Menning

„Ég var stundum há­skælandi að mála þessi verk“

Dóra Júlía Agnarsdóttir skrifar
Baldur Helgason er viðmælandi í nýjasta þætti af Kúnst.
Baldur Helgason er viðmælandi í nýjasta þætti af Kúnst. Vísir/Vilhelm

„Ég dett bara í einhverja hugleiðslu og mála án þess að hugsa of mikið. Ég leyfi því að gerast sem vill gerast,“ segir listamaðurinn Baldur Helgason. Lífið tók óvænta og kærkomna stefnu hjá honum eftir að hann fékk tækifæri hjá galleríi í Chicago en síðan þá hefur hann verið að gera öfluga hluti í hinum stóra heimi myndlistarinnar. Baldur Helgason er viðmælandi í nýjasta þætti af Kúnst.

Hér má sjá þáttinn:

„Ég er mjög mikið að mála sálarlíf mitt, það er partur af þessari hugleiðslu sem ég dett inn í. Þetta gæti virkað eins og teiknimyndafígúrur sem ég er bara eitthvað að bulla en þetta er voða mikið ég og það í hvernig líkamlegu eða tilfinningalegu standi ég er hefur áhrif á það hvernig myndirnar verða til og hvað er að gerast á myndunum,“ segir Baldur um listsköpun sína.

Taugaáfall að mæta á sýningar

Baldur er óhræddur við að vera berskjaldaður í list sinni en segir þó geta verið erfitt að afhjúpa verk sín.

„Það er alltaf taugaáfall að mæta á sýningar. Sérstaklega til að byrja með, þá er fólk bara: Hvað í andskotanum eru þessi málverk hérna,“ segir Baldur kíminn og bætir við: 

„En þegar ég byrjaði að leyfa mér að vera meira berskjaldaður í verkunum þá fóru þau líka að verða betri. 

Það var tímabil þar sem viðfangsefnin mín voru öll háskælandi og það var staðurinn sem ég var á í lífinu á þeim tíma. Þetta er mest megnis ég að vinna úr tilfinningum og reyna að setja þær í málverkið.“

Baldur Helgason er óhræddur við að kafa inn á við í listsköpun sinni.Vísir/Vilhelm

Betri manneskja þökk sé myndlistinni

Aðspurður hvort listsköpunin geti þá virkað vel sem þerapía svarar Baldur:

„Stundum, en stundum getur það alveg rústað manni. Þegar að karakterarnir voru háskælandi þá var ég stundum bara háskælandi að mála þessi verk. 

Ég held samt að ég sé betri manneskja frá degi til dags eftir að ég hef fengið að vera í stúdíóinu að tækla þetta, að fá að mála þessar myndir.“

Þættirnir KÚNST með Dóru Júlíu rannsaka hinar ýmsu víddir listsköpunar, ólíka listmiðla og sköpunargleði hjá íslenskum samtíma listamönnum ásamt því að fá að skyggnast bak við tjöldin og heyra um persónulegt líf þeirra.

Kúnst Myndlist Menning Bandaríkin

Tengdar fréttir

Ferillinn fór á flug eftir ör­laga­ríka lista­sýningu vestan­hafs

„Ég fór úr því að vera einn í kjallara heima hjá mér að mála í einhverju ströggli og yfir í að geta allt í einu farið að lifa á því að gera myndlist, sem virðist hafa gerst á einni nóttu,“ segir listamaðurinn Baldur Helgason, sem hefur verið að gera góða hluti í hinum stóra heimi myndlistarinnar. Baldur fer eigin leiðir í listinni og er óhræddur við að kafa djúpt inn á við í sinni listsköpun en hann er viðmælandi í nýjasta þætti af Kúnst.

Draumurinn rættist þegar Netflix hringdi

Ljósmyndarinn Benjamin Hardman hefur verið hugfanginn af Íslandi frá því hann kom hingað í fyrsta skipti árið 2013. Tveimur árum síðar flutti hann hingað og hefur síðan þá unnið hörðum höndum að því að láta draum sinn rætast um að vinna af fullum krafti við ljósmyndun og myndbandsgerð. Hann á að baki sér áhugaverða og einstaka sögu en Benjamin Hardman er viðmælandi í nýjasta þætti af Kúnst.

Flutti úlpu­laus til Ís­lands en fann lykilinn að list­sköpunni

Benjamin Hardman flutti úlpulaus til Íslands frá Ástralíu fyrir rúmum sjö árum með um það bil þúsund fylgjendur á Instagram og draum um að geta unnið sem ljósmyndari. Hann er nú með um 725 þúsund fylgjendur þar sem hann deilir ævintýrum sínum og sinnir ástríðu sinni á ljósmyndun og myndbandsgerð af fullum krafti. Benjamin Hardman er viðmælandi í nýjasta þætti af Kúnst, þar sem hann ræðir opinskátt um lífið, listina og mikilvægi þess að elta draumana sína.

Vill ekki fegra hlutina með list sinni: „Mikilvægt að segja allan sannleikann“

„Mér hefur alltaf fundist það svo mikilvægur partur af því að vera til að segja allan sannleikann,“ segir myndlistarkonan Sigga Björg Sigurðardóttir. Listasafn Reykjavíkur stendur fyrir sýningunni Andardráttur á glugga á Ásmundarsafni, þar sem verk Siggu Bjargar tala við verk Ásmundar Sveinssonar. Sýningin var valin ein af áhugaverðustu myndlistarsýningum Norðurlandanna árið 2023 af tísku-og lífstílstímaritinu Vogue Scandinavia. Sigga Björg er viðmælandi í nýjasta þætti af Kúnst.

Brjóstin urðu fræg á augabragði

Hildur Hákonardóttir hefur með sanni farið eigin leiðir og rutt brautina í listheiminum hérlendis en með listsköpun sinni segir hún gjarnan sögur og er þekkt fyrir pólitísk verk sín. Hildur er viðmælandi í nýjasta þætti af Kúnst, þar sem hún veitir innsýn í sögurnar á bak við listaverkin á yfirlitssýningu verka hennar, Rauður þráður, á Kjarvalsstöðum.

„Hann var á betra kaupi en þær við það að horfa á þær vinna“

Listakonan, vefarinn og brautryðjandinn Hildur Hákonardóttir hefur haft mikil áhrif á íslenska listheiminn með einstökum og pólitískum verkum sínum. Hún hefur með sanni átt viðburðaríkt líf og er þekkt fyrir að hafa alltaf verið nokkrum skrefum á undan. Verk hennar prýða nú Kjarvalsstaði á yfirlitssýningunni Rauður þráður sem Sigrún Hrólfsdóttir sýningarstýrir. Hildur Hákonardóttir er viðmælandi í nýjasta þætti af Kúnst.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.