Þetta kemur fram í dagbók lögreglu þar sem farið er yfir verkefni dagsins hjá lögreglu.
Í Reykjavík var tilkynnt um ýmis hegningarlagabrot. Tilkynnt var um innbrot í geymslur og bifreið í Hlíðahverfi. Þá var tilkynnt um sofandi mann í miðbænum sem var vakinn af lögreglu sem og mann sem er sagður hafa hrellt starfsmenn í verslun í miðbænum.
Í Hafnarfirði og Garðabæ var auk hópslagsmála tilkynnt um umferðarslys í Garðabæ þar sem ökumaður reyndist ölvaður.
Í Breiðholti var tilkynnt um mann sem reyndi að komast inn í bifreiðar. Í Árbænum var tilkynnt um þjófnað og innbrot í atvinnuhúsnæði.
Ekki náðist í lögreglu þegar eftir því var leitað.
