Besta heilsu­fars­lega á­kvörðun sem ég hef tekið

Byrjaði að stunda Osteostrong sem forvörn

Jóhanna segir að upphaflega hafi hún prófað Osteostrong því hún vildi fyrirbyggja beinþynningu, vöðvarýrnun og bæta líkamsstöðu sína.

„Árið 2016 sá ég auglýsingu frá Osteostrong og hvað reglubundnar æfingar geta gert fyrir líkamann. Það sem vakti helst athygli mína var að lesa hversu beinþéttnin eykst við reglulega ástundun. Um þetta leiti var ég búin að fylgjast með móður minni glíma við mikla beinþynningu og horfði upp á hana kveljast vegna mjaðmarbrots sem hún náði sér aldrei almennilega af. Sjálf var ég aðeins farin að finna til óþæginda í mjöðm og ég vissi að ég vildi ekki enda eins og hún. Auk þess vissi ég að það er langtímaverkefni að vinna upp beinþéttni og því ekki eftir neinu bíða. Það má því segja að það hafi verið helsta kveikjan að ég dreif mig af stað í prufutíma hjá Osteostrong.“

Varð verkjalaus eftir reglubundna ástundun

Enn var þó nokkur bið á að Jóhanna fór að stunda Osteostrong reglulega.

„Fyrir rúmlega tveimur árum fór ég til læknis vegna þrálátra óþæginda í mjöðminni sem voru nú farnir að verða að verkjum. Auk þess var ég komin með verki í annað hnéð. Niðurstöður rannsókna bentu til slits og ég var sett á langan biðlista fyrir aðgerð. Í millitíðinni ákvað ég að byrja að stunda Osteostrong og viti menn...eftir nokkur skipti minnkuðu verkirnir og eftir nokkra mánaða ástundun hurfu þeir alveg! Þegar ég snéri svo aftur til læknis ætlaði hann ekki að trúa sínum eigin eyrum þegar ég sagði honum frá líðan minni og verkjaleysinu. Í samráði við hann var ég hálf útskrifuð og aðgerðinni var frestað um óákveðin tíma.“

Endurhlaðinn líkami eftir hverja æfingu

Meðlimir sem mæta vikulega í æfingar hjá OsteoStrong ná á einu ári að bæta styrkinn sinn um 73% að meðaltali. Heimsóknin tekur aðeins 20 mínútur og þar af liggur fólk á bekk í 10 mínútur sem hjálpar til við að minnka bólgur í líkamanum og auka blóðflæði.

Þar sem liðir og vöðvar þéttast og styrkjast losna margir við stoðkerfisverki, verki í baki og liðamótum ásamt því að auka jafnvægi og beinþéttni.

Eftir að Jóhanna var búin að stunda Osteostrong í dágóðan tíma byrjaði hún að finna töluverðan mun á sér. Hún er bæði sterkari og einbeittari, með betri hreyfigetu og finnst líkaminn allur mýkri. Hún fær ekki aðeins betri læknisskoðun, heldur hefur hún einnig bætt kraftinn í höndunum um 124%.

„Ég er mjög hissa hvað ég er sterk og bara eiginlega trúi því varla. Ég reyni að mæta vikulega á æfingu þar sem ég er að lyfta, toga og ýta allt að 600 kg. 

Eftir tímann finn ég alveg fyrir því og þegar ég kem heim steinsofna ég eins barn í ca korter. Það er eins og líkaminn sé að endurhlaða sig því eftir að ég vakna þá er ég eins og ný manneskja. Hvað það er eiginlega sem á sér stað í líkamanum við þessar æfingar er erfitt að segja en við það lyfta allt að sjöfaldri líkamsþyngd hverju sinni er eins og líkaminn glaðvakni og sendi boð til allra vöðva svo hámarksgetu er náð.“

Heilsubætandi og fyrirbyggjandi æfingar

Síðasta sumar fór Jóhanna í almenna líkamsrækt í Heilsuklasann upp á Höfða þar sem hún sótti tíma fyrir 60+. Eftir einn tímann var henni boðið að fara í heilsumat og mælingu þar sem almennt ástand líkamans var mælt. Þegar niðurstöður mælinga lágu fyrir rak þjálfarinn upp stór augu og það lá við að hann hneigði sig fyrir henni. Þessu til viðbótar leitaði hún til hjarta og æðalæknis um svipað leiti til að fá úr því skorið hvort hún væri með slæmt blóðflæði vegna fótaóeirðar og fótkulda sem hún fann orðið fyrir.

