„Ein alversta frammistaða hjá markmanni sem ég hef orðið vitni að“ Sverrir Mar Smárason skrifar 24. apríl 2023 09:30 Kári hefur ekki miklar mætur á Kela sem markverði. Samsett Hrafnkell Freyr Ágústsson, oftast þekktur sem Keli í hlaðvarpinu Dr. Football, hefur getið sér gott orð í fótboltaumfjöllun á Íslandi. Færri vita þó að Hrafnkell Freyr átti merkilegan feril sjálfur eins og hlustendur fá að kynnast í nýju hlaðvarpi á Tal, Ástríðan – Hetjur Neðri Deildanna. Þar sagði Kári Ársælsson, fyrrum fyrirliði í meistaraliði Breiðabliks og samherji Hrafnkels í Augnablik, skemmtilega sögu frá því þegar Hrafnkell brá sér í hlutverk markvarðar í leik gegn Kára á undirbúningstímabili. „Það fyrsta sem kemur upp í hugann er þegar við spiluðum við Kára upp á Skaga í höllinni. Við vorum, eins og oft var hjá Augnablik á þessum tíma, markmannslausir. Þeir voru alltaf í einhverjum fermingum eða klippingum. Kela fannst mjög eðlilegt að hann myndi taka á sig að vera í marki þarna í þessum leik. Við vorum svona að þræta þetta alla vikuna og það nennti enginn í mark en Keli hafði alltaf haft einhvern draum um að eiga einn leik í búrinu. Eftir á hyggja var þetta galin ákvörðun hjá Jökli þjálfara.“ Ástríðan: Hetjur neðri deildanna mætir á veitur á mánudaginn. TAL, Spotify, podcast öpp.Allt gert með JAKO, Waterclouds og Bola.Fyrstu tveir viðmælendurnir eru PalliBóndi og Málkell #ástríðan pic.twitter.com/xIDiGWO90R— Ástríðan Podcast (@AstriPodcast) April 13, 2023 „Þetta var ein alversta frammistaða hjá markmanni sem ég hef orðið vitni að. Hann var vel kærulaus og allir boltar fóru í gegnum hann og inn. Við hefðum alveg eins getað verið með keilu í marki. Ég man ekki eftir einni einustu vörslu. Keli er samt flottur strákur og á hrós skilið fyrir að þora,“ sagði Kári um þetta skemmtilega atvik. Hrafnkell hélt svo áfram með umræðuna og tók undir með Kára að þetta hafi líklegast verið röng ákvörðun þegar litið er til baka. „Ég var búinn að ræða þetta mikið við Jökul þjálfara alla vikuna. Ég hafði alltaf átt mér draum um að spila í marki. Ég veit ekki hvað það var. Bara tilhugsunin um að standa í markinu og láta skotin dynja á sig. Ég vissi það að á móti Kára í höllinni þá myndu helvíti mörg skot koma,“ sagði Hrafnkell og hló. „Ég sagði bara við Jökul að ég skyldi taka þetta á mig og þetta fer bara eins og þetta fer. Svo var þetta bara miklu verra en ég hélt. Ég var miklu lélegri en ég bjóst við og líka miklu erfiðara. Eftir þetta fór ég að bera meiri virðingu fyrir markmönnum,“ sagði Hrafnkell. Hann viðurkenndi svo að hann hafi verið farinn að huga að því hvort einhver vildi skipta við hann sem honum tókst svo eftir 60 mínútna leik. „Það sem gerðist fyndið var að í hálfleik var ég farinn að spyrja menn hvort einhver annar væri til í að taka að sér búrið. Arnór Brynjarsson var eiginlega eini sem var eitthvað til í það. Við ákváðum að ég myndi byrja síðari hálfleikinn áfram í markinu en svo á 60. mínútu gafst ég upp og þá tókum við markmannsskipti. Þeir á ÍA-TV voru búnir að vera að segja allan leikinn að ég væri nú líklega ekki markmaður sem þeir sáu svo bara þegar ég skipti við Arnór í miðvörðinn,“ sagði Hrafnkell og hló. Leikurinn endaði 7-3 heimamönnum í Kára í vil og Hrafnkell fékk því á sig 7 mörk í sínum eina leik á milli stanganna. Öllum til mikillar gleði er leikurinn enn opinn á youtube síðu ÍA TV og getur því hver sem er séð hvað átti sér stað og dæmi svo hver fyrir sig um hæfileika Hrafnkels sem markmaður. Ástríðan – Hetjur neðri deildanna er sem fyrr segir nýtt hlaðvarp á Tal sem stýrt er af Sverri Mar Smárasyni sem hefur undanfarin ár stýrt hlaðvarpinu Ástríðan. Þar hefur Sverrir ásamt félögum sínum Óskari Smára og Gylfa Tryggvasyni fjallað um leiki og lið í 2.- og 3.deild karla í fótbolta. Nú ætlar hann í nýrri þáttaröð að taka viðtöl við hetjur úr neðri deildunum sem allir hafa heyrt um en fæstir þekkja almennilega sem leikmenn. Hægt er að hlusta á Hetjur neðri deildanna í öllum helstu hlaðvarpsveitum. Fótbolti Íslenski boltinn Breiðablik Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn Ísland aldrei ofar á heimslistanum Fótbolti Zirkzee hetjan í sínum fyrsta leik Enski boltinn Albert kynntur til leiks í Flórens Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn Ólétt af Ólympíumeistara þegar hún stóð sjálf á verðlaunapallinum Sport „Var kominn með hausverk á hliðarlínunni“ Fótbolti Hótuðu sjónvarpskonu og ófæddu barni hennar Sport Fleiri fréttir Uppgjörið: Sanngjarnt þegar Valskonur tryggðu sér bikarinn Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Damir áfram í Kópavoginum Pottur víða brotinn og börnin borgi brúsann Fjölnir naumlega á toppnum og Þróttur nálgast umspil Sjá meira
