Valgeir hafði betur gegn Hákoni í toppslag sænsku úrvalsdeildarinnar

Með sigrinum minnkaði Häcken muninn niður í eitt stig en Elfsborg er á toppi deildarinnar og á einn leik til góða á Häcken.

Jeppe Okkels kom Elfsborg yfir á 22. mínútu leiksins en Tobias Sana jafnaði þremur mínútum síðar. Mikkel Rygaard kom Häcken svo yfir í byrjun seinni hálfleiks. Amor Layouni gulltryggði svo sigurinn fyrir heimamenn á 58. mínútu.

Þrátt fyrir að hafa skorað þrjú mörk voru heimamenn einungis með 1,14 í xG, eða áætluð mörk. Elfsborg var með rúmlega tvo í xG en tókst ekki að nýta sér það. Þeir voru einnig meira með boltann og mun fleiri skot.