það er verið að gera það, en ekki til aukningar,“ sagði Björn Leví og sakaði forsætisráðherra um blekkingar. Björn Leví Gunnarsson þingmaður Pírata.Vísir/Vilhelm Tónninn harðnaði nokkuð þegar Jóhann Páll steig upp í pontu vegna sama máls, en hann sakaði Katrínu Jakobsdóttur forsætisráðherra um að hafa villt um fyrir almenningi þegar fjallað var um umfang breytinganna á þinginu í gær. „Þetta er ótrúlega óheiðarlegt og ég er bara hálf miður mín yfir því hvers konar stjórnmálamaður Katrín Jakobsdóttir forsætisráðherra er orðinn. Að óheiðarleikinn sé svona, að svona sé gengið fram gagnvart þjóðþinginu í landinu. Ég fordæmi þetta.“ Þá greip Birgir Ármannsson orðið og bað um að þingmenn gæti orða sinna þegar vikið sé að öðrum þingmönnum og ráðherrum. Birgir Ármannsson forseti AlþingisVísir/Vilhelm Björn Leví óskaði í kjölfarið eftir umræðum um fundarstjórn forseta og gagnrýndi áminninguna. „Það sem við erum að upplifa hérna er það nákvæmlega sama og gerist í afsláttartíð. Þá er sett hærra verð fyrst og svo gefinn afsláttur af hærra verðinu. Við erum að sjá það nákvæmlega sama gerast með barnabætur. Það er í rauninni lægri fjárheimild sem er útreiknuð miðað við fyrri aðstæður og látið líta út fyrir að það sé hækkun. Þetta er óheiðarleg framsetning og við þurfum að geta talað um það með skýrum orðum,“ sagði Björn og vísaði til þess að í siðareglum ráðherra sé rætt um heiðarleika. Birgir sagði það það vissulega ekki óþekkt að í þingsal séu þingmenn gagnrýndir fyrir óheiðarlega framsetningu. „En þegar sagt er að viðkomandi sé óheiðarlegur stjórnmálamaður eða óheiðarleg manneskja þá hrekkur forseti við og það var það sem hann taldi ástæðu til að staldra við,“ sagði Birgir. Lenya Rún Taha Karim, þingmaður Pírata, tók undir með flokksfélaga sínum og sagði nú þegar búið að klippa vængina af stjórnarandstöðunni sem gegndi til að mynda ekki lengur formennsku í þingnefndum og sagðist telja það hættulega slóð að fara að taka fyrir gagnrýni þeirra á framkvæmdavaldið. Jóhann Páll steig að lokum upp og skýrði mál sitt. „Ég vil halda því til haga að ég hélt því ekki fram að hæstvirtur forsætisráðherra væri almennt óheiðarleg manneskja og ég ber gríðarlega virðingu fyrir henni og finnst hún að mörgu leyti mjög aðdáunarverður stjórnmálamaður. En þar af leiðandi geri ég ríkar kröfur til hennar. Ég stend við þau orð mín að það sé ákveðinn óheiðarleiki sem felst í hennar orðum,“ sagði Jóhann. „Hæstvirtur forsætisráðherra fór með rangt mál í gær og við verðum að geta talað um það.“
Alþingi Ríkisstjórn Katrínar Jakobsdóttur Kjaramál Félagsmál Samfylkingin Mest lesið Mjög gjarnan kölluð nasisti og fasisti Innlent Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent Barn á óskoðuðum bíl á 151 kílómetra hraða Innlent Drottningin lögð inn vegna veikinda Erlent „Til hamingju hálfvitar“ Innlent Þrjátíu prestar krefjast dvalarleyfis fyrir Oscar Innlent Eldur í öðrum hreyfli vélar Delta í Flórída Erlent Leyniþjónustustjóri ber Netanjahú þungum sökum Erlent Reyndu að fá Ingu á sitt band með fötu af „extra crispy“ kjúklingavængjum Innlent Gallar í nýbyggingum: Eigendur nýrra íbúða eigi ríkari rétt Innlent Fleiri fréttir Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Sjá meira
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent