United vann alla þrjá leiki sína í ensku úrvalsdeildinni í nóvember og hélt hreinu í þeim öllum. Maguire átti stóran þátt í því en hann lék afar vel í vörn United í síðasta mánuði.
Three matches, three wins, three clean sheets @HarryMaguire93 is November's @EASPORTSFC Player of the Month @ManUtd | #PLAwards pic.twitter.com/y6AxRrgGLW
— Premier League (@premierleague) December 8, 2023
Staða Maguires hefur breyst mikið frá því í byrjun tímabilsins. Þá sat hann fastur á varamannabekk United og búinn að missa fyrirliðabandið hjá liðinu.
Hann hefur hins vegar unnið sér sæti í liði United á ný og verið einn besti leikmaður liðsins undanfarnar vikur.
Maguire er fyrsti varnarmaðurinn sem er valinn leikmaður mánaðarins í ensku úrvalsdeildinni síðan Liverpool-maðurinn Joël Matip fékk þessi verðlaun í febrúar í fyrra.
Maguire og félagar í United taka á móti Bournemouth á morgun. United er í 6. sæti ensku úrvalsdeildarinnar með 27 stig eftir fimmtán umferðir.
