„Ég er saklaus af þeim ásökunum sem komið hafa fram. Ég mun ekki tjá mig frekar á meðan málið er til rannsóknar,“ segir Albert í stuttri yfirlýsingu til fjölmiðla í morgun.
Albert er staddur í Genúa á Ítalíu þar sem hann leikur með liðinu Genoa CFC.
KSÍ fékk óljósar upplýsingar um málið í júli að sögn Vöndu Sigurgeirsdóttur formanns. Var þeim vísað til samskiptaráðgjafa í samræmi við verklagsreglur sambandsins. Síðar fékk KSÍ staðfest frá lögmanni kæranda að kæran hafi verið lögð fram og stígur Albert þá til hliðar í landsliðinu á meðan rannsókn fer fram.