Þar sagði Kári Ársælsson, fyrrum fyrirliði í meistaraliði Breiðabliks og samherji Hrafnkels í Augnablik, skemmtilega sögu frá því þegar Hrafnkell brá sér í hlutverk markvarðar í leik gegn Kára á undirbúningstímabili. „Það fyrsta sem kemur upp í hugann er þegar við spiluðum við Kára upp á Skaga í höllinni. Við vorum, eins og oft var hjá Augnablik á þessum tíma, markmannslausir. Þeir voru alltaf í einhverjum fermingum eða klippingum. Kela fannst mjög eðlilegt að hann myndi taka á sig að vera í marki þarna í þessum leik. Við vorum svona að þræta þetta alla vikuna og það nennti enginn í mark en Keli hafði alltaf haft einhvern draum um að eiga einn leik í búrinu. Eftir á hyggja var þetta galin ákvörðun hjá Jökli þjálfara.“ Ástríðan: Hetjur neðri deildanna mætir á veitur á mánudaginn. TAL, Spotify, podcast öpp.Allt gert með JAKO, Waterclouds og Bola.Fyrstu tveir viðmælendurnir eru PalliBóndi og Málkell #ástríðan pic.twitter.com/xIDiGWO90R— Ástríðan Podcast (@AstriPodcast) April 13, 2023 „Þetta var ein alversta frammistaða hjá markmanni sem ég hef orðið vitni að. Hann var vel kærulaus og allir boltar fóru í gegnum hann og inn. Við hefðum alveg eins getað verið með keilu í marki. Ég man ekki eftir einni einustu vörslu. Keli er samt flottur strákur og á hrós skilið fyrir að þora,“ sagði Kári um þetta skemmtilega atvik. Hrafnkell hélt svo áfram með umræðuna og tók undir með Kára að þetta hafi líklegast verið röng ákvörðun þegar litið er til baka. „Ég var búinn að ræða þetta mikið við Jökul þjálfara alla vikuna. Ég hafði alltaf átt mér draum um að spila í marki. Ég veit ekki hvað það var. Bara tilhugsunin um að standa í markinu og láta skotin dynja á sig. Ég vissi það að á móti Kára í höllinni þá myndu helvíti mörg skot koma,“ sagði Hrafnkell og hló. „Ég sagði bara við Jökul að ég skyldi taka þetta á mig og þetta fer bara eins og þetta fer. Svo var þetta bara miklu verra en ég hélt. Ég var miklu lélegri en ég bjóst við og líka miklu erfiðara. Eftir þetta fór ég að bera meiri virðingu fyrir markmönnum,“ sagði Hrafnkell. Hann viðurkenndi svo að hann hafi verið farinn að huga að því hvort einhver vildi skipta við hann sem honum tókst svo eftir 60 mínútna leik. „Það sem gerðist fyndið var að í hálfleik var ég farinn að spyrja menn hvort einhver annar væri til í að taka að sér búrið. Arnór Brynjarsson var eiginlega eini sem var eitthvað til í það. Við ákváðum að ég myndi byrja síðari hálfleikinn áfram í markinu en svo á 60. mínútu gafst ég upp og þá tókum við markmannsskipti. Þeir á ÍA-TV voru búnir að vera að segja allan leikinn að ég væri nú líklega ekki markmaður sem þeir sáu svo bara þegar ég skipti við Arnór í miðvörðinn,“ sagði Hrafnkell og hló. Leikurinn endaði 7-3 heimamönnum í Kára í vil og Hrafnkell fékk því á sig 7 mörk í sínum eina leik á milli stanganna. Öllum til mikillar gleði er leikurinn enn opinn á youtube síðu ÍA TV og getur því hver sem er séð hvað átti sér stað og dæmi svo hver fyrir sig um hæfileika Hrafnkels sem markmaður. Ástríðan – Hetjur neðri deildanna er sem fyrr segir nýtt hlaðvarp á Tal sem stýrt er af Sverri Mar Smárasyni sem hefur undanfarin ár stýrt hlaðvarpinu Ástríðan. Þar hefur Sverrir ásamt félögum sínum Óskari Smára og Gylfa Tryggvasyni fjallað um leiki og lið í 2.- og 3.deild karla í fótbolta. Nú ætlar hann í nýrri þáttaröð að taka viðtöl við hetjur úr neðri deildunum sem allir hafa heyrt um en fæstir þekkja almennilega sem leikmenn. Hægt er að hlusta á Hetjur neðri deildanna í öllum helstu hlaðvarpsveitum.
Fótbolti Íslenski boltinn Breiðablik Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn Ísland aldrei ofar á heimslistanum Fótbolti Zirkzee hetjan í sínum fyrsta leik Enski boltinn Albert kynntur til leiks í Flórens Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn Ólétt af Ólympíumeistara þegar hún stóð sjálf á verðlaunapallinum Sport „Var kominn með hausverk á hliðarlínunni“ Fótbolti Hótuðu sjónvarpskonu og ófæddu barni hennar Sport Fleiri fréttir Uppgjörið: Sanngjarnt þegar Valskonur tryggðu sér bikarinn Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Damir áfram í Kópavoginum Pottur víða brotinn og börnin borgi brúsann Fjölnir naumlega á toppnum og Þróttur nálgast umspil Sjá meira