Þetta kemur fram í tilkynningu frá lögreglunni á Austurlandi. Þar segir að Veðurstofa Íslands hafi tekið ákvörðun um að aflýsa hættustiginu, sem komið var á í gær.
Aflýsingin tekur gildi nú klukkan 19. Á sama tíma er rýmingum í bænum aflétt og lokunum Hafnargötu sömuleiðis.
Óvissustig enn í gildi
Óvissustig er enn í gildi vegna snjóflóðahættu á Austurlandi. Á vef ofanflóðavaktar Veðurstofunnar segir að tilkynnt hafi verið um vot flekaflóð og spýjur í grennd við Eskifjörð, Norðfjörð, í Oddsskarði og Fagradal.
„Flóðin eru flest lítil eða meðal stór og fara ekki langt en með há brotstál. Í Fagradal hafa fallið stærri flóð en ekkert þessara flóða hafa ógnað byggð. Talið er að flóðin hafi flest fallið í veðrinu 1.jan,“ segir í tilkynningunni. Þar kemur jafnframt fram að óvissustig verði í gildi á Austfjörðum til morguns.