„Já þetta er eiginlega of gott til að vera satt,“ segir Jóhanna og hlær. „Eftir að búið var að mæla blóðþrýsting og blóðflæði almennt sagði hann að ég væri leiðinlegur sjúklingur því ekkert væri hægt að finna að hjá mér. 

Það væru ekki margir jafnaldrar mínir sem kæmu svona vel úr læknisskoðun.  Hann sagði að blóðþrýstingurinn og blóðflæði væri eins og hjá ungling og ég liti út eins og ung kona að innan.“

Samkvæmt öllum rannsóknum kom út svipuð niðurstaða og var henni sagt að halda áfram að gera það sem hún væri að gera og umfram allt stunda áfram reglubundnar æfingar hjá Osteostrong. Æfingarnar væru ekki aðeins heilsubætandi heldur fyrirbyggjandi líka.

Verðmetur ekki heilsuna

Jóhanna talar um að mörgum finnist þetta eflaust dýrt en það er ekki hægt að setja verðmiða á góða heilsu.

„Hvað gerir maður ekki fyrir góða heilsu? Þegar maður er ungur og hraustur þá spáir maður ekki í hvað heilsan skiptir miklu máli. Því miður er það oft þannig að maður grípur of seint í, orðin of gamall eða heilsan farin að versna. Mér finnst ekkert annað koma til greina en að borga fyrir þessa líkamsrækt. Ég hef ekki aðeins trú á að hún virki heldur er ég gangandi sönnun fyrir því. Ég er heilbrigðari en ella og fæ frábæra læknisskoðun í hvert sinn. Á sama tíma spara ég heilmikinn pening að þurfa ekki að ganga á milli lækna vegna heilsufarsvanda.“

Osteostrong svarar nútímanum

„Svo er hugmyndin svakalega flott og svarar nútímasamfélagi mjög vel. Þar sem mikill hraði og tímapressa virðist vera að hrjá alla. Fólk er alltaf að flýta sér og vaknar fyrir allar aldir til að mæta í ræktina fyrir vinnu eða í öngþveiti og stressi eftir vinnu. Osteostrong býður hins vegar upp á allt annað umhverfi. Þú getur farið hvenær sem er yfir daginn, jafnvel í vinnufötunum eða jakkafötunum með bindið um hálsinn og fengið þína styrkingu og klárað þínar æfingar á innan við hálftíma sem er svipuð lengd og ef þú værir í símanum. Ég meina hver getur ekki tekið 20 mínútna símtal? Þannig að tímaskortur er engin afsökun fyrir að fara ekki á æfingu.“

Tryggðu þér betri elliár

Í lokin nefnir Jóhanna að besta heilsufarslega ákvörðunin sem hún hefur tekið sé að byrja að æfa hjá Osteostrong. Hún hvetur alla sem eru að velta fyrir sér hvað henti þeim að hringja og panta prufutíma.

„Til þeirra sem hafa efasemdaraddir í höfðinu um að þetta virki ekki og sé of gott til að vera satt vil ég bara ítreka hvað þetta hefur gert fyrir mig. Í upphafi mætti ég því ég vildi styrkari bein og koma í veg fyrir beinþynningu og vöðvarýrnun en fékk svo ótalmargt í bónus. Ekki hugsa í peningum. Hugsaðu frekar hvað þú sparar á þessu heilsusamlega því þú getur komið í veg fyrir frekari heilsubrest. Tryggðu þér góð elliár með betri heilsu og lífsgæðum.“

Frír prufutími: